25 qańtarda elordada Ýnıversıada alaýy jaǵylady
25 qańtarda elordada 28-shi Búkilálemdik qysqy Ýnıversıada alaýy jaǵylady. Bul týraly búgin QR Úkimetiniń selektorlyq rejimdegi otyrysynda elimizdiń Aqparat jáne komýnıkasıalar mınıstri Dáýren Abaev málim etti.
«Aqparat jáne komýnıkasıalar mınıstrligi Ýnıversıadany aqparattyq turǵydan qoldaý jumystaryn arnaıy medıa josparǵa saı jalǵastyrýda. Jospar aıasynda elimizdiń barlyq memlekettik aqparat quraldarynda atalǵan sharaǵa qatysty materıaldar júıeli túrde jaryq kórýde»,- dedi ol.
Mınıstrdiń aıtýynsha, bul jumystarmen respýblıkalyq teleradıolar, gazet-jýrnaldar men ınternet resýrstar jáne tutas óńirlik mass-medıa qamtylyp otyr.
«Búginde buqaralyq aqparat quraldarynyń ókilderin tirkeý rásimi tolyq aıaqtaldy. Barshańyzǵa málim, 25 qańtarda elordada Ýnıversıada alaýy jaǵylady. Mınıstrlik bul sharany jurtshylyq nazaryna keńinen usynýdy josparlaýda. Oǵan «Qazaqstan» jáne «Habardyń» Astana men Almatydaǵy jáne oblystardaǵy barlyq tehnıkalyq resýrstary tartylatyn bolady», - dedi Abaev.
Aıta keteıik, 2017 jyldyń 28 qańtary men 8 aqpany aralyǵynda Almatyda ótetin 28-shi Búkilálemdik qysqy Ýnıversıada oıyndaryna álemniń 59 elinen 2 myńnan astam sportshy qatysady.
Baıraqty básekede el namysyn 168 sportshy qorǵaıtyn bolady.
You Might Also Like
-
Kez-kelgen ata-anany is-áreketimen on orap alatyndaı balalardyń bútindeı bir urpaǵy paıda boldy. Tanys bolyńyzdar - sentenıaldar. Bular erteń-aq er jetip, eresek adamdarǵa aınalady. Kózdi ashyp-jumǵ...
-
Oblystaǵy úsh aýysymdy mektepterdi joıý maqsatynda Mańǵystaý oblysyndaǵy ınvestısıalyq jobalar tizimine respýblıkalyq búdjet pen 2017-2019 jyldardaǵy Ulttyq qordyń esebinen 5400 oryndyq 8 mekteptiń q...
