InfoHub Logo

El aýzynda «úrker kóterilgende sorpa as bolady» degen sóz bar eken. Bir jolaýshy kele jatyp, bir úıge tússe, qonaǵasy berip jatyr eken.  As artynan keıin «úrker kóterilip qalypty» dep sorpany kóp ishkizipti. Erteńinde attanǵan qonaqtyń atynyń júrisi jaısyzdaý bolyp, keshegi artyqtaý ishken sorpadan ishi aýyrady. Soǵan ózi qatty yza bolypty. Keshkisin taǵy bir úıge túsipti.

Taǵy da keshegideı qonaqasy beripti. Álgi úıdiń ıesi de et jep bolǵan soń:

— Qonaǵym, alys jolǵa ketip bara jatqan qonaq ekensiń, toıyp alǵanyń jaqsy bolar. Úrker kóterilip qalypty, sorpa ish, — deıdi.

Kesheden ábden yǵyr bolǵan jolaýshy úı ıesine bylaı depti:

— Eı, aqsaqal, sol sorpany men ishpeıin, sol aspandaǵy alty ıtińe bershi, — depti.

---