InfoHub Logo

Taqyryby: «Ustazy jaqsynyń ustanymy jaqsy»
Maqsaty: ustaz ben oqýshy arasyndaǵy ózara syılastyqty, ana men bala, oqýshy men ustaz arasyndaǵy tárbıeni odan ári nyǵaıtý.
Tárbıeligi: oqýshylardyń ustazyna degen qurmetin, bilimimen, ónerimen, tapqyrlyǵymen, shapshańdyǵymen kórsete bilýge, adamgershilik qasıetterin, Otanyn, tilin, qazaqı salt - dástúrdi qurmetteı bilýge, ustaz eńbegin baǵalaýǵa, qurmetteýge tárbıeleý.
Kórnekiligi: taqyryp jazylǵan plakat, sharlar, syılyqtar

1 - júrgizýshi: Qaıyrly kún halaıyq, óner súıgen,
Kórermender kóńilge kóp oı túıgen.
Syılaımyz arýlar, ustazdardy
Syı tartaıyq ásem án, tátti kúımen.

2 - júrgizýshi: Ustaz sheber qısyqtardy jóndeıtin,
Tentekterdi aqylmenen emdeıtin,
Bolsa daǵy malǵa kedeı ómirde.
Bar baılyǵym shákirtterim sen deıtin!
Jan shýaǵy, kún shýaǵy araı ma,
Ustaz degen áýlıedeı talaıǵa.
Basyn ıip ótken joq pa biz túgil,
Ál - Farabı, Omar Haıam, Abaı da.

1 - júrgizýshi: Qurmetti ustazdar, ata - analar, oqýshylar, aıaýly ustazdar, ardaqty kórermender!
2 - júrgizýshi: Búgingi keshimizge oraı ótkizilgeli otyrǵan qyz balalar men olardyń ustazdaryna arnalǵan «Ustazy jaqsynyń, ustanymy jaqsy» atty saıysqa qosh keldińizder. Bul saıysta qyzdar men ustazdar óz óneri, bilimi, tapqyrlyǵy jáne sheberlikterin kórsetip synǵa túskeli otyr.

1 - júrgizýshi: Armysyńdar, qadirmendi asyl halqym,
Arta bersin abyroı, ataq - dańqyń
Qarsy alaıyq qyzdardy ustazymen
Saqtaǵan qazaǵymnyń ata - saltyn
Endeshe saıysymyzǵa qatysýshy saıyskerlerdi ortaǵa shaqyraıyq.

1 - júrgizýshi: Shalqytyp búgingi keshte án salaıyq
Ónerpaz órenderge tamsanaıyq
Ádildik pen shyndyqty arqa tutqan
Ádilqazy alqasymen tanysaıyq
Aldymen saıysker arý, ustazdarymyzdyń ishinen bilimi men biligi, baǵy men baby qatar janǵan jandardy dál anyqtap beretin ádil - qazy alqasymen tanystyryp óteıik:

2 - júrgizýshi: Endi ustazdarymyz ben arýlarymyzdyń neshinshi bolyp óner kórsetetin bilýimiz úshin, saıyskerlerden aldarynda turǵan qaǵazdardy tańdaýlary suralady. Alǵan nómirlerińiz boıynsha saıysqa túsesizder.

1 - júrgizýshi: Endeshe kórermenderge saıystyń sharttarymen tanystyryp óteıik. Saıys 5 bólimnen turady.
1. «Sálem – sózdiń atasy» (tanystyrý)
2. «Ónerli órge júzer» (óz ónerleri)
3 «Sheberdiń – qoly altyn» (qolóner saıysy)
4. «Ustazymnyń dámdi asy» (dastarqan máziri)
5. «Tapqyr bolsań, taýyp kór» (suraq - jaýap)

2 - júrgizýshi: Sálemdesý atadan qalǵan saltymyz,
Osy saltty ustanady halqymyz.
Saıyskerler ónerdi sal endeshe,
Amandasyp kórińizder ózgeshe, -

1 - júrgizýshi: Óner qýyp saıyskerler óter deımiz,
Bir basyna óneri jeter deımiz.
Saıysqa kelgen ár jup kezektesip,
Tanystyryp ózderin ótse deımiz.

2 - júrgizýshi: Betasharyn saıysymnyń bastaıyq,
Kórermendi bir serpiltip tastaıyq.
Qatysýshylar tanystyrsyn ózderin,
Biz olardy dý qol soǵyp qostaıyq.