InfoHub Logo

Qonaq kelse aýylǵa tuz ben dám alar
Qushaq jaıyp qarsy alar sizdi bar adam
Kýási bop qos júrek tabysqan kúni
Bir bolýdy máńgilik baqyt sanaǵan

Ata-ananyń osy ǵoı basty armany da
Jadyraıdy karashy jastar jany da
Ne jetedi jańa ómir bastalǵanyna
Qýanyshpen jaıylǵan dastarhanyna

Kóńil bıik tolqysyn boıdy bılesin
Asyl arman jeteler oıdy kúıge shyn
Qazaǵymnyń dástúrin saltyn saqtaǵan
Berekesi shattyǵy toıdyń órlesin

Ásem áýen sharyqtap jandy terbesin
Asaý tolqyn ornasyn nardyń kemesin
Osy bir kesh qalaısha sándi demesin
Mahabbatty qos júrek máńgi sónbesin

***  ***  ***  ***  ***

Súıgen júrek sónbesin, jalyndasyn!
Súıgen júrek ózgeni saǵynbasyn!
Jas jubaılar qosaǵymen qosa aǵaryp,
Baqyttary aldarynan jarylqasyn.

***  ***  ***  ***  ***

Toıǵa shashý

Qazaq aıtqan:
Toıyń toıǵa ulassyn dep,
Shalqytyp salǵan ániń qyr assyn kep.
Shaqyryp ulan toıǵa saýyn aıttyń,
Aǵaıyn qyzyǵyma qýansyn dep.
 
Abaı aıtqan:
Adamnyń bir qyzyǵy bala degen,
Balasyz kóńil shirkin tolar ma eken.
Dúbirli toı jasamaı balasyna,
Qazaqtyń jaǵasy jaılaýyna qonar ma eken.
 
Men aıtam:
Qutty bolsyn shalqar toıyń,
Tarqamasyn úıińnen qyzyq-oıyn.
Baqytyna kenelip eki jastyń,
Tola bersin yrysqa qonysh-qoınyń.
 
Jurt aıtar
Aq tilegin aqtarylǵan búgin dáıim,
Qabyl bolsyn nıetter ylǵıdaıyn.
Túgendelgen ulyńnyń úsh jurtynyń,
Yntymaǵy jarassyn barǵan saıyn.
 
Túıip aıtsam
Kenelgen kókiregime tilegimdi,
Bilesiń aq kóńilimmen tilerimdi.
Urpaǵyń urpaǵyńa ulassyn dep,
Usyndym aq tileýli júregimdi!!!

***  ***  ***  ***  ***

Aıaýlym
Bul shýmaǵym bir kádege jarap qalar,
Aıta alsa, tyńdaǵan el qalap alar.
Aldaý emes kisini, kóńilin tabý aǵaıynnyń
Aǵaıyn qolqa salsa men be eken qarap turar.

***  ***  ***  ***  ***