InfoHub Logo

1 - mamyr Dostyq merekesine arnalǵan
«Dostyq – bizdiń tiregimiz!» atty mektepishilik merekelik kesh
1 - Mamyr Qazaqstan Halyqtarynyń Yntymaq kúnine arnalǵan «Dostyq bizdiń tiregimiz!»- atty ár ult ókilderiniń festıvali

Fanfara oınalady.
2 - júrgizýshi sahnaǵa shyǵady.
1 - júrgizýshi:
Aýylym týǵan, gúl tergem senen alǵashqy,
Kógildir aspan, kók jıek, orman - sharbaqty.
Kózime alǵash kezikken qaıda boztorǵaı,
Kókegim qaıda jamylǵan jolaq sharqatty,
Syńǵyrly Jaıyq, sybdyrly toǵaı, gúldi qyr,
Ózderiń bolyp sanama bala tundy jyr.
Kógimnen qulap, kóńilimdi jatty jylytyp,
Kózimnen oınap, kúmiske boıap kúlki nur.

2 - júrgizýshi:
Birinshi mamyr!
Dostyqtyń uly meıramy
Toǵysar sende jandardyń izgi oılary
Tatýlyq penen birlikke yntymaq, adamzat,
Ózińdi sánmen qoshemet etip toılaıdy!

1 - júrgizýshi: Qazaqstan búginde ulttar men ulystar mekendegen dostyq pen týysqandyqtyń, yntymaq pen yrystyń ordasyna aınaldy. Elbasy N. Á. Nazarbaev halyqtar dostyǵy birlik pen tatýlyq ornyqqan eldiń jańa álemdegi jańa Qazaqstan bolýy kerektigin uly mindet etip qoıdy. Qazaqstan halyqtary osynaý uly kóshtiń basynda qol ustasyp birge júrmek.

2 - júrgizýshi: Nazdanyp búgin ómir nurly kúni,
Qyr bettiń qyzǵaldaqqa tundy gúli.
Mamyr bop, aıbary asyp asqaqtaıdy,
Eńbek, Baqyt, Bereke, Birlik kúni

1 - júrgizýshi: Qaharman, qas batyrǵa dabyly saı,
Armanǵa jeteleıtin aǵyny baı.
Men seni qýanyshpen qarsy alamyn,
Ajaryń aq - shýaqty mamyrym - aı.

2 - júrgizýshi: Yntymaq, birlik, dostyq, tatýlyq
Babalardan qalǵan dástúr aıtýly
Túgeldenip tórteýimiz tórde tur
Táýelsizdik týy máńgi tuǵyrly

Qurmetti ustazdar! Júzderimizge shýaq, boıymyzǵa qýat ákelgen 1 - mamyr Qazaqstan Halyqtarynyń yntymaǵy men birligi kúni qutty bolsyn! Búgingi merekemen quttyqtaý úshin sóz mektep dırektory Abdolov Almabek Dúısenbaıulyna beriledi.
Án: «Árqashan kún sónbesin» oryndaıtyn: Trıo

1 - júrgizýshi:
Kúte tuǵyn asyǵa ár kúnin biz,
Arnalatyn eń tátti án jyrymyz
Merekeli mereıli aıdyń basy
Qutty bolsyn Birinshi Mamyrymyz!

2 - júrgizýshi:
Qazaqstan Respýblıkasynyń Prezıdentiniń joldaýy elimiz úshin de, árbir turǵyn úshin de asyǵa kúter oqıǵaǵa aınaldy. Joldaýdyń ár jolynda kóńilińdi kóteretin jyly shýaq, eldiń erteńgi kórinisin kóz aldyńa keltiretin nurly qýat bar. Jańa Qazaqstannyń kórkeıip nurlanýyna birlese úles qosaıyq, aǵaıyn.

Áýen jiberilip turady. Sahnaǵa ulttyq kıim kıgen qazaqtar shyǵady. Olar óz ónerlerin kórsetedi. 1 - án, 1 - qazaq bıi. Osy baǵdarlamany daıyndaý 6 á, 5 á synybyna berildi. Barlyǵy 15 adam.
1 - júrgizýshi: Qazaqstan Respýblıkasyn meken etken 130 dan astam ult ókili kúni búginge deıin yntymaqtastyqqa, bir úıdiń balasyndaı tatý - tátti jarasymdy tirshilik keship keledi. Júzi basqa bolǵany men júregi bir, tili basqa bolǵanymen tilegi bir, maqsat - múddesi ortaq, birligi myqty, dostyǵy berik ulttar qazaq eliniń salt - dástúrine, ulttyq qundylyqtaryna qurmetpen qaraıdy, sondaı - aq qazaq halqynyń qarapaıymdylyǵy, qonaqjaılylyǵy, baýyrmaldylyǵy úshin erekshe baǵalaıdy, bastysy - ózderi qonys tepken Qazaqstan jeriniń barlyq ulanymen aýyz birlikte, týys bolýdy kózdeıdi.

2 - júrgizýshi:
Tili basqa tilegi bir birgemiz,
Ózderińmen júzdesemiz kúnde biz.
Maqsat ortaq, beıbitshilik uran bop
Tatýlyqtan buzylmasyn irgemiz.

(Orys halyq ániniń áýeni estilip, sahnaǵa Orys halqynyń ult ókilderi shyǵady. 1 - orys halqynyń áni, 1 - orys bıin kórsetedi. Jaýapty: 6 a synyby. Barlyǵy 10 - adam shyǵýy kerek.)
1 - júrgizýshi: Qazir respýblıkamyzdyń mektepteri 9 tilde: qazaq, orys, ózbek, uıǵyr, tájik, ýkraın, tatar, nemis jáne aǵylshyn tilderinde bilim beredi. 15 til ana til retinde oqylady. 22 ulttyq - mádenı birlestikterdiń jeksenbilik mektebi bar.
(Sahnaǵa Ýkraın halyq ániniń áýeni estilip, sahnaǵa Ýkraın ult ókilderin daıyndaý 8 «a» synyby. Barlyǵy 25 adam)
(Sahnaǵa Ózbek halqynyń ult ókilderi shyǵady. 1 - án, 1 - bıin kórsetedi. 7 «á» synyby. Barlyǵy - 25 adam)
(Endi sahnaǵa Káris halqynyń ult ókilderi shyǵady. 1 - án, 1 - bıin oryndaıdy, Káris halqyn daıyndaý 10 «a» synybyna beriledi. Barlyǵy 6 - adam shyǵýy kerek.)
2 - júrgizýshi:
(Endi sahnaǵa nemis ulty shyǵady.. 1 - án, 1 - bıin oryndaıdy. Nemis halqyn daıyndaý «5 A»synybyna berildi. Barlyǵy 12 - adam shyǵýy kerek)
2 - júrgizýshi:
Men onyń túnin súıem, kúnin súıem,
Aǵyndy ózen, asqar taý, gúlin súıem,
Men onyń qasıetti tilim súıem,
Men onyń qudiretti únin súıem.
1 - júrgizýshi:
Bar jándigin súıemin qybyrlaǵan,
Bári maǵan: «Otan!»- dep sybyrlaǵan
Janym meniń, Keýdemdi jaryp shyq ta,
Boztorǵaıy bol da onyń shyryldaǵan.

(Tatar halyq ániniń sazy estilip, sahnaǵa Tatar halyq ult ókilderi shyǵady.
1 - án, 1 - bıin kórsetedi. Tatar halyq ult ókilderin daıyndaý 6 b synybyna berildi. Barlyǵy 10 adam)
Júrgizýshi:
Bul kúni qyrqalarǵa gúl tunady,
Bar álem bir - aq sátte qulpyrady.
Álemge dos qushaǵyn jaıa kelgen,
Armysyn, bar halqymnyń yntymaǵy!
Barmysyn, qazaǵymnyń yntymaǵy!
(Sahnaǵa Grýzın halqyn shaqyramyz. 7 a synybyna tapsyrylǵan bolatyn.)
Júrgizýshi:
Áınegi kún, shatyry aspan,
Keń dala, tósi tolqyǵan án.
Kólderi kókke kúmister shashqan,
Qazaqstan - Respýblıkam meniń!
Júrgizýshi:
(Endi sahnaǵa Úndi ultynyń ókilderin shaqyramyz).
Yntymaǵy jarasqan berek kún,
Bildiredi bolashaq el erteńin.
Tatýlyq pen dostyǵyń arta bersin.
Qutty bolsyn búgingi mereke kún.
(Kelesi sahnaǵa Uıǵyr ultynyń ókilderin shaqyramyz).

1 - júrgizýshi: Kúni keshe ǵana Elbasy joldaýynan qýat alyp jigerlengen jurtshylyq birlik pen tirlik, beıbitshilik, dostyq saltanat qurǵanda dana baqyt pen shattyq, yntymaqtastyq ornaǵan da ǵana bolashaǵymyz baıandy bolatynynyna kámil senedi.
2 - júrgizýshi: «Qazaqta birlik bolmaı, tirlik bolmaıdy»- degen ulaǵatty uǵym bar. Endeshe elimizde beıbit ómir súrip jatqan ulttarmen ulystar ókilderiniń tatýlyǵy artyp, Qazaq eliniń nyǵaıyp, órkendeýine óz úlesimizdi qosa bereıik.

Ult ókili: Myna bir ańyzǵa toqtalaıyq
«Bir kisi barmaqtaı qusty ustap alyp torǵa qamap qoıady. Tutqyn qus kúni - túni damyl kórmeı «Otan», Otan, Otan....» dep shyryldaı beredi. Qustyń ıesi: «Munyń da Otany bolǵany ma, al Otany bolsa qaıda eken?» qusty ushyryp jebereıin de, ushqan jaǵyna qarap, ǵajaıyp elge aparatyn joldy bilip alaıyn» dep oılaıdy. Sóıtip tordy ashyp, qusty bosatyp jiberedi. Qus ushyp shyǵyp bar bolǵany 10 qadam jerdegi tastaqty taqyrdyń arasynda ósken jalǵyz túp tikenge baryp qonady. Sóıtse, álgi butada uıasy bar eken «Demek qustyń Otany - uıa salǵan jeri boldy ǵoı» dep oılaıdy jańaǵy adam. Shynynda da adam túgili qustarda uıa salyp, mekendegen jerine baýyr basyp ketedi eken!

Týǵan jerdeı jat eldiń bolmaıtyny aqıqat
Oǵan kóńil tolmaıtyny aqıqat.
Altyn torda altyn qus ósirseń de, bulbul qus
Ósken baǵy bolmasa, qonbaıtyny aqıqat!
1 - júrgizýshi:
Qazaq jeri dostyqtyń gúlstany
Darhan ólkem mereıli yrys baǵy
Kúresterde eńbekte, merekede
Munda san ult qoldasyp tý ustady.
Án «Aq kógershin»- oryndaıtyndar: Dýet
Án «Atameken»- oryndaıtyn hor.

Jeke daýysta: Baıǵalıev Maqsat
1 - júrgizýshi: Osymen 1 mamyr Qazaqstan Halyqtarynyń Birligi kúnine arnalǵan merekelik baǵdarlama aıaqtaldy. Mereke qutty bolsyn aǵaıyn! Quttyqtaý sóz ata - analar atynan 7 a synyp oqýshysy Aıaýlymnyń ájesine beriledi.
2 - júrgizýshi:
Ulystarymyz tamyr bolǵan ejelden,
Kimder qashsyn qazaqtaıyn er elden
Dostyǵymyz ǵasyrlarǵa jarasqan
Týǵan elim, sharyqtaı ber kemelden!