InfoHub Logo

Qazaq tili. 3 synyp.
Sabaqtyń taqyryby: Etistik.
Sabaqtyń maqsaty: bilimdiligi: Etistik týraly biletinderin eske túsirý. Etistikke suraq qoıa bilýge, sóılem ishinen etistikti taba alýǵa, etistikti qatystyryp sóılem quraýǵa, etistiktiń sózdermen baılanysyn syzbamen kórsete alýǵa jattyqtyrý.
Damytýshylyǵy: Oqýshylardyń oılaý qabileti men shyǵarmashylyǵyn arttyrý, tapqyrlyqqa jeteleý.
Tárbıeligi: Uqyptylyqqa, kórkem jazýǵa tárbıeleý, tatýlyqqa, birlikke umtyldyrý.
Sabaq kórnekiligi: sýretter toptamasy, sózder toby, kesteler, syzbalar, ınteraktıvti taqta, slaıdtar.
Sabaq tyń túri: Jańa sabaq.
Sabaqtyń ádisi: suraq jaýap, oıyndar, toptyq saıys, test, salystyrý, toptastyrý, semantıkalyq karta.

Sabaqtyń júrisi: I. Uıymdastyrý.
II. Ótken sabaqty pysyqtaý. «Shybyqtar otyrǵyzý» oıyny arqyly pysyqtalady.
1-shybyqta - Táýeldik jalǵaýy týraly ne bilesiń? 2-shi shybyqta – kóz sózin jekeshe túrde táýelde. 3-shi shybyqta – sabyn sózin kópshe táýelde. 4- shybyqta - myna sózderdiń qaı jaqta qalaı táýeldenip turǵanyn túsindir.
Ózeni, tabıǵatym, kiltteriń, anamyz.
Neshe shybyq otyrǵyzdyq?( 4 ) Tórt sanyna baılanysty qandaı naqyl sózder bilemiz? Tórteý túgel bolsa, tóbedegi keler. Tórt qubylam túgel bolsyn.
Iá, osylaısha árbir kúngi tapsyrmany túgeldeı oryndap, meńgerip júrsek, bilim jolyndaǵy tórt qubylamyz túgel bolady eken.
Jańa sabaq.
Qazir qaı mezgil? Neshe aıdan turady? Aılardy ata. Endeshe osy aı attaryn ıelenip úsh topqa bólinemiz. Birinshi top - Naýryz. Ekinshi top - Sáýir. Úshinshi top - Mamyr. Endi rebýs sheshelik.(Etik, tis, útik.) Birinshi sózden sońǵy áripti, ekinshi sózden aldyńǵy eki áripti, úshinshi sózden birinshi áripti alyp tasta. Shyqqan sóz búgingi sabaǵymyzdyń taqyryby - Etistik.
Oıyn «Kóktem gúlin teremiz»
Birinshi top - Etistik degenimiz ne?
Ekinshi top - Etistiktiń Suraqtaryn ata.
Úshinshi top – Etistikke sózder oıla.

1-jattyǵý. Sýretter toptamasy arqyly qandaı taqyrypqa áńgime quraýǵa bolady? «Tiri tabıǵat buryshy». Birinshi top – Áńgime qurastyr. Ekinshi top – Áńgimege at qoı.. Úshinshi top – Etistikterdi tap, suraq qoı.
2-jattyǵý. Birinshi top – Jumbaqty oqyp, sheshýin tap. Ekinshi top – Etistikterdi terip, taqtaǵa jaz. Úshinshi top – Aqqý týraly naqyl sózder taýyp aıt.(Aqqý kıeli qus. Aqqýdy atýǵa, dosty satýǵa bolmaıdy.)
3-jattyǵý. Óz betindik jumys. Sózderdi sıpatyna qaraı eki topqa bólip jaz. Ata, oınady, ini, balyq, jınady, qýdy, túıe, jarysty, shortan, aıtty.
4-jattyǵý. Shyǵarmashylyq jumys. Qondy, ushty, jaýdy, sekirdi, tasydy.. Birinshi top – Osy sózderge sóılem qurap aıtý.
Ekinshi top – Sóılemderdi kezektesip taqtaǵa jazý.
Úshinshi top - Etistikke suraq qoıyp, astyn syz.
5-jattyǵý. Sáıkestendirý test arqyly.
Bıe ----- qozdaıdy
Sıyr --- botalaıdy
Qoı ----- qulyndaıdy
Eshki ---- buzaýlaıdy
Túıe ---- laqtaıdy
Birinshi top – Tıisti sózben sáıkestendir, tórt túliktiń atasyn ata. Ekinshi top – Sáıkestendirip taqtaǵa jaz, tórt túliktiń paıdasyn aıtyp ber.. Úshinshi top - Sózderdiń baılanysyn syzbamen kórset, qaı maldy qalaı shaqyratynyn aıtyp ber.
6-jattyǵý.
bıe, túıe, ıt, taýyq, qoı, sıyr, eshki, shoshqa, mysyq, esek
Móńireıdi. Mıaýlaıdy Úredi Qyt-qyttaıdy Kisineıdi Baqyrady Mańyraıdy Bozdaıdy Aqyrady Qorsyldaıdy

Oı qozǵaý. Eger men sıqyrshy bolsam ne ister edim? (Eger men sıqyrshy bolsam, ný orman ázir etemin. Eger men sıqyrshy bolsam, keń jaılaý ornatar edim. Eger men sıqyrshy bolsam, tórt túlik mal ósirer edim. t. b)

Toptyq saıys. Óz atyńdy qorǵap shyq! (Bes sóılemmen jaýap ber.) Birinshi top – Naýryzda ne bolady, ne istelinedi? Qar erıdi. Kún jylynady. Analardy quttyqtaımyz. Naýryzdy toılaımyz. Kóje pisiriledi.. Ekinshi top – Sáýirde she? Jer jyrtylady. Egin salynady. Qustar keledi. Uıa jasalady. Mal tóldeıdi. Úshinshi top - Mamyrda she? Birinshi mamyr merekelenedi. Jeńis kúni toılanady. Ardagerlerdi quttyqtaımyz. Sý tasıdy. Jańbyr jaýady.

Toptastyrý. Ortaq etistigin tap.
Birinshi top ---- Ekinshi top ---- Úshinshi top
Kún -------------- oıý ----------------- kıim
Esik -------------- muz ---------------- is
Qushaq ---------- tereze ------------ báıge

Qorytyndylaý. Terme dıktant.
Birinshi top:- Etistikti terip jaz...(Ala, sý, qalady, tas, bóldi, altynshy, jalǵandy)
Ekinshi top - Etistiktiń suraǵyn jaz.... (Qansha? Ne? Qandaı? Ne istedi? Qaı? Ne qyldy? Kim? Qaıtti?)
Úshinshi top - Etistigi bar sóılemdi jaz. (Qyzyl dop. Sýret salyndy. Janar bıledi. Júlde berildi).

Baǵalaý.
Úıge tapsyrma berý.