InfoHub Logo

Páterińdi qansha sylap-sıpasań da, jýrnal betterindegi ıntererlerge uqsaı bermeıdi. Barlyq erejelerdi ustanǵandaı bolasyń, tústerdi de úılestiresiń, belgili bir stılge keltiresiń, biraq báribir birdeńe durys emes.

Bilim-all.kz tańdaýly degen ıntererdiń ózin qurtyp turatyn turǵyn úı bólmelerin retteýdegi keń taralǵan qatelikterdi jınaqtady.

Tońazytqyshqa jabystyrylatyn magnıtter

Tońazytqyshqa jabystyrylatyn magnıtter, syrt kózge áńki-táńki kórinedi. Kolleksıonerler úshin bir amal bar: magnıt taqta nemese magnıt boıaýdyń kómegimen estelik zattardy saqtaıtyn bir oryn taǵaıyndaý.

 

Kádesyılar

Kádesyılar da úıdiń jınaqylyǵyn qashyrady. Magnıttermen salystyrǵanda olardy jabystyratyn jer de joq. Toptamańyzdy qaıta qurylymdaý jaǵdaıdy qutqarady: sórelerde ár elden kelgen sháýgimder nemese qobdıshalar ǵana tursyn. Nemese sýrettegideı arhıtektýralyq qurylystar.

 

Ydys jýýǵa arnalǵan quraldar

Kórinetin jerde turatyn ydys jýý quraldary bolmasa, as úıińiz armanyńyzdaǵy as úı bólmesine aınalar edi – deıdi dızaınerler. Biraq amal qansha, úı sharýasyndaǵy ár áıel as bólmede ydys jýý gelderi men untaqtaryn paıdalanady. Budan shyǵýdyń amaly as úı ıntereriniń túsi men faktýrasyna qaraı tańdalǵan kóprettik dozatorlar bolmaq. Ydys jýatyn gelderdi osy dozatorlarǵa quıyp qoıyńyz.

 

Kıim útikteıtin taqtaıǵa kıimderdi jınaý

Keıbir adamdar kıim útikteıtin taqtaıdyń ústine kıim jınaıdy. Dızaınerler kıimderdi erinbeı jınap, óz ornyna qoıyp júrýdi usynady. Al bul qurylǵyny jınastyrý úshin búginge deıin neshe túrli ádister qarastyrylǵan.

 

Aýyz úı bólmesindegi kóptegen aıaq kıim

Ókinishke qaraı, aýa raıy jaǵdaıyna baılanysty maýsym saıyn aıaq kıim aýystyrýǵa týra keledi. Biraq ekspertter barlyq etikter, botılondar, krosovkalar jáne t.b. aıaq kıimderdi jınaqy etip saqtaýǵa keńes beredi. Ol úshin pýfık astyna jasyrylǵan sóre, nemese kıim ilgishti de paıdalansańyz bolady. Nátıjesinde oryn bosaıdy, al úı ishińiz qulpyryp shyǵa keledi.

 

Jýynatyn bólmedegi túrli-tústi oramaldar

Jýynatyn bólmemiz jóndeý jumystarynan keıin qalaı kórinetinin elestetkende túrli-tústi dáý oramaldardy esepke almaımyz. Intererge saı emes tańdalǵan oramaldar talǵammen qurastyrylǵan jýynatyn bólme kórinisin qurtýy múmkin. Álbette, barlyǵyn tastaı salýdyń qajeti joq, degenmen vanadaǵy barlyq mata buıymdaryn túsi boıynsha jarasatyn oramaldarǵa birtindep aýystyrýǵa bolady.

 

Sporttyq qural-jabdyqtar

Eger siz velojattyǵýda jattyqpaǵanyńyzǵa bir jyldaı bolsa, onda onyń páterde turýynyń esh qajeti joq. Alaıda eger kúndelikti jattyǵatyn bolsańyz, onda gantelderderge arnalǵan arnaıy oryn oılastyrý qajet nemese qyltımada mını-sportzal jasap qoıýdy usynamyz.

 

Tósek oryn jabdyqtary

Eger jatyn bólmede kartınalar ilinip tursa jáne antıkvar saǵattar turatyn bolsa, onda jolbarys órnekti tósek jabdyqtary orynsyz. Budan shyǵýdyń eki amaly bar: vana oramaldary sıaqty birtindep aýystyrý, nemese bárin jaýyp turatyn úlken japqysh alý, jáne ústine sándik jastyqtar ornalastyrý.

 

As úıdegi usaq-túıek zattar

Tańǵalarlyq jaǵdaı, biraq dámdeýishter men maılardy yńǵaıly jerge qoıyp, as úıdi kóptegen qorap, paket pen bankalardyń bylyǵynan saqtaýǵa bolady eken. As úıdegi usaq-túıekti saqtaýdy uıymdastyrý ony tartymdy etip, al taǵam daıyndaý prosesi – naǵyz lázzatqa aınalady.

 

Balalar oıynshyqtary

Úıde bala bolǵanda úıdi rettep ustap otyrý qıyn ekeni ras. Degenmen balalar biryńǵaı ansámbldi buzatyn emes, kerisinshe faktor bola alady. Mysaly, balalar bólmesindegi túrli-tústi konteınerler balalardy jınaqylyqqa úıretedi jáne bólmeniń sánin kirgizedi.

---