InfoHub Logo

Qurmetti ustazdar!

«Ustazdyq etpes jalyqpas úıretýden balaǵa» — degen uly Abaı babamyz. Sizder jas urpaqtyń sanasyna synalaı engizetin tálim-tárbıe, úlgi-ónege ólsheýsiz. Sizder — jastardyń bolashaǵyn aıqyndaısyzdar, búgin ekken dánderińiz erteńgi jeńisti-jemisti kúnniń kepili. Ustaz bolashaq azamattardy ǵana emes, búkil bolashaq qoǵamdy qalyptastyrady.

Qoǵam men adamzat aldyndaǵy ólsheýsiz eńbekterińizdi eskere otyryp, Sizderge óskeleń urpaq tárbıeleýdegi óreli jumystar jáne memlekettiń gúldenýi jolyndaǵy abyroıly isterińizge tolymdy tabys tileımin. Qyzyǵy men shyjyǵy qatar júretin ustazdyq joldaryńyz tek órleý men ósýge bastasyn.

Jáne taǵy bir aıta ketkim keletin jaıt, mektepterdiń belsendiligi. Kez-kelgen mereke, senbilik jumystary mektepterdiń qatysýynsyz ótpeıtinin bárimiz bilemiz. Mektep ujymy árqashan da qoǵamdyq is-sharalarǵa aıanbaı at salysyp, barlyq saladan belsendilik tanytady. Táýelsiz qazaq eliniń damýyna qosyp kele jatqan eńbekterińiz úshin, men barshańyzǵa sheksiz alǵys bildiremin!

Qurmetti ustazdar! Shákirtterińizdiń qurmeti men mahabbatyna bólenińizder. Shyǵarmashylyq izdenister, ǵylymı jańalyqtaryńyz arta bersin. Merekelerińizben! Mereılerińiz ústem bolsyn!

*** *** *** ***

Qadirli ustazdar! 

Men sizderdi kele jatqan tól merekelerińizben quttyqtaımyn! Bilimniń kúshi qudiretti. Ol bar jerde úzdiksiz damý úrdisi júredi. Bilim men ǵylym arqyly órkenıet damyp, mádenıet gúldenedi. Bilim arqyly adam balasy ómirdegi óz ornyn tabady.

Ustaz — keler kúnniń ustasy. Balalardyń qalyptasyp kele jatqan dúnıetanymynyń, ómirge degen kózqarasynyń ıesi. Bizderdiń búgingi bolmysymyz álippeni jattatqyzyp, qolǵa qalam ustatqan keshegi ustazdarymyzdyń eńbegi. Endeshe, urpaǵymyzdyń erteń qandaı adam bolyp ósetini — muǵalimderdiń búgingi eńbeginiń jemisi bolmaq.

«Ulttyń ulaǵaty — mádenıette, mádenıettiń ulaǵaty — oqý men ádebıette», — degen eken Ahmet Baıtursynuly. 

Ustaz — osy bilimge, mádenıet pen ádebıetke jeteleıtin birden bir tulǵa. Urpaq tárbıesinde muǵalimniń talanty, biliktiligi jáne jaýapkershiligi, adamı qasıetteri óte mańyzdy ról oınaıdy, óıtkeni ol — shákirt úshin aına sıaqty. Ustazy jaqsynyń shákirti úzdik. Bul — aınymas aksıoma. Bala bilimdi óz betinshe kitaptan oqyp ta úırene alady, al biraq tárbıeni óz betinshe ala almaıdy, ónege men úlgi, qurmet sıaqty izgi qasıetter — ata-anadan qan arqyly darysa, ustazdan tálim arqyly juǵady. 

Ustazdar — memleket pen qoǵam arasyndaǵy altyn kópir tárizdes. Memlekettiń ıdeologıasy, qoǵamnyń dástúri men qundylyqtary, adamzattyń asyl qasıetteri, ǵylym men ónerdiń muralary ustazdar arqyly urpaqtan-urpaqqa jol tartady. Erteńgi memlekettiń bolmysy — ustazdyń búgingi táliminde.