InfoHub Logo

Úı qustary
Bilim berý salasy: «Komýnıkasıa»
Bólimi: Sóıleýdi damytý.
Bilimdilik mindeti: Balalardyń úı qustary týraly bilimderin keńeıtý, taýyq onyń paıdasy týraly túsinikterin molaıtý.
Damytýshylyq mindeti: balalarǵa osy túsinikterdi bere otyryp, aqyl – oılaryn damytý, baılanystyra sóıleı bilýge úıretý.
Tárbıelik mindeti: úı qustaryna qamqor bolýǵa, olardy kúte bilýge, eńbek súıgishtikke tárbıeleý.
Kórnekilikter: úı qustarynyń sýretteri, dıdaktıkalyq materıaldar, slaıd kórsetý.
Ádis - tásilderi: túsindirý, suraq - jaýap, áńgimelesý.
Qostildilik komponenti: taýyq - kýrısa, átesh - petýh, shóje - syplenok

Motıvasıalyq - qozǵaýshylyq
Shattyq sheńberi:
Alaqandy ashaıyq,
Kúnniń nuryn salaıyq,
Taza aýany jutaıyq,
Júrek jylýymyzdy,
Qonaqtarǵa syılaıyq.
- Jaqsy balalar, endi oryndaryńa jaıǵasa qoıyńdar.

Uıymdastyrýshylyq - izdenistik
- Balalar, biz qandaı qustardy bilemiz?
- Qustar qandaı bolyp bólinedi?( Úı qustary jáne dala qustary bolyp ekige bólinedi).

- Úı qustaryna qandaı qustar jatady? (qaz, úırek, taýyq, qoraz).
- Dala qustaryna she?(torǵaı, qarlyǵash, qarǵa, toqyldaq, kókek).
- Durys aıtasyńdar.
- Al bul qustardyń aıyrmashylyǵy, balalar, úı qustary úıde baǵylady, adamnyń kómegin qajet etedi. Dala qustary bolsa, óz betinshe ómir súre alady, óz tamaqtaryn ózderi aýlap ómir súredi.
- Balalar, úı qustary bir - birimen qalaı amandasatynyn bilesińder me? qustar sóıleı bilmese de ózderine tán dybys shyǵaryp, ózara bir birimen amandasyp, adamdar sıaqty qarym qatynasta bolyp, birin - bir jaqsy túsinedi jáne sezinedi eken.

Dıdaktıkaly oıyn:
Qustardyń únin balalarǵa tyńdata otyryp, qaı qustardyń daýysy ekenin suraý.
Káne, bir - birimizben úı qustary sıaqty amandasaıyq. (Balalar úı qustarynyń dybystaryna salyp, bastaryn ızep amandasady.)
- Jaraısyńdar, balalar!
- Endi balalar qustardyń dene múshesin atap óteıik.(denesi, basy, tumsyǵy. qanaty, aıaǵy.)
- Óte durys aıtasyńdar!
- Tumsyǵymen shoqıdy, qanatyn qaǵyp ushady.

Ǵajaıyp sát:
Topqa balapandaryn joǵaltyp alǵan taýyq keledi.( Balalar qýana qarsy alady)
Ol balalarǵa óziniń shójelerin joǵaltyp alǵany týraly aıtyp muńaıady jáne shójelerin taýyp berýge kómektesýlerin suraıdy.
Tárbıeshi:
- Balalar, taýyqqa balapandaryn tabýǵa kómektesemiz be?(árıne, kómektesemiz.)

Sergitý sáti:
«Balapandar» bıi. Taýyqpen birge balalar bıleıdi (balalar qýanady).
Jumbaq jasyrý:
Kún bata qonaqtap qalǵyǵan,
Tań ata jerden jem ańdyǵan. (Taýyq)
Aq saraıyn talqandap,
Shyqty bireý taltańdap. (balapan)
- Al endi, balalar, taýyqqa shójelerin tabýǵa kómekteseıik.
Tapqan balapandardy taýyqtyń qasyna qoıý.
Tájirıbelik jumys.
Ydysta aralas bolǵan tary men burshaqty bir – birinen ajyratyp shójelerge taryny berý.

Refleksıalyq - túzetýshilik
- Balalar sonymen biz búgin qandaı taqyrypta tanysyp, áńgimelestik? (Úı qustary)
- Úı qustaryna qandaı qustar jatady? (Taýyq, úırek, qoraz, qaz).
- Dala qustaryna she? (qarǵa, saýysqan, toqyldaq, kókek, toǵaı).
- Biz nege kómektestik? (biz taýyqqa balapandaryn taýyp berýge kómektestik).

Kútiletin nátıje:
Biledi: Úı qustarymen dala qustaryn ajyrata bilýdi;
Igeredi: Úı qustarynyń ataýlaryn jáne olardyń qalaı daýystaıtynyn;
Meńgeredi: Qustarǵa qamqor bola bilýdi;

Shyǵys Qazaqstan oblysy, Katonqaraǵaı aýdany,
Solonovka aýyly, «Balaýsa» balabaqshasynyń tárbıeshisi
Mamıeva Saltanat Kojaevna