InfoHub Logo

«Úzdik pedagog» konkýrsynyń erejeleri men ótkizý merzimi ózgerýi múmkin. Oqý-aǵartý mınıstrligi «Ashyq» NQA portalynda jarıalaǵan tıisti buıryqta jańa tártipter jazylǵan.

«Konkýrstyń İ kezeńin ótkizý týraly habarlandyrýdy bilim berý salasynyń ýákiletti organy ony ótkizý bastalǵanǵa deıin keminde kúntizbelik 30 kún buryn Mınıstrliktiń aqparattyq júıesine ornalastyrady. Aýdan, qalanyń (oblystyq, respýblıkalyq mańyzy bar qalalardyń) bilim bólimi aýdan (qala) aýmaǵynda taratylatyn buqaralyq aqparat quraldarynda jarıalaıdy, sondaı-aq bólimniń ınternet-resýrsynda ornalastyrady», - delingen jańa redaksıada.

Sonymen qosa, konkýrstyń alǵashqy kezeńi bıyl mamyrda bastalady. Buryn pedagogterden ótinmderdi qabyldaý qyrkúıek aıynda júrgiziletin. Al konkýrstyń II kezeńi tamyzda, fınaly qyrkúıekte uıymdastyrylmaq. Eski ereje merzimi boıynsha saıystyń qorytyndysy qarasha aıynda shyǵarylatyn.

«25 qazan Respýblıka kúni jáne 5 qazan - Muǵalim kúni bolyp engizilýine baılanysty konkýrsty ótkizý datasy ózgerdi. Osyǵan baılanysty atalǵan normada I kezeńdi ótkizý merzimi qyrkúıekten mamyrǵa aýystyryldy», - dep túsindirme berilgen buıryqqa.

Buǵan qosa, İ jáne İİ kezeńderde qatysýshardy baǵalaý tártibi de ózgerýi múmkin. Atap aıtqanda, endi úmitkerlerge óńirlik komısıa músheleri upaı beredi. Sonyń negizinde jeńimpaz anyqtalady.

«Óńirlik komısıa sheshiminiń qorytyndylary boıynsha 100 baldyń keminde 80 balyn jınaǵan 10-ǵa deıingi konkýrsqa qatysýshy konkýrstyń İ jáne İİ kezeńiniń jeńimpazdary bolady. Konkýrstyń III kezeńi aǵymdaǵy jylǵy qyrkúıekte ótkiziledi. Onda konkýrstyń jeńimpazdary anyqtalady», - dep jazylǵan ózgeris mátininde.

Buıryq 13 sáýirge deıin kópshilik talqylaýda bolady.

---