InfoHub Logo

Ýnıversıada-2017-de el namysyn 168 sportshy qorǵaıdy. Bul týraly búgin Úkimettiń selektorlyq rejimdegi otyrysynda 28-shi Búkilálemdik qysqy Ýnıversıadaǵa daıyndyq máseleleri jaıynda baıandaǵan QR Mádenıet jáne sport mınıstri Arystanbek Muhamedıuly málim etti.

«Búgingi kúni sport túrleri boıynsha komanda quramalary anyqtaldy. Bizdiń elimizdiń atynan Ýnıversıadada onyń baǵdarlamasyna engen sporttyń barlyq túrleri boıynsha 168 sportshy men 65 jattyqtyrýshy qatysady», - dedi ol.

Muhamedıulynyń sózine qaraǵanda, sportshylarymyzdyń jaqsy óner kórsetýge Úkimettiń jazǵy jáne qysqy dúnıejúzilik Ýnıversıada jeńimpazdary men júldegerlerine bir rettik syıaqy belgileý týraly sheshimi yntalandyra túsetin bolady.

«Birinshi orynǵa 4,9 mln. ekinshi orynǵa 3,3 mln., úshinshi orynǵa 1,6 mln. teńge beriledi. Dál osyndaı syıaqylar Ýnıversıada jeńimpazdary men júldegerleriniń jattyqtýshylaryna da qarastyrylǵan», - dedi mınıstr.

---