InfoHub Logo

Qarjy mınıstrliginiń búdjettik kredıtteý, ulttyq qor jáne qarjy sektory máseleleri jónindegi ózara is-qımyl departamentiniń dırektory Aıbol Arǵynǵazın Ulttyq qordan balasyna aqsha kútip júrgen ata-analarǵa úndeý jasady.

«Eń bastysy, ata-analardan ótinip suraıtynymyz — balalaryn jeke qujattandyrý máselesine jiti nazar aýdaryp, sony qarasa. Qandaı da bir sebeppen qujattary bolmaı jasa, sony jasatsa. Tipti qandaı da bir adamı faktorlardyń sebebinen azamattardyń málimeti bazadan túsip qalǵan jaǵdaı bolsa, ondaı kúnniń ózinde de bala qarajatsyz qalmaıdy. Mysaly bıyl málimetter bazasynda bolmaı qalsa, kelesi jyly ótken jyldyń jyldyń tólemi qosa aýdarylyp otyrady. Ondaı múmkindik kózdelgen. Sondyqtan eshbir bala Ulttyq qor qarajatynan shet qalmaıdy», — dedi Aıbol Arǵynǵazınov.

Onyń sózinshe, ata-analardyń negizgi tekseretin eki kózi bolady.

«Birinshisi — elektrondy úkimet portaly. Ekinshisi — Biryńǵaı jınaqtaýshy qorynyń portaly. Osy ekeýiniń de mobıldi qosymshasynan kórýge bolady. Mysaly, BJZQ-da ol jeke sáıkestendirý nómirin terý arqyly kórinetin bolsa, elektrondy úkimet portalynda árbir ata-ananyń jeke kabınetinde kórinip turady. Qazirgi kezde proaktıvti qyzmettiń túri bar ekenin bilesizder. Onda ata-ananyń búkil balalary, olardyń qandaı mektepke baratyny, balabaqshadaǵy kezegi, densaýlyǵy týraly barlyq málimetter shoǵyrlandyrylǵan. Sonyń ishinde qosymsha Ulttyq qordan jasalatyn tóleý týraly málimette bolady. Bul ıntegrasıa qazir kózdelgen. Jańa jyldan bastap kórýge, tekserýge bolady», — dedi mınıstrlik ókili.

---