InfoHub Logo

Kóktegi – juldyz ul men qyz,
Ata-ana úmit jalǵaǵan.
Bári de babam júrgen iz,
Jalǵasyp jatyr arman-án.
 
Atadan qalǵan murany,
Jatady jampoz ul jalǵap.
Ul-qıanyń qyrany,
Qyz-qulpyrǵan qyzǵaldaq.
Ónegeli ul ósir,

Tálimi jaqsy tektiden.
Tileýin sonyń tilese el,
Nıeti qabyl dep bilem.
Qus bolyp kókke samǵaıdy,

Qyz izdep baqyt bógde úıden.
Ata-anasyn syılaıdy,
Kórgendi kelin, jón bilgen.
Eńsesi asqaq shyńdardaı,

Týysy bólek dúldúldeı,
Kóktegi qus suńqardaı,
Úılengen myna eki jas
Máńgilikke bir júrgeı!

*** *** *** ***

Qurmetti ______________! 

Senderdiń zańdy nekeleriń qutty bolsyn. Senderge Alataýdyń shyńyndaǵy aq qardaı taza pák kóńil, sol shyńdardan sarqyraı aqqan káýsar bulaqtaı móldir mahabbat tileımin. Senderge altyn kúzdiń yrysyn, densaýlyqtyń qystaı myqtysyn, kóktemdeı kól-kósir ómir, jazdaı jadyraǵan ómir tileımin. Qyzdaryń monshaqty, uldaryń onshaqty bolsyn. Shańyraqtaryńnyń keregesi keń, terezesi teń, bosaǵasy berik, eńsesi "Kelisim saraıyndaı" bıik bolsyn!

*** *** *** ***

Kurmetti jastar senderdi zańdy nekelerińmen quttyqtaımyn! Basqan qadamdaryń aq bolsyn!! Shańyraqtaryń bıik, keregeleri teń bolsyn! Biriń aı, biriń kún bolyp, arttaryńnan juldyzdaryń ere bersin! Baqytty bolyńdar!

*** *** *** ***

Tileımin araıly tań shapaǵatyn
Ómirde tek baqyt dep atalatyn
Ómir degen mahabbat emes pe edi
Tileımin qos aqqýdyń mahabbatyn

Eı, eki jas sapar alys jol uzaq,
Soǵar bálkim betke boran ańyzaq,
Soǵar bálkim baqyt jeli mas eter,
Bir bolyńdar "dáıim" tilek jalǵyz-aq!

*** *** *** ***

Balalaryńyz kóp bolsyn, baqytty uzaq ómir súrińizder!

*** *** *** ***

Kelise júrip keregesin jaıǵan, uıymdasa júrip ýyǵyn qadaǵan, shattana júrip shańyraǵyn kótergen Jas otaýlaryńyz qutty bolsyn!

Baqytty, uzaq ómir tileımiz!

*** *** *** ***

Búgingi zańdy nekeleriń, Úılený toılaryń qutty bolsyn.

Densaýlyqtaryń zor, Mahabbattaryń baıandy bolsyn! Al "mahabbat" baılyq pen baqyttyń qoldaǵanyn unatady deıdi, endeshe baı bolyńdar, baqytty bolyńdar!

Úılerińde molshylyk pen bereke, baqyt pen shattyq, birlik pen yntymaq bolsyn! Aralaryńda tek qana syılastyq pen túsinistik ornalassyn. Joldaryń ashyq otbasylaryń tatý bolsyn. Ómirde qýanyshtarda da, qıynshylyqta da birge bolyńdar. Biraq qýanyshty sátteriń 100 ese artyq bolsyn. Juptaryń jazylmasyn, birge qol ustasyp uzaq ómir súrińder. Eki jaqqa da syıly bolyńdar! Aspandaryń ashyq bolyp, dastarhandaryńnan qonaq úzilmesin!

Ekeýiń osylaı kúlimdep, jarqyrap aldymyzda júre berinder!

*** *** *** ***

Birde erli-zaıyptylar urysyp qalypty. Sonda áıeli kúıeýine:

— Men saǵan ómirimdegi eń qymbat kezeńderimdi, jyldarymdy syılap edim, al sen...

Sonda kúıeýi shoshyp ketip:

— Oıbaı, olaı demeshi, senimen aldaǵy ýaqytta áli de ómir súretinim esime tússe, kudaı-aý, myna ómirden bezip ketkim keledi, — dep zarlaıtyn kórinedi.

Búgin jubaılyq ómirdiń tabaldyryǵyn attaıyn dep otyrǵan jas jubaılar, bul áńgimeni sizderge keleshekte sabaq bolar degen oımen aıtyp otyrmyn.

Senderge shyn júrekten tileıtinim: árbir ótkizgen kúnderiń, jyldaryń qyzyqqa toly bolsyn. Jańa kótergen otaýlaryńnyń ishinen urys-keristiń dybysy emes, sábıdiń pák kúlkisi estilsin! Baqytty bolyndar!

*** *** *** ***

Asa qurmetti toıǵa kelgen aǵaıyn-jurt, aǵaini, ápke-qaryndastar men jeńgeıler, naǵashylar men kuda-jekjattar!

Búgin myna toıda qanshama jaqsy tilekter aıtylyp jatyr. Halqymyzda «batamen er kógeredi, jańbyrmen jer kógeredi» degen jaqsy sóz bar. Taǵy da «Qyryqtyń biri – Qydyr, júzdiń aýzy – ýáli» dep jatady. Iaǵnı bata – kóptiń tilegin alǵan durys eken. Kóptiń kól tilegimen azamat baqytty bolady eken-daǵy.

Ózderińiz kórdińizder, osynaý tilek aıtqandardyń qatarynda aqsaqaldy qarıa atalarymyz da, aq jaýlyqty aıaýly ájelerimiz de, eldiń betke ustar azamattary da bar ekenine kýá boldyńyzdar. Men búgingi kúni ulan-asyr toı jasap jatqan otbasyǵa, osy áýletke «joǵaryda talǵan adamdardyń aıtyp jatqan jaqsy sóz – jarym yrystary laıym perishteniń kulaǵyna shalynyp, baqytty bolsyn!» degim keledi. Sondaı-aq shańyryk kóterip otyrǵan eki jasqa «osynda ulaǵatty tilekter aıtqan jaqsylardyń jolymen júrýdi Jaratýshy jazsyn!» degen tilek arnaımyn. Zamandaryńyz tynysh, beıbit bolsyn!

Ósip-ónip, birińiz asqar taý áke, ekinshińiz aıaýly ana bolyńyzdar! Tamyrlaryńyz tereńdep, butaqtaryńyz jaıylsyn, jemisterińiz kóbeısin! 

Ámın!

*** *** *** ***

Qurmetti otaý ıeleri, sizderdi búgingi shańyraq kóterip otyrǵan merekelerińizben shyn júrekten quttyqtaımyn! Sizderge zor densaýlyq, ashyq aspan,móldir mahabbat tileımin! Osy aýyldyń "at baılar" bedeldi, syıly, úlgili otbasy bolýlaryńyzǵa shyn júrekten tilektespin! Sonymen qatar:

Aqqýdyń aqtyǵyn
Mahabbattyń páktigin,
Soǵan qosa ómirdiń
Baqyty men shattyǵyn tileımin.
Mahabbattaryńyz baıandy bolsyn!!!

*** *** *** ***

Qıyn da emes, ońaı da emes úılený
Úılený úıge qamqor jasap úırený
Qabaǵyn baǵý, kóńilin tabý jarynnyń
Ekeý bop ómir súrýdiń jolyn ıgerý
Bolady onda ishki de, syrqy saıasat
Aıaıyq jardy, bireýdi eger aıasaq
Jaqsy úıde bolmaq, áskerı qatań qupıa
Júrmeńder áste ishkini syrtqa jaıa sap!
Aıaly zat joq jarynnyń mahabbatynan
Ekeýińdide ony aıalaýǵa shaqyram
Tilegim osy qabyl ǵyp toıda aıtatyn
Qabyl al ..... atynan

*** *** *** ***

______________,  senderdiń aq otaýlaryńnyń irgesi berik, shańyraǵy bıik bolsyn, tútini túzý shalqysyn! Teń-qurbylaryńnyń aldy bolyńdar! Úı ishiń janǵa, qoralaryń malǵa, qaltalaryń aqshaǵa tolsyn! Qol ustasyp ómirdiń qıyny men qyzyǵyn birge keshińder. Baqytty bolyńdar! Dostaryń da, urpaqtaryń da kóp bolsyn! Búgingi toı alda bolatyn kóptegen qyzyq qýanyshtyń basy bolýǵa jazsyn! Osy dastarhan basynda otyrǵan dostaryńnyń bári sol qýanyshty birge toılaı bereıik!

*** *** *** ***

Ómirde úsh baqytty qus bar: kógershin, qarlyǵash, aqqý. Kógershinniń meıirimdiligin, qarlyǵashtyń qaıyrymdylyǵyn, aqqýdyń aq mahabbatyn tileımin.

Ómir teńiz, júze bil
Mahabbat kelse kúte bil,
Ómir ádemi baspaldaq,
Súrinbeı odan óte bil!

*** *** *** ***

Bir uly dana "Biz ómirge shyr etip kelgende emes, júregimizdegi mahabbat sezimi oıanǵan sátte ǵana ómirge keledi ekenbiz. Óıtkeni mahabbat adamǵa ushatyn qanat beredi jáne de ony meıirimdi etedi, sonymen qatar ol búkil álemdi óziniń jylyýmen qushaǵyna ala alady" degen eken. Qymbatty jas otaýdyń ıeleri, senderdiń mahabbattaryń Qozy men Baıannyń mahabbatynan kem bolǵan joq. Barlyq qıyndyqqa tótep berip, mine, búgin ekeýńniń shańyraq kótergenderińniń kúási bolyp otyrmyz. Senderge tilerimiz: mahabbattaryń baıandy bolyp, bir-birińe degen ystyq sezimderiń sýymasyń, juptaryń jazylmasyn dep tileımiz! Bastaryna baq qusy qonsyn!

*** *** *** ***

Qurmetti jas jubaılar! Zańdy nekelerińiz qutty bolsyn. Sizderge Alataýdyń shyńyndaǵy aq qardaı taza pák kóńil, sol shyńdardan sarqyraı aqqan káýsar bulaqtaı móldir mahabbat tileımin. Sizderge altyn kúzdiń yrysyn, densaýlyqtyń qystaı myqtysyn, kóktemdeı kól-kósir ómir, jazdaı jadyraǵan ómir tileımin. Qyzdaryń monshaqty, uldaryń onshaqty bolsyn. Shańyraqtaryńnyń keregesi keń, terezesi teń, bosaǵasy berik, eńsesi "Kelisim saraıyndaı" bıik bolsyn!

*** *** *** ***

Tólegendeı batyr bolsyn uldaryń
Qyz Jibekteı sulý bolsyn qyzdaryń.
Biz sizderge qonaqqa kep turǵanda
Kóreıikshi, sábılerdiń stroıda turǵanyn.

*** *** *** ***

Bir boıdaq dosyna:

— Meniń áıelim ádemi, aqyldy, pysyq ári adal bolady — dep maqtanady eken. Sóıtse dosy kaljyńdap;

— Sen óziń sol sharttardyń tórteýin de oryndaı alar ma ediń? — degen eken.

Minekı, dostar, bizdiń kúıeý jigittiń juldyzy ońynan týǵan eken — tańdaǵan jary ádemi, aqyldy, pysyq jáne adal ekeni baıqalady.

Jańa ómirdiń esigin ashyp, tabaldyryǵyn attaǵaly turǵan bul eki jasqa tileıtinimiz: qatar ushqan aqqýdaı juptaryń jazylmaı, árdaıym birge bolyńdar. Shańyraqtaryn bıik, keregeleriń keń, bosaǵalaryń berik bolsyn. Baqytty bolyńdar!

*** *** *** ***

Jańa tanyp bilseń oń men solyndy,
Jaqsylarǵa soza bergin qolyńdy.
Jaqsy júrgen jerde Qydyr bolady,
Jaqsylyqqa ońǵaratyn jolyndy.

Jaqsy sóz aıt, jaksyǵa oıyń burylsyn,
Júregińnen kóp izgilik tirilsin.
Jaqsy jerge jatqan jaqsy tús kórer,
Jaqsylardan jetken sen de jurynsyń.

Jaqsy sóz aıt, jaqsy tilek tilegin,
Jaqsy sóz de — jarym yrys, tiregiń.
Jas-otaýyń — bas-otaýǵa aınalsyn,
Órken jaıǵan japyraǵym, júregim!

---