InfoHub Logo

Aınalamen tanystyrý 3 synyp
Sabaqtyń taqyryby: « Úı qustary»
1. Bilimdilik maqsaty: Úı qustary týraly túsinikterin keńeıtý. Taýyq, úırek, qazdy aıyra bilý, balapan men shójeni aıyra bilý. Syrtqy túri, mekeni, qoregi. Adamǵa paıdasy.
2. Túzeý maqsaty: Oqýshylardyń oılaý, sóıleý qabiletin arttyrý, durys, tolyq jaýap berýge daǵdylandyrý, salystyrý, úı qustaryn dala qustarynan aıyra bilý.
3. Tárbıelik maqsaty, Úı qustaryna, jabaıy qustarǵa degen qamqorlyq sezimderin oıatý, kútý, baptaý týraly túsinik berý.
Kórnekilikter: Kompúter, slaıd «Qustardyń paıdasy», qustardyń sýretteri, týralǵan kók shóp, bıdaı, tary, qaraqumyq, qosymsha ádebıet «Qazaqtyń halyq ertegisi»
Sabaqtyń túri: aralas sabaq

Sabaqtyń barysy:
1. Uıymdastyrý kezeńi.
- Balalar, qazir qandaı sabaq?
- Aınalamen tanystyrý.
- Neshinshi sabaq?
- Ekinshi sabaq.
- Búgin aptanyń qaı kúni?
- Sársenbi. Aptanyń úshinshi kúni.
- Jyldyń qaı mezgili?
- Kóktem.

2. Psıhologıalyq sát.
Muǵalim oqýshylardy taqtanyń aldyna shaqyrady. Dóńgelenip qol ustasyp turady.
Muǵalim «Men meıirimdi adamyn» deıdi.
Al, sen qandaı balasyń dep ár baladan kezek - kezek suraıdy. Balalar «Men aqyldymyn, tártiptimin, ádeptimin, jaqsymyn, ádemimin, til alǵyshpyn»- dep jaýap beredi.
- Mine, tamasha, qandaı jaqsy balalar, oryndaryńa otyryńdar. Sabaq ústinde ózderińniń dál osyndaı tártipti, aqyldy ekenderińdi kórsetýge tyrysyńdar.

3. Úı tapsyrmasyn tekserý.

4. Jańa sabaq.
- Sýretterde ne beınelengen? Taýyq, qaz, úırek, qoraz.
Bárin bir sózben aıtyńdar.
- Men qazir jumbaq aıtamyn, sender sheshýin aıtyńdar.
1. Dúnıede bir molda
Ýaǵynda azan oqıdy.
Mezgilinde aıqaılap
Qaıtip kep jer shoqıdy.
(Qoraz)
2. Basynda aıdary, ıekte saqaly bar.
Ústinde kújireıgen tony bar
(Kúrke taýyq)
3. Aq saraıyn talqandap,
Shyqty bireý taltańdap.
(Balapan)
4. Qyq - qyq etedi,
Kezip júrip kósheni,
Jata qalsa ornyna
Aq dop tastap ketedi.
(Taýyq)
5. Keýdesi qaıqańdap,
Júredi baıpańdap.(Qaz)
Sýǵa tússe balyqtaı
Júze berer jalyqpaı
(Úırek)
Taýyq, qaz, úırek, kúrketaýyq - bular úı qustary. Adamdar olardy asyryp kútedi. Sebebi, adamdar olardyń eti men jumyrtqasyn tamaqqa paıdalansa, qustyń júni men mamyǵyn jastyq, kórpe, kúrteshe jasaıdy. Úı qustary jándiktermen, jem, tamaq qaldyqtarymen qorektenedi. Adamdar olarǵa arnap qora salady. Ony taýyq qora dep ataıdy. Jyly qorada úı qustaryna qorqynyshty emes.
5. Slaıd « Qustardyń paıdasy»

6. Poezıa mınýty.
Eki oqýshy jattaǵan taqpaǵyn aıtady.
Oıatpa qoraz sen bizdi,
Ózimde sezdim tań atty.
Sensiz - aq bilem mezgildi
Tanımyn endi saǵatty.
Taýyq tary jınapty
Ony eshkimge qımapty.
Bótegesin toltyryp
Qambasyna quımapty.

7. Kartashamen jumys. Deńgeılik tapsyrmalar.
2 - 3 deńgeıdiń oqýshylary 6 qustyń ishinen, 4 - deńgeıdiń oqýshylary 2 qustyń ishinen úı qusyn belgileý.

8. Kórmemen jumys. / Ydystarǵa týralǵan kók shóp, bıdaı, tary, qaraqumyq salynyp qoıylǵan/
- Mynaý ne?
- Bul bıdaı.
- Mynaý ne?
- Bul tary.
- Mynaý ne?
- Bul kók shóp.
- Durys aıtasyńdar, balalar, qalaı oılaısyńdar bul neniń azyǵy?
- Bul qustardyń, olardyń balapanynyń qoregi.
- Adamdar olardy kútip, baptaıdy, mápelep ósiredi, sondyqtan olardy úı qustary deımiz.

9. Sergitý sáti.
Qýyr - qýyr - qýyrmash,
Taýyqtarǵa bıdaı shash.
Ájeń kelse, esik ash,
Qasqyr kelse, myqtap qash.

10. Sýretpen jumys. « Qustardyń kútimi týraly»
2 - 3 deńgeıdiń oqýshylary jaýap beredi.
4 - deńgeı qaıtalaıdy.

11. Oıyn «Anasyn tap»
Balapandardan shójeni aıyra bilý.
Bir qatarda balapandar, ekinshi qatarǵa shójelerdiń sýretterin taratyp, árqaısy óz anasynyń janyna kelip turý. / Úlken etip salynǵan taýyq pen qazdyń sýretteriniń janyna/
12. Qosymsha ádebıetpen jumys. «Eki átesh» ertegisin muǵalim oqyp beredi.
- Balalar nege ertegi «Eki átesh» dep atalǵan?
- Áteshterdiń qylyǵy durys pa?
- Senderdiń aralaryńda osyndaı qıqar balalar bar ma?
Baqylaý kúndeligimen jumys.
Shubar taýyqqa shójelerin taýyp ber.
Sanaý. Túrli - tústerdi qaıtalaý.
2 - deńgeı. Sýretti túgel boıaý.
3 - deńgeı. Shójelerdi sanap, boıaý.
4 - deńgeı. Shójelerdi boıaý.

13. Qorytyndylaý.
- Sonymen, biz búgin qandaı qustarmen tanystyq?
Nege olardy úı qustary deımiz?
Aıyrmashylyqtaryn aıtaıyq.
Uqsastyqtaryn aıtaıyq
Paıdasyn aıtaıyq
- Balalar qustar kóp bolyp ósýi úshin ne isteý kerek?
- Qustardy kútý kerek. Ýaqytynda sýarý, jem - shóp berý.

14. Baǵalaý.
15. Úı tapsyrmasy «Úı qustary» mátinin oqyp kelý.