InfoHub Logo

Sabaqtyń taqyryby: Ulttyq oıý - órnektermen jumys jasaý.

Sabaqtyń maqsaty:
Bilimdiligi: Oqýshylardyń oıý - órnek týraly túsinikteri men sheberlik daǵdylaryn
qalyptastyrý.
Damytýshylyǵy: Este saqtaý qabiletin damytý, qolónerge qyzyǵýshylyǵyn arttyrý.
Tárbıeligi: Sheberlikke, únemdilikke tıanaqtylyqqa baýlý, ádemilikti sezine bilýge, sheber adamdaryn qurmetteýge, olardyń eńbekterin baǵalaýǵa tárbıeleý.
Sabaq túri: Toptyq saıys sabaq.
Sabaq tıpi: Qorytyndy sabaq.
Sabaq ádisi: Túsindirmeli, suraq – jaýap, toptyq jumys.
Sabaqtyń kórnekiligi: Búkteme, álbom, baǵalaý paraǵy, qaǵazǵa japsyrylǵan oıýlar, keste tigisteri, mataǵa basylǵan oıýlar.
Pánaralyq baılanys: Beıneleý óneri, matematıka.
Qajetti qural – jabdyqtar: Aq, túrli – tústi qaǵaz, jelim,
qaıshy, bir tústi matalar, ıne, jip.
Qaýipsizdik erejesi: Qaıshymen, jelimmen durys jumys jasaý.

Sabaq barysy
1. Uıymdastyrý kezeńi: A) oqýshylardy túgeldeý.
B) qural jabdyqtaryn tekserý. (2 mınýt)
2. Saıys sabaq
Topqa bólý
Oqýshylar 3 topqa bólinedi.
3 topqa aq qaǵaz tartylady.

İ. Qandaı oıý - órnekterdiń túrin bilesińder? degen suraqqa ár top jaýaptaryn jazady. (5 mınýt)
(Botamoıyn, qoshqarmúıiz, túıemoıyn, buǵymúıiz, synarmúıiz, qarmaq, búrshik, ırek, tolqyn, synyqmúıiz, qoltyqsha, arqarmúıiz, qusqanaty, shyrmaýyq, ǵarysh sıpattaǵy órnekter).

İİ. Túrli – tústi qaǵazdan oıý qıyp, aq qaǵazǵa japsyrý. (5 mın)
Ár top ózderi jasaǵan oıý - órnekterin aq qaǵazǵa japsyrady.
İİİ. Qıǵan oıýlaryn mataǵa ornalastyryp tigý. (15 mınýt)
Ár top ózderi «qoshqarmúıiz» oıýyn mataǵa ornalastyryp tigedi. (kókteý)
IV. Suraq – jaýap. (10 mınýt) Ár top suraqqa jaýap beredi.

İ top:
Qazaq halqy qandaı oıýdy erekshe paıdalanady? (qoshqarmúıiz)
Sımmetrıa degenimiz ne? (búktelgen bólikterdiń ekeýi de dál kelýin sımmetrıa deıdi).
Oıý - órnekter kimniń qandaı bólshegine ornalasady? (aldyńǵy óńir jıekterine, jeńine, etegine t.b)

İİ top.
Qaǵazǵa oıýdy qandaı tásilmen oryndaıdy? (bir búkteý, eki búkteý, úsh búkteý, t.b kúrdelenip oryndalady)
Oıý - órnekpen qandaı buıymdardy áshekeıleıdi? (qorjyn, túskıiz, tekemet, júkaıaq, kebeje t.b)
Buıymǵa ornalasqan oıýdy ýaqytsha qandaı tigispen oryndaıdy? (kókteý tigisi).

İİİ top:
Oıý - órnek degenimiz ne? (qazaqtyń oıý jáne órnek degen qos sózi birige kelip, latynsha ornament degen uǵymdy bildiredi)
Qandaı órnekter qazaq oıý - órnek óneriniń negizi bolyp tabylady? (múıiz beıneli aıshyqtar)
Sáýkeleni kimder kıedi, ony nemen áshekeıleıdi?
(Sáýkele – qalyńdyqtyń bas kıimi. Ony altyn, kúmis, marjan
tastarmen áshekeıleıdi)

V. Qorytyndy:Bul bólimde úıden daıyndap kelgen oıýlaryn
tapsyrady. (5 mınýt)
Tapsyrma: Oıý - órnektiń kúrdeli tigý. (1 mınýt)
Baǵalaý paraǵy: Ár topty baǵalaı otyryp, qaı toptyń jeńiske jetkenin aıtamyn. (2 mınýt)