InfoHub Logo

Ustaz - Qarataýdyń qoınaýyndaı tereńde jatqan kendi ashyp, bilim men ǵylymnyń jemisiniń dámin tattyratyn, armansyzǵa arman uıalatyp, qanatsyzǵa daryn qanatyn bitiretin ǵajaıyp kúsh ıesi.

Elbasy Nursultan Ábishuly Nazarbaev «Bolashaqta eńbek et­ip, ómir súretinder – búgingi mektep oqýshylary, muǵalim olardy qalaı tárbıelese, Qazaqstan sol deńgeıde bolady. Sondyqtan us­tazǵa júkteletin mindet aýyr» – degen edi. Urpaqqa tárbıe berý, bilim nárimen sýsyndatý – ekiniń biriniń qolynan da kele bermeıdi. Sondyqtan, ustaz bolý – júrektiń batyrlyǵy dep baǵalaýǵa bolady. Ustaz – aqyldyń tozbaıtuǵyn asyly. Qasıetti mamandyq ıeleriniń ishindegi jaýhary. Ózge mamandyq ataýlylary ózderiniń túr-sıpatyn myń qubyltyp jatsa da, esh ózgerissiz sol báz baıaǵy qalpynda jas urpaqqa adamgershilik qasıetterdiń dánin ekken dıqanshy.

Táýelsiz el atanyp, tóbemizge tý tigip, tilimizdiń mártebesi artyp, álemge atymyzdy tanytyp jatqan kezeńde ulttyń, eldiń bolashaǵy - jas urpaq tárbıesine de myqty kóńil bólinýde. Osy egemendi, táýelsiz Qazaqstanda órkenıetke bastar joldyń bastaýy mektep desek, mekteptiń basty tulǵasy, júregi - muǵalim. Uly aǵartýshy Ybyraı 
Altynsarınniń «Muǵalim – mekteptiń júregi» degen danalyq oılary osy bir
uly mamandyqty ıgergen árbir ustazǵa arnalady. Ustaz - taýdan arqyraı aqqan taý ózeni sekildi, aınalasyna qýat berip, jolynda kezdeskenderdi sýymen nárlendirip, taýdaı qıyndyqtardy tastaı domalatyp, bilimniń sar dalasynda tynyshtyq taýyp, damyldaıdy. Ustaz - Jer degen álemniń betin kórkeıtken, shákirtterine shýaq tókken Kún - Ana. Ár tańnyń atysy men ár kúnniń batysy óziniń emes, sizdiń qamyńyz úshin qamyǵyp júretin árbir ustaz ataýly jandardyń eńbegin uly demeı ne deısiz?Myń ǵasyr ótse de, ustazdyń aty jáne «ustaz» degen uǵym ólgen joq. Óıtkeni,  qazaq ultynyń uly ustazy Ybyraı atamyz, óziniń búkil sanaly ómirin, qazaq halqynyń jańa  býynyn tárbıelep, olardyń ozyq mádenıetti  elderden úlgi alýyna, bilimdi de sanaly azamat bolyp jetilýine  aıtarlyqtaı úlken úlesin  qosty. Sonymen qatar, týǵan halqynyń tamasha bolashaǵyna sendi. Sol senimdi aqtar, búgingi jastar - bizdiń qolymyzda.

Meniń oıymsha: «Jaqsy  ustazǵa eki ǵana nárse kerek, onyń biri - tereń bilim bolsa, ekinshisi – úlken júrek».  Balaǵa  degen sheksiz mahabbattyń ıesi bola bilgen ustazdyń arqasynda,  egemen eldiń erteńine úles qosatyn, táýelsiz memlekettiń sanaly urpaǵy sanalatyn shákirtterimizdiń sany artatynyna kámil senemin.

Muqash Jansaıa

---