InfoHub Logo

Smadıarova Madına Nurjigitqyzy

Sabaqtyń taqyryby: «Ustaz ana – asyl jandar bolattaı»
Sabaqtyń maqsaty: mektepte birneshe jyl jemisti qyzmet etken zeınetker apaılarymyzdyń eren eńbegin aıtý, nasıhattaý. Ustazdyq joldyń qıyndyǵy men qyzyǵyn uǵyndyrý.
Sabaqtyń epıgrafy: «Ulylyqtyń basynda ustaz turar!»
Sabaqtyń barysy:
Týǵanda dúnıe esigin ashady óleń,
Óleńmen jer qoınyna kireń deneń.
Ómirdegi qyzyǵyńnyń bári óleńmen,
Oılansańshy, bos qaqpaı eleń - seleń
- dep, Abaı atamyz jyrlaǵandaı, adam balasy dúnıe esigin ashqannan bastap, óleńnen alshaq kete almaıtyndyǵyn jetkizip berip turǵan bir shýmaq óleńniń qudiretin qaıtip jetkizersiń?!
Adam balasynyń ómirine baılanysty atap ótiletin halqymyzdyń umyt bola bastaǵan keıbir tamasha salt - dástúrin mektep tabaldyryǵynda, otbasynda toılady dep oılaımyz. Osyndaı maqsatta úıirme múshelerimen «Mereıtoı» sabaǵyn ótkeli otyrmyz.
8 - naýryz halyqaralyq áıelder meıramyna arnap «Ustaz ana – asyl jandar bolattaı» atty mereıtoı sabaǵyn ótkeli otyrmyz. Mereıtoıdyń negizgi keıipkeri birneshe jyl J. Súleımenov atyndaǵy jalpy orta mektebinde jemisti qyzmet etken ulaǵatty da, aıaýly ustazdarymyz Ormanova Gúlder Qurmanbaıqyzy men Ábdirazaqova Bıbiaısha apaıymyz jáne búgingi tańda mektebimizde jemisti qyzmet etip kele jatqan ulaǵatty da aıaýly ustazymyz Túıebaeva Bıbisara Turdybaıqyzyna arnalady.

1 - júrgizýshi: Qurmetti de aıaýly ustazdar! Sizderdi kóktemniń alǵashqy
merekesimen quttyqtaımyz. Sizderge myqty densaýlyq, uzaq ómir, qajymas – qaırat, otbasylaryńyzǵa bereke, birlik tileımiz.
2 - júrgizýshi: Taǵdyryna talaıdyń alańdaısyń
Sáýle bolyp álemge taralǵaısyń
Bilim nárin aıamaǵan asyl ustaz
Sen meniń eń aıaýly - anamdaısyń.
1 - júrgizýshi: Syrlassam sál, qalamyn kóńil jasyp,
Nár bilimin júrem men etip azyq
Aıaýly Ustaz – san súrleý soqpaq jolda
Jón silter – temirqazyq.

2 - júrgizýshi: Ustaz mereıi - eń aldymen shákirt jetistigimen ólshenedi. Boıdaǵy
bar kúsh jigerin aıamaı, zerdeli de zeıindi shákirt tárbıeleý úshin bar bilimi men ilimin aıamaǵan, aıaýly ustazdar sizderge aıtar alǵysymyz sheksiz. Biz sizderge máńgi boryshtarmyz.
1 - júrgizýshi: Búgingi asyl tilekter, men jan júregińizdi jylytar jaqsy
lebizder tek sizderge arnalady.
Ádebı montaj.
2 - júrgizýshi: Ásem án árbir eldiń rásimi eken
Ónerpaz ortamyzda basym eken.
Ónerin qýanyshtan kim aıaǵan,
Jańa ándi sizderge shashý etem.
1 - júrgizýshi: Aıaýly Ana!
Kúnim de Ana, aı da ana
Jetedi saǵan qaı dana?!
Asylym óziń,
Ǵashyǵym óziń,
Bas ıip óter áýlıem meniń sen ǵana.