InfoHub Logo

«Balaqaı» orta tobynyń uıymdastyrylǵan oqý is – áreketiniń tehnologıalyq kartasy.

Bilim berý salasy: Áleýmettik orta
Bilim berý bólimi: Qorshaǵan ortamen tanystyrý.
Taqyryby: Úı qustary
Maqsaty: 1. Balalarǵa úı qustaryn tanystyrý, olardyń tirshiligi men paıdasyn aıtyp, bilimderin, tanymyn jetildirý.
2. Sýretter, úntaspa, dıd. oıyndar arqyly sózdik qorlaryn, este saqtaý qabiletterin damytý.
3. Úı qustaryna qamqorlyqpen qaraýǵa, adamgershilikke tárbıeleý.
Ádis - tásili: Kórsetý, suraq - jaýap, dıd. oıyndar t. b
Qos tildilik komponenti: qus - ptısa
Kerekti quraldar: Sýretter, úntaspa, dıd. materıaldar.

Áreket kezeńderi
Tárbıeshiniń áreketi
Jylýlyq sheńberi:
Qýan, shattan alaqaı,
Qýanatyn kún keldi,
Kúlip shyqty kún búgin,
Qaıyrly tań!
Qaıyrly kún!
Balalardy oqý is - áreketine ázirleý.
Balalar myna sıqyrly qorapshanyń astyn da ne bar eken? Qarańdarshy.
- Mynaý neniń sýreti?
- Átesh qandaı dybys shyǵarady?
- Mynaý neniń sýreti?
- Taýyq qandaı dybys shyǵarady?
- Mynaý neniń sýreti?
- Úırek qandaı dybys shyǵarady?
- Mynaý neniń sýreti?
- Qaz qandaı dybys shyǵarady?
Endi osy úı qustarynyń jandy daýysyn úntaspadan tyńdaıyq.
Osy tanysqan qustar «Úı qustary» dep ata
lady. Nege úı qustary deımiz?. Óıtkeni bulardy biz úıdiń janynda asyraımyz, kútip, baǵamyz.
Endi myna pishinderdi ataıyqshy.
Mynaý qandaı pishin?
- Dóńgelekten qustyń basyn quraımyz
- Mynalar qandaı pishinder?

Balanyń áreketi
Balalar jylýlyq sheńberin aıtyp, kóńilderin kóteredi.
- Átesh.
- Ký - ka - re - ký.
- Taýyq.
- Qyt - qyt - qyt.
- Úırek.
- Krá - krá.
- Qaz.
- Ga - ga
Úntaspadan úı qus tarynyń dybystaryn tyńdaıdy.
Dóńgelek.
- Kishi, úlken úsh - burysh

Negizgi bólim:
Tárbıeshiniń áreketi
Kishi úshburysh qustyń tumsyǵy, úlken úshburysh qustyń denesi bolsyn.
- Mynaý qandaı pishin?
- Sopaq qustyń qanaty bolsyn.
- Mynaý qandaı pishinder?
- Bular qustyń aıaqtary bolsyn.
Qarańdarshy sonymen úı qustarynyń basy, tumsyǵy, denesi, qanaty, aıaqtary bolady eken.
Bular nemen qorektenedi eken?
Myna sýretke qaraıyqshy, myna bala sý berip, qyz bolsa jem shashyp jatyr. Olar sý iship, jem jeıdi eken jáne shóp jeıdi. Sý, jem berip, olardy baǵyp, kútsek olardyń bizge berer paıdasy kóp eken. Átesh bizdi ký - ka - re - ký dep aıqaılap, oıatady. Taýyq, qazdyń jumyrtqalaryn jeımiz, mamalarymyz jumyrtqadan tort, pechene pisiredi. Al júninen jastyq jasaımyz,
etinen neshe túrli taǵamdar pisiremiz.
Sergitý sáti
Qazym, qazym qańqyldap,
Kólde jatyr salqyndap.
Jem shashaıyn jeısiń be?
Kámpıt bershi deısiń be?
Joq, joq, joq,
Kámpıt tátti as bolmas,
Arpa menen bıdaı shash.
Balalar osy úı qustarynyń qurmetine taqpaqtarymyzdy aıtyp bereıikshi.

İńkar: Kúnáharlyq isteme,
Taýyqtardy tisteme.
Mop - momaqan úırekke,
Tentektikti úıretpe.

Shyraı: Aq taýyq - aı, aq - taýyq,
Aq taýyq netken qaqsaýyq.
Ertemen qyt-qyttaıdy,
Aýlamyzdan shyqpaıdy.

Adına: Shıraq atta bir ýaq,
Alsyn qustar ónege,
Jol ústinde turyp - ap,
Jolaýshyny bógeme.

Ashat: Oıatpa qoraz sen bizdi,
Ózimde sezdim tań atty.
Sensiz - aq bilem mezgildi
Tanımyn endi saǵatty.
Qarańdarshy bizge úırek pen qaz kelipti.
Olar bizge dıd. oıyndar alyp kelipti.

1.«Balapandaryn tap»
Sharty: Úı qustarynyń balapandaryn taýyp, qaryndashpen enelerine qaraı syzý.
2.»Úı qustaryn tabý»
Sharty: Dala qustary men úı qustarynyń arasynan úı qustaryn taýyp, ataý.
Balalar sender oqý is - áreketine óte jaqsy qatystyńdar, senderge qaz ben átesh rahmetterin aıtyp, syılyqtaryn bermekshi.

Balanyń áreketi
- Sopaq.
- Tórtburysh.
Balalar qustardyń dene múshelerimen tanysady.
Úı qustaryn baǵyp, kútý kerektigin túsinedi.
Úı qustarynyń bizge berer paıdasy kóp ekenin túsinedi.
Balalar sergitý sátin jasap, tynyǵyp alady.
Balalar úı qustaryna arnap taqpaqtaryn aıtady.
Dıd. oıyn oınaıdy.
1. Balalar úı qus tarynyń balapandaryn taýyp, qaryndashpen enelerine qaraı syzady.
2. Úı qustaryn ajyratyp kórsetedi.