InfoHub Logo

Urpaq tárbıesi - el muraty
Búgingi tańda elimizdiń ósip - órkendeýine, damýyna jastardyń úlesi mol ekeni dáleldenip otyr. Memleketimiz eldiń erteńi - jas balǵyndarǵa barlyq jaqsylyqty jasap, olarǵa baǵyt – baǵdar berip, bolashaqqa degen senimderin arttyrýda.
Bala – Urpaq - Órken degen uǵymdar erekshe eskerilip, búgingi kúnde balanyń taza, durys sóıleýiniń damýy úshin de úlken mańyzy bar. Jan – jaqty jetilgen bilimdi azamat daıyndaý qoǵam aldyndaǵy mindet bolǵandyqtan mektepke deıingi uıymnyń da negizgi maqsaty balanyń jeke basynyń alǵashqy qalyptasýyn qamtamasyz etý, adamgershilikke baýlyp, bilimge degen yqylasyn, iskerligin qalyptastyrý jáne taza, mánerlep, sóıleýge daǵdylandyrý. Sebebi, qazirgi ómir talabyna saı, oıshyl azamattar óte qajet.
Taza ádebı tilde sóıleýge úıretý jumysy mektep jasyna deıingi balaǵa beriletin estetıkalyq tárbıeniń eń mańyzdy salasy.

Áıtse de bul kúnderi balalar arasynda túrli dertke ushyrap, týa paıda bolǵan kemistikterimen, múmkindikteri shekteýli balalar da kezdesedi.
Qalamyzda múmkindikteri shekteýli, qabilet – qarymy az, júris – turysynda qıyndyqtary bar, tirek qozǵalysynda buzylystary bar balalar da kóp. Olar da basqa tolyqqandy balalar sıaqty bilim ordalarynda dáris alyp, jetilýi tıis. Osy maqsatty júzege asyrý úshin qala mektepterinde túzetý jáne damytý synyptary ashylyp, mektep jasyna deıingi balalardyń til baılyǵyn keńeıtýge arnalǵan logokabınetter men logopýnktter jumys jasaı bastady. №5 orta mektep aıasynda qurylǵan múmkindikteri shekteýli balalarǵa arnalǵan «Dıagnostıkalyq damyta - oqytý ortalyǵy» jumys isteıdi. Jyl basynan bul ortalyqqa ár túrli dıagnozdary bar 25 bala qabyldandy. Olar topqa belgilengen ýaqytta kelip dáris alyp júredi. Bul topta aqyl – esi kem balalar, damýynda tejelýi bar balalar, qulaqtary aýyr estıtin balalar, tilderi durys damymaǵan, tilderiniń dybystaý jaǵy buzylǵan balalar, tutyqpa, daýna dıagnozdary bar balalar keledi.

Osyndaı balalarǵa ár sabaq saıyn sergitý sáti, jańyltpash, taqpaqtar jattatyp, ony qımylmen kórsetip, sanalaryna sáýle uıalatqan da ustazdar boldy.
Balalardy oqytý túriniń durys jolyn tańdap alý jumys ónimdiligin arttyrýǵa ǵana emes, onda kezdesetin qıyndyqtardy jeńildetýge de múmkindik beredi. Sondyqtan biz balalardyń jasyna qaraı jumys isteýde ár túrli oqytý formalaryn paıdalanamyz.

Jumys barsynda mynadaı túrleri qoldanylady.
- balalardyń oı - órisin damytatyn ortada óz betinshe áreket etýi
- sújetti sýretterge áńgimeler quraı bilýi
- sensorlyq múmkindikterdi damytý( kishi jastaǵy balalar úshin)
- balalardyń tanymdyq is - áreketterdi, aqparatpen jumys
daǵdylaryn ıgerý jaǵdaıyn týǵyzý
- aqyl – oı operasıalaryn qalyptastyrý.
- logıkalyq oılaýdy damytý, túrli operasıalardy jikteý men toptaý túsinikterin qalyptastyrý.
- memlekettik mektepke deıingi bilim berý standartyn oryndaý.
Orta býyn oqýshylaryna usaq qol motorıkasyn damytýǵa arnalǵan jattyǵýlar, artıkýlásıalyq jattyǵýlar oryndatyp, aýa aǵymy jattyǵýlaryn jasatyp, qaǵazdan qımalar qıyp, órnekter salyp úırendi.
Balanyń tilin damytý men birge biz onyń oıyn da damytamyz