InfoHub Logo

Oqý-aǵartý mınıstrligi Qazaqstanda fransýz mektepterin ashý josparyn jarıalady.

«Fransıa prezıdenti Emmanúel Makronnyń 2023 jylǵy 1 qarashadaǵy Qazaqstan Respýblıkasyna resmı sapary aıasynda eki el úkimetteri arasyndaǵy halyqaralyq (fransýz) mektepterdi ashý men Qazaqstan Respýblıkasynyń bilim berý uıymdarynda fransýz tilin oqytýǵa qatysty kelisimge qol qoıyldy. Qazir Qazaqstan Respýblıkasy Oqý-aǵartý mınıstrligi halyqaralyq mektepterdi ashý týraly Kelisimdi júzege asyrý turǵysynda jumys tobyn qurýdy iske asyryp jatyr. Kelisimge sáıkes 2025 jylǵa deıin Astana men Almaty qalalarynda fransýz tilinde oqytatyn mektepter ashý josparlanǵan», - delingen mınıstrlktiń jaýabynda.

Mektepterdegi sabaqtar fransýz tilinde, sondaı-aq qazaq, orys jáne aǵylshyn tilderinde ótedi. Halyqaralyq mekteptiń bilim berý baǵdarlamasyna engizý úshin mindetti pánder retinde qazaq tili men ádebıeti, Qazaqstan tarıhy jáne geografıa bolady. Qazir mektepterdiń jumys isteýine qatysty basqa da uıymdastyrý máseleleri pysyqtalyp jatyr.

Eske salsaq, bıyl 1 qarashada Astanada Fransıa prezıdenti Emmanúel Makronmen kezdesý kezinde Qazaqstan Prezıdenti Qasym-Jomart Toqaev bilim jáne ǵylym salasyndaǵy jobalardy qolǵa alýǵa erekshe kóńil bólingenin atap ótti.

«Elimizde fransýz mektepterin ashýǵa, fransýz tilin úıretýge, akademıalyq baılanysty arttyrýǵa baǵyttalǵan birqatar kelisimge qol qoıyldy. Biz muny joǵary baǵalaımyz», - dedi Qasym-Jomart Toqaev.

---