InfoHub Logo

Qymbatty jas jubaılar .... — .........! Sizderdi búgingi nekege otyrý saltanatymen shyn júrekten quttyqtaımyn! Halqymyzda «Otan otbasynan bastalady» degen sóz bar. Sizder búgin memlekettiń kishi modeli — otbasyn quryp, óz aldaryńyzǵa otaý tiktińizder. Iaǵnı, bútindeı bir memlekettiń táýelsizdigin jarıaladyńyzdar. Sizder qurǵan jas memlekettiń Otanymyz Qazaqstan sekildi baı-qýatty, ishi tatý, syrty qaýipsiz, ómiri beıbit, bar múshesi baqytty bolýyna tilektespin. Úılený — tek neke qıý emes, mańyzdy áleýmettik oqıǵa, úılený — eki jastyń bir-birine taǵdyrlaryn senip tapsyrýy. Jas otaý ıesi ......... osy sátten bastap, ózi súıip qosylǵan .......... jubaıynyń bolashaǵyna tikeleı jaýap beretin bolady. Otbasyn qurý — óte úlken jaýapkershilikti júkteıtin is. Jumysta ózin jaýapkershiligi mol qyzmetker retinde kórsetken Jarqyn, januıada da osyndaı qasıetimen daralanatynyna senimim kámil. Alla Sizderdiń sezimderińizdi máńgilik jas, júrekterińizdi egiz, tilekterińizdi bir ete kórsin! Juptaryńyz jazylmasyn. Ata-ana, týys-týǵan, dos-jarandarǵa syıly, úlgili januıa atanyńdar. Mahabbat aıdynyndaǵy saparlaryń sátti, baqyttaryń baıandy bolsyn!

*** *** *** ***

Tilekpenen batalaryń aq bolsyn!
Eki júrek bir-birine jaq bolsyn!
Aǵamyz adal jar bolyp,
Jeńgemiz osy úıge kelip qonǵan baq bolsyn!
Bir-birińe senimderiń aq bolsyn!
Bir-birińe sezimderiń pák bolsyn
Búgingi osy toıdyń ıeleri
jaman attan, jat qylyqtan saq bolsyn!

*** *** *** ***

Qymbatty jas jubaılar! Sizderdi zańdy nekelerińizben quttyqtaımyz!

Shyn júrekten mahabbatty máńgige saqtaýlaryńyzdy tileımiz!

Búgingi kún – sizderdiń ómirlerińizdegi eń baqytty kún. “Úılený ońaı, úı bolý qıyn”, - deıdi halqymyz. Men sizderge ózara túsinistik, mahabbat pen tatýlyq tileımin.

Sizderge tileıtinimiz – búgingideı baqytty sát ómir boıy birge bolsyn!

*** *** *** ***

Toılaryńyz qutty bolsyn! Mahabbataryńyzdyń baıandy bolýyn tileımiz! Bar armandaryńyz orandalsyn! Qol ustasyp uzaq ómir súrińizder! Baqytty, uzaq ómir tileımiz! Ómirde densaýlyq pen baılyq, tatýlyq pen yntymaq tileımiz! Toılaryńyz toıǵa ulassyn! Balalaryńyz kóp bolsyn, baqytty uzaq ómir súrińizder! Joldaryń ashyq, otbasylaryń tatý bolsyn!

*** *** *** ***

Jastarǵa tileıtinim: Zor densaýlyq, ashyq aspan, móldir mahabbat!

Kóńil bolsa – án de bolady.

Kelisim bolsa – nan da tabylady.

Eki bastaryń – úsh bolsyn. Úsh bastaryń – tórteý bolsyn. Ata-analaryń syılap, eki jaqqa birdeı qarańdar. Al barshalaryńyza tileıtimin: Tilekterimiz perishteniń qulaǵyna shalynyp, qabyl bolsyn. Ár otbasyna, shynaıy kóńilmen baqyt-bereke tileımin. Elimiz aman, jurtymyz tynysh bolsyn!

*** *** *** ***

Búgingi toıyńyz yrystyń bulaǵy bolsyn. Otbasyńyz úbirli, sharýańyz dúbirli bolsyn. Aldyńyzda aq mol bolyp, basyńyzǵa baq kelip qonsyn.

*** *** *** ***

Qurmetti qonaqtar!

Búgin, mine, qos júrektiń qalaýy bir arnadan shyǵyp, qazaqtyń taǵy bir shańyraǵy boı kóterdi. Taǵy bir eki jas juldyzdary jarasyp, ómir atty býyrqanǵan dúnıege qol ustasyp qadam basty.
Qurmetti .............-................!
Búgingi neke qıý saltanattaryń qutty bolsyn!
Bir-birlerińe baǵynyshty, saǵynyshty sezimderiń máńgi sónbesin, syılastyqtaryń, qımastyqtaryń eshqashan taýsylmasyn, mahabbat áleminiń nurly aspanynda juptaryń jazylmaı, qanattaryń talmaı samǵaı berińder!

*** *** *** ***

Aıaq ekeý, qol da ekeý,
Kóz degeniń – ol da ekeý.
Ekeý jáne qulaq ta,
Júrek jalǵyz biraq ta.
Sondyqtan da sol júrek
Kúıip, janyp, órtenip
Estisin dep lebizin
İzdeıdi eken serigin
 -   degendeı qos júrek ómirlik serikterin tapqan eken. Qurǵan shańyraqtaryń bıik, bosaǵalaryń berik, keregeleriń keń bolsyn!

*** *** *** ***

Dosymyz  ...................... kelin túsirý toıymen quttyqtaımyz! Jas jubaılarǵa jarasymdy turmys, aq jol tileımiz!
 
Osylaı órken jaısyn gúlderimiz,
Sendermen endi bizder irgelimiz.
Berik bop jas shańyraq nurǵa tolyp,
Toı bolyp ótsin alǵy kúnderimiz!
 
Tatý bolyp ............ pen ......... ymyz,
Jańǵyryp mahabatty jyldarymyz.
Jalǵasyp óse bergeı urpaǵymyz,
Baq syılap qyzdarymyz, uldarymyz.

*** *** *** ***

Mahabbattyń kógine samǵaǵandaı,
Eki jasty Alla ózi qoldaǵandaı.
......... pen ............ búgin otaý tikti,
Eki aýyldyń arasyn jalǵaǵandaı.
 
Bolsyn dep eki jastyń joly izgi,
Tartaıyq tartý etip barymyzdy.
Jas kelin aýlymyzǵa qut bop qonyp,
Shattyqqa bóleı bersin bárimizdi.

*** *** *** ***

«Kelini jaqsy úıdiń keregesi — altyn» nemese «Kelin keldi degenshe, keregeni altyn qylyp ustar adam keldi» dep jatady, sol kelinimizdiń aq júzinen tek kúmis kúlkini kórýge jazsyn.

Yrys-dáýlet shańyraǵyńyzdan ketpesin, nesibelerińiz árdaıym mol bolsyn.

*** *** *** ***

"Mahabbat" baılyq pen baqyttyń qoldaǵanyn unatady deıdi, endeshe baı bolyńdar, baqytty bolyńdar! Aspandaryń ashyq bolsyn, dastarhandaryńnan qonaq úzilmesin!

*** *** *** ***

Eki jastyń kótergen shańyraǵy bıik,bosaǵalary berik bolsyn! Mahabbattary baıandy da tátti bolsyn ! Ómirleri kúndeı, kóńilderi gúldeı, armandary asqar taýdaı bolsyn ! Tatý da tátti ómir súrińder!

*** *** *** ***

Jańa ómirge qos aqqýdaı qol ustasyp birge attaǵan qadamdaryń qutty bolsyn!

Sizderge osy qýanyshty kúni bosaǵalaryń berik, keregeleriń keń bolsyn dep tileımin! Jezdem apaıyma adal jar bolsyn, apaıym osy shańyraqqa qonǵan baq bolsyn!

Árqashan alaqandaryń ashyq, ómirge mashyq, bir-birińe ǵashyq bolyp, aldaǵy uzaq ǵumyrdy syılastyqta ótkizińder! 

*** *** *** ***

Jastarǵa aıtarym, súringende asqar taýdaı súıenish bolyp, qulaǵanda qoldap, demep júrer áke-sheshe árdaıym tirekteriń, panalaryń bolatynyn este saqtańdar.

*** *** *** ***

Jaqsy sóz aıt, jaqsyǵa oıyń burylsyn,
Júregińnen kóp izgilik tirilsin.
Jaqsy jerge jatqan jaqsy tús kórer,
Jaqsylardan jetken sen de jurynsyń.
Jaqsy sóz aıt, jaqsy tilek tilegin,
Jaqsy sóz de – jarym yrys, tiregiń.
Jas – otaýyń – bas – otaýǵa aınalsyn,
Órken jaıǵan japyraǵym, júregim!
- dep, aınalaıyn, jaqsylardyń jalǵas juryny qos balapanym, búgingi shańyraq kótergen toılaryń qutty bolsyn!

*** *** *** ***

Bir uly dana «Biz ómirge shyr etip kelgende emes, júregimizdegi mahabbat sezimi oıanǵan sátte ǵana ómirge keledi ekenbiz. Óıtkeni mahabbat adamǵa ushatyn qanat beredi jáne de ony meıirimdi etedi, sonymen qatar ol búkil álemdi óziniń jylýymen qushaǵyna ala alady» degen eken.

Qymbatty jas otaýdyń ıeleri, mine, búgin ekeýińniń shańyraq kótergenderińniń kýási bolyp otyrmyz. Senderge tilerimiz: mahabbattaryń Qozy men Baıannyń, Láıli men Májnúnniń mahabbatynan kem bolmasyn! Bir-birińe degen ystyq sezimderiń sýymasyn, juptaryń jazylmasyn! Bastaryńa baq qusy qonsyn!

*** *** *** ***

Zamandaryńyz tynysh, beıbit bolsyn! Ósip-ónip, birińiz asqar taý áke, ekinshińiz aıaýly ana bolyńyzdar! Tamyrlaryńyz tereńdep, butaqtaryńyz jaıylsyn, jemisterińiz kóbeısin! Áýmın

*** *** *** ***

Bir fılosof; «Úılený degenimiz – eki adamnyń bir-birine qarap otyrýy emes, ekeýiniń bir baǵytqa qaraýy» depti. Demek, bul – eki adamnyń maqsat- múddesi men ómirlik ustanymdarynyń, kózqarastarynyń birigýi desek jańylyspaıtyn shyǵarmyz. Bolashaqqa birge qanat qaǵyp, baqytqa jetý jolynda bir-birin qoldaýdy maqsat tutyp, bas qosqan búgingi jas jubaılardyń bir-birine degen senimi myqty bolsyn!

*** *** *** ***

Toı jasap jatyr syılas, dos adamym,
Jaqsy sóz, lebizderdi qosh alamyn.
Tileımiz bıiktigin shańyraqtyń,
Tileımiz beriktigin bosaǵanyń.
 
Shyrqasa shabyttanyp aqyn búgin,
«Toıbastar» dep aıtaıyq atyn munyń.
Máńgilik eki jastyń baqyty men,
Tileıik qudalardyń tatýlyǵyn.

*** *** *** ***

Eki bulaq bir arnaǵa toǵysty,
Eki júrek uǵynysty, tabysty.
Tileıikshi appaq arman – aǵysty,
Tulparǵa tán ozyp shyǵar shabysty.
 
Jańa otaýdyń shańyraǵyn kóterip,
Kel, dostarym, jaqsy tilek etelik!
Úılengender – altyn saraı salǵandar,
Balalyǵy estelikke qalǵandar!
 
Qalady endi balalyq shaq ertek bop,
Kel, dostarym, shattyq toıǵa ortaq bop!
Eki jubaı – qatar turǵan perishte,
Birge ushsyn baq – bolashaq - óriste!

*** *** *** ***

.... — ..... toılaryń qutty bolsyn,
Tilektes dostaryńmen orta tolsyn.
Shańyraǵy bıik bop aq otaýdyń,
Bosaǵasy máńgilik bıik bolsyn.

*** *** *** ***

Shańyraq qurǵan jastardyń,
Qadamdary aq bolsyn!
Mahabbaty pák bolsyn!
Til men kózden saq bolsyn!
Jamanshylyq jat bolsyn!
Ósirgen ulyń, túsirgen kelin jemisiń
Jaıqalyp ósken baq bolsyn!
Keler jyldar qut syılap,
Kelinniń myna atyna,
"Ana" degen at qonsyn!
Nemere súıgen ata-ájem,
Qýanyp bir shal bolsyn!
Sol nemereń eseıip,
Prezıdent bolsyn deseıik
Bolmasa da shah bolsyn!
Dushpandary mat bolsyn!
Sózdiń kelsem toqtasyna
Toı ıesi otbasyna
Aǵyla tasyp baq tolsyn!

*** *** *** ***

Árkim izder tirshilikten óz baǵyn,
Qolǵa qondy
Juldyz dep qol sozǵanyń.
Qosaǵyńmen qosa aǵarǵyn, baýyrym,
Mahabbatyń – mańdaıyna jazǵanyń.

Súıgen júrek
Nege bolsyn shydaıdy,
Jan súıinter
Jaryq qandaı shyraıly!
Shaıqalmasyn jas otaýdyń irgesi,
Ómir áli qıyndyqpen synaıdy.

Taǵdyr qosyp,
Tabylypty qosaǵyń,
Áli-aq tolar jabdyǵyń men jasaýyń.
Shattyq toly shańyraqqa aınalsyn,
Keregesin keńge jaıyp otaýyń.

*** *** *** ***

Jarqyrap bosaǵa attap tur aqmańdaı,
Qalaısha shydaı alam syr aqtarmaı.
Ǵumyry, ıgiligi uzaq bolsyn,
Qosylyp qatar aqqan bulaqtardaı.
 
Ómirdiń
Órlep shyqsyn belesine,
Muhıtqa jetsin júzip kemesi de.
Bir úıdiń álpeshtegen erkesi eken,
Ata men syıly bolsyn enesine.
 
Úlkendi qadirleýden jalyqpaǵyn,
Jarqylda –
Jaryńnyń da taýyp babyn.
Qadirlep,
Aınalaıyn – bir-birińdi
Qyrandaı qıa shyńǵa sharyqtaǵyn!

*** *** *** ***

Qos aqqý júzse kólde jarasady,
Eki jas tabyssa  baǵy ashylady.
Búgingi úılený toı qutty bolsyn,
Tileımin, jas jubaılar, bar asyldy.

*** *** *** ***

Bir pálsapa: «İzdeýshiler kóp bolǵanymen, tapqandar — tabylmaıdy», — degen eken. Búgingi tórde otyrǵan qos ǵashyq bir-birin tapqan baqytty jandar ekeninde kúmánimiz joq. Olaı bolsa, otaýlaryń máńgi nurǵa bólenip, sol nurdyń jaryǵy ómirlerińe jol kórsetip júrsin! Shýaq shashqan shańyraqtaryń bıikteı bersin, úbirli-shúbirli bolyńdar!

*** *** *** ***

Uly sezim eki jasty eptedi, jalyndaǵan ekeýine bettedi! Yrys-dáýlet úılerinen ketpesin, ashý-dushpan qansha qýsa jetpesin! Ata-ana kózdiń jasyn syqpasyn, kelin shyraq tapqan tıynyn tyqpasyn! Úzilmesin bul úıdegi toılaryń, egiz tapsyn qoradaǵy qoılaryń! Bala bersin etegine jastardyń, kózi shyqsyn kóre almaǵan qastardyń! Tastaı batyp, sýdaı sińsin bul kelin, tapqyn bes qyz, alty-jeti ul kelin!

*** *** *** ***

Kesh jaryq, toıǵa jınalǵan qaýym! Qurmetti quda-qudaǵılar, quda bolyp tórge shyqqandaryńyz qutty bolsyn! Qudalaryńyz myńjyldyq bolsyn! Qudalyqtaryńyz myńjyldyq bolsyn.

Al, jas jubaılar, qurǵan shańyraqtaryńnyń bosaǵasy berik bolsyn!

Qazaqta jaqsy sóz bar: «Tatý úıge taqsyret jolamas», — degen. Tatý-tátti, baqytty ómir súrińder! Abyroıdan aq otaý tigýge talpynyńdar!
Ómir súrýdiń eki negizi bar eken:
Birinshisi — úıretýden aıanbaý;
Ekinshisi — úırenýden jalyqpaý.
Mine, osy qaǵıdany basshylyqqa alsańdar, ınshalla, baqytty bolasyńdar dep oılaımyn.

Toı urpaqtan-urpaqqa jalǵasa bersin! Toılaryń qutty bolsyn!

*** *** *** ***

Taýdan qulaǵan egiz arna qosyldy — aıaǵy teńiz bolǵaı! Baýda oınaǵan eki qulynymyz bir noqtaǵa bas suqty — aıaǵy segiz bolǵaı!

Bizdiń ulymyz — Sizdiki, Sizdiń gúlińiz — Bizdiki!

Barsha gúldiń syılaıtyn lázzaty bir — sulýlyq. Ul-qyz — perzent, ortaq nemere súıip qýanyshymyzdy bir etelik!

Kózimizdiń aǵy men qarasy — qos qoshaqanymyzdyń baqyty úshin kelińiz: túıisý bolsyn, sońynan súıisý bolsyn! Qushaq jaıyp, tós qaǵysaıyq, qymbatty qudalar!

*** *** *** ***

Qos aqqýdaı qos ǵashyqqa tórdegi bar baqytty men tileımin jerdegi! Jalyn atyp júrekteri sónbesin, İbilistiń arbaýyna kónbesin! Bir-birine serik bolsyn jalǵanda, taý shyńyndaı bıik bolsyn talǵam da! Súıip ótsin birin-biri máńgilik, ǵumyr keshsin ómirlerin án qylyp!!!
Altynnan ardaqty, kúmisten salmaqty qudalar!
Tórge shyǵyńyz, syrlasyp janymyz qosylsyn!
Dosymyz qýanyp, dushpanymyz tosylsyn!
Tórelenip tórge shyqqandaryńyz qutty bola bersin!
Árdaıym densaýlyǵyńyz myqty bolsyn!

*** *** *** ***

Bir kúni baq kelip jańa otaýdyń esigin qaǵypty:
— Kim-eı bul? —depti jańadan túsken jas kelin.
— Men Baqpyn ǵoı, úıińe kirgiz, — depti Baq.
— Joq, esikti asha almaımyn: tórgi úıde atam jatyr, aýyzǵy úıde ózimiz jatyrmyz, — deıdi kelin.
Ekinshi kúni esik taǵy da tyqyldapty.
— Bul kim?
— Men – Dáýletpin ǵoı, úıińe qonyp keteıin, — depti esik syrtynan Dáýlet.
— Joq úı bos emes, — dep taǵy da esigin ashpaıdy.
Úshinshi kúni esik taǵy tyqyldaıdy.
— Kim eken deıdi? — deıdi kelin.
— Yntymaq edim. Kelin esikti ashyp, Yntymaqty úıine kirgizipti. Barlyǵyn estip jatqan atasy sonda:
— Durys jasadyń, shyraǵym, yntymaq oryn alǵan jerge baq pen dáýlet ózi-aq keledi, — degen eken.

Biz de otaýlaryńyzdan ómirlik yntymaq ketpesin dep tilegimiz keledi.

*** *** *** ***

Sharyqtap baqyttyń júr ómir kógin,
Qosylǵan qos báıterekteı, armysyńdar!
Toı ústinde gúldesin kóńilderiń
Aq nıetti kópshilik alńysynan!

Bul júrek qýanyshqa toıǵan emes,
Sol alǵystan gúldesin dala mynaý.
Marat ta sabaý basty boıdaq emes,
Sen endi kúıeý boldyń, qaraǵym-aý!

Kútedi sybaǵasyn aldan kóp kún,
Janyńnyń oty máńgi jalyndasyn.
Kınoǵa jeke barar halden kettiń,
Sen endi kelin boldyń, qaryndasym.

Keshegi uıań ........ qyz da búgin kelin atandy,
Endi adal ana bolsyn, adal súısin Otandy.
Marat-inim qos juldyzǵa áke bolsyn aq shashty,
Sol bolashaq urpaq úshin bereıin men batamdy.

*** *** *** ***

Toı bastap jatyp syılas, dos adamym,
Jaqsy sóz-lebizderdi qosh alamyn.
Tileımiz bıiktigin shańyraqtyń,
Tileımiz beriktigin bosaǵanyń.

Shyrqasa shabyttanyp aqyn búgin,
«Toıbastar» dep aıtaıyq atyn munyń.
Máńgilik eki jastyń baqyty men
Tileıik qudalardyń tatýlyǵyn.

*** *** *** ***

Ómir-toıy, kóńil-toıy – úılený,
Úılený, bul – máńgi kóktem kúıge ený.
Jańa otaýdyń qabyrǵasy qalanyp,
Dúnıege taǵy da bir úı kelý.

*** *** *** ***

Bilimiń qataryńnan asyp ótsin,
Baqytyń abyroımen tasyp ótsin!
Artyńnan ólmeıtuǵyn at qaldyryp,
Jalǵanda jalpaǵynan basyp ótsin!
 
Nurlanyp jol ashylsyn qadamyńnan,
Mereıiń ústem bolsyn talabyńnan,
Ul men qyz qýanyshy qabattasyp,
Kórkeısin kelinimiz balaǵynan!

*** *** *** ***

Aǵaıynnyń aq nıeti dep uǵyn,
Kelin-bala, ajyramas tel uǵym.
Elden buryn tóbem kókke jetedi,
Dese bireý: «Jaqsy eken keliniń!»

*** *** *** ***

Kel súıeıin mańdaıyńnan, kel, kúnim,
Aq tileýim aq otaýǵa en, gúlim.
Shaıqap iship bal sharabyn baqyttyń,
Qýanyshtan mas bolaıyn men búgin.

*** *** *** ***

Birge toılap jastardyń qýanyshyn,
Baıqataıyn júrektiń jyr aǵysyn.
Kóteremin, týǵandar, osy tosty
Ul-qyzy ortaq qudaǵı-qudam úshin!

*** *** *** ***

Ómirleri baqytty, ándi bolsyn,
Óńirleri osyndaı sándi bolsyn!
Dostyq penen jastyq shaq jalyn atyp,
Aq mahabbat baıandy, mándi bolsyn!

*** *** *** ***

Halqyńa qalaýly bol,
Elińe eleýli bol.
Bir balamyz ekeý bolsyn,
Jas jubaılar odaǵy bekem bolsyn!

*** *** *** ***

Egiz aqqý sıaqtanǵan dostarym,
Bastapsyzdar jubaıly ómir-dastanyn.
Myqty bolsyn tikken ordań-otaýyń,
Qutty bolsyn alǵash túndik ashqanyń!

*** *** *** ***

Bir isińnen asyp túsip bir isiń,
Sharyqtasyn qut-bereke – yrysyń.
Otaýyń da kishigirim – otanyń,
Máńgi bolsyn.

*** *** *** ***

Shańyraq kóterip, qos aqqýdaı, januıa qurǵan
..................men ............... zańdy nekelerimen quttyqtaı otyryp, jyrdan shashý shashamyz.
 
Oryndalyp tátti arman tilekteri,
Birge soǵyp shyn ǵashyq júrekteri.
Jas shańyraq ıesi boldy búgin,
Qasıetti qazaqtyń túlekteri.
 
Artqa tastap búldirshin bala shaǵyn,
Tutandyrǵan ómirdiń jańa oshaǵyn.
Jas jubaılar babalar dástúrimen,
Jalǵastyrar halqymnyń bolashaǵyn.
 
Armandary sezimmen sabaqtasyp,
Mahabbat pen baqyty qabattasyp.
Ultymnyń ulylyǵyn ulastyrar
Qos aqqýdaı jarasa qanattasyp.

*** *** *** ***

Qurmetti  ....... men .......!

Sizderdi búgingi saltanatty zańdy nekelerińizben, otaý quryp, shańyraq kóterýlerińizben shyn júrekten quttyqtaımyn. Sizderge tilerim jańa ómirge qos aqqýdaı qol ustasyp birge attanǵan qadamdaryńyz qutty bolsyn! Otbasynyń qýanyshyn, aldaǵy bar ómirlerińizdi syılastyqpen birge ótkizip, keleshekteriń tek sáttilikpen jalǵasa bersin.

Óz jaryńdy jattaı kút, jat kórsin de túńilsin, bir-birińe qadir tut, jurt úlgi alsyn, úńilsin degendeı eki júrek senimderiń aq, bir-birińe degen sezimderiń pák bolsyn.

Jaqsy áıel – jigitke bitken baq, jaqsy jar, jaıly qonys – altyn taq deıdi. Shańyraqtaryńyz bıik bosaǵalaryń berik bolsyn

................. Jańylǵa adal jar bol, Jańyl osy shańyraqqa qonǵan baq qusy bol. Ata-ana, týǵan-týys pen baýyrlaryńyzǵa syıly jáne úlgili otbasy bolyńyzdar. Árdaıym shańyraqtaryńyz shattyqqa, baqytqa jáne sábıdiń únine tolsyn.

*** *** *** ***

Tilerim ózderińe baqytty ómir,
Qýanysh kele bersin aǵyl-tegil.
Shyny-aıaq syldyrlamaı turmas, sirá,
Qıyn sátte bir birińdi keshire bil.
 
Jańa ómirge endi esik ashqasyn,
Shańyraǵyńdy renish muńy shalmasyn.
Ómir atty ashyq aspan astynda,
Qalyqtańdar qanattaryń talmasyn.
 
Qaıyrly kesh otyrǵan qudalarym
Bola bersin osyndaı qyzyqtaryń
Sizdermenen bizderdi tabystyrǵan
Aman bolsyn ........ qaraqtarym.

*** *** *** ***

Qol ustasyp bastadyńdar jol basyn,
Júrekterde úmit-arman janǵasyn.
Ǵashyqtyqtyń sóndirmeńder jalynyn,
Mahabbattyń Táńiri bar...
Sol senderdi qoldasyn! – degen
Júrekten shyqqan tilegimizdi arnadyq.
 
Jas otaý ıelerine myqty densaýlyq, jarastyqty ǵumyr, baıandy mahabbat tileı otyryp, shańyraq shattyǵyna bólene berińizder demekpiz.

*** *** *** ***

Qadirli qonaqtar! Búgingi qýanyshtyń qymbatty ıeleri!

Sizderge osy qýanyshty kúnde bosaǵalaryńnyń berik, keregelerińniń keń, abyroıly, kóńilderińniń toq, adal eńbektiń arqasynda tabystaryńnyń mol, alaqandaryńnyń ashyq, ómirge mashyq, jańalyqqa ǵashyq, urpaqtaryńnyń er bolýyn tileı otyryp, myna óleń joldaryn ózderińizge arnaımyn;
 
Ómirdiń toıy, kóńildiń toıy – úılený,
Úılený – bir kóktem máńgi kúıge ený.
Jańa otaýdyń qabyrǵasy qalanyp,
Dúnıege taǵy da bir úı kelý.
 
Tileımiz bıiktigin shańyraqtyń,
Tileımiz bosaǵanyń beriktigin.
Máńgilik eki jastyń baqyty men,
Tileımin qudalardyń tatýlyǵyn.
 
Ómirleriń baqytty ándi bolsyn,
Óńirleriń osyndaı sándi bolsyn.
Dostyq pen jastyq shaq jalyn atyp,
Aq mahabbat baıandy, máńgi bolsyn!

*** *** *** ***

Qansha ǵashyq armanyna umtyldy
Qansha júrek qushtarlyqpen bulqyndy.
Ǵashyqtardy qurmet tutyp adamzat
Eshqashanda umytpaıdy bul kúndi!
Shýaq shashyp qap-qarańǵy túnekten
Ǵashyqtardy pák sezimnen nur sepken
Jaryq bolsyn árqashanda juldyzyń!

*** *** *** ***

 

Balalyqtyń dáýreni artta qalyp, biriń boı jetken, ekinshiń bozbala atanǵan kúnderdiń ótkelinen de attadyńdar. Jas otaýdyń keregesin keńeıtip, bosaǵasyn berik, shańyraǵyn bıik etsek, ata-analarymyzdyń armany men maqsatyn oryndasaq degen izgi nıetpen taǵy bir ómir belesine aıaq basyp otyrsyzdar.

Ekeýlerińiz qol ustasyp, kóńil jarastyryp otbasylyq tirlik qurýǵa bel baılaǵannan keıin eki jaqqa da meıirbandy, bir birińe syıly bolǵandaryńyzdy, ósken órkendegen shańyraqqa aınalýlaryńyzdy tileımiz.

Eń aldymen qalyńdyqqa bir-birińdi qadirleı, azamat basyn syılaı bil desek, kúıeý jigitke qulaqqaǵys eterimiz, syńaryńdy máńgilik kóktemniń gúlindeı aıala, erteńgi ómirge keler urpaǵymnyń anasy dep alaqan jylýyn, júregińniń nuryn tók, demekpiz.

Shyǵystyń danalyǵynda; «Butaǵy kóp aǵashqa qus qonady», - deıdi. Dos-jarandaryńnyń, aǵaıyn-týystaryńnyń aldynda qadirleriń tómendemesin. Baq-dáýletteriń, qut-berekeleriń bastaryńnan jaıylǵan dastarhandaryńnan, tikken otaýlaryńnan qashpasyn!

*** *** *** ***

Qazirgi ómir burynǵydan estirek,
Aıalasyn, áldılesin dep biled.
Aldaryńda álde qandaı ómir bar,
Qysylǵanda birge soqsyn qos júrek.

Al, baýyrym, qutty bolsyn qadamyń,
Bastaǵanyń esik ashyp jańa ómir.
Ystyǵy da, sýyǵy da keziger,
Qıyn  sátte bir-birińdi syılaı bil.

Al, kelinim, ózińe aıtar tilegim -
Jańa kóktep kele jatqan sen bir gúl.
Máńgi solaı búrshik jaryp gúldeı ber,
Bir-birińe adal bolyp júregiń.

Aıtarym ........ pen .......... -
Kósil degen qarap óz zamanyńa.
Qıyn sátte bir-birińdi keshire bil,
Shyny-aıaq syldyrlamaı turmas, sirá.

Aıaýly alaqannyń aıaýlysy,
Qadirleı bil qondyrǵan baq qusyńdy.
Aqyldasyp sheshimin ózderiń shesh,
Aldaryńda bolatyn talaı isti.

Osy qyzyq kórem degen armandary,
Taǵdyr biraq kórýge jazbaǵany.
Jyly lebiz, ystyq qushaq esten ketpes,
Marqumdardyń aqyl ǵyp aıtqan sózi.

Aǵaıyn tatý bolsa at kóp degen,
Abysyn tatý bolsa as kóp degen.
Arnaǵan syılyqtaryn berem deıdi,
Qaryndas, kelin, apaı, jeńgeleriń.

Al tilerim bárińe: baqytty ómir,
Qýanysh kele bersin aǵyl-tegil.
Bala degen baqyt bar barlyǵyńda
Qyz uzatyp, barlyǵyń da kelin túsir.  

---