InfoHub Logo

Fýtboldan bizdin ulttyq quramamyz tarıhı jetistikke jetti, 2021 jyly ótken Eýro-2020 týrnırinde jartylaı-fınalǵa jetken Danıa ulttyq quramasyn, Astanada 3:2 esebimen jeńdi. Bul shynymen de Qazaq fýtboly tarıhyndaǵy eń jaryq kezdesýlezdiń biri. Kezdesýdiń 73 mınýtyna deıiń 0:2 esebimen utylyp, bizdiń jigitter oıynnyń nátıjesin 16 mınýtta tóńkerip jiberdi. 

Birinshi taımda Rasmýs Hoılýnd, Italıalyq Atalantanyń jas oıynshysy joq jerden 2 dál soqqy jasap, bizdin quramamyzdyń úmitin túsirdi. Biraq oıynnyń 2-shi jartysyna Qazaqstan quramasy jigerlenip, Danıa qaqpasyna kóptegen shabýyl jasap bastady. Biraq soqqylardyń kóbisi týra Kasper Shmeıheldiń qoldaryna ushyp, nátıje ákelmedi. Oıynnyń 70 mınýtynda Abzal Beısebekov qarsylastyń aıyp alanyńda eki qorǵaýshyny aldap, qaqpaǵa soqqy jasady, bul soqqy da Danıalyq qaqpashynyń oljasyna aınaldy. Bul sát meniń oıymsha Qazaq oıynshylaryn jigerlendirip, erlikke shaqyrdy.

Úsh mınýttan keıin Bahtıer Zaınýtdınov esep aıyrmasyn penaltıden qysqartty. Al kezdesýdiń 86 mınýtynda, naǵyz kapıtan, Ashat Taǵybergen, 30 metrden, dopty týra qaqpanyń ústingi buryshyna jiberdi. Bul sátte Astana Arenadaǵy jankúıerler, óziniń qýanyshyna shek tappady, búkil el toılaýǵa kiristi. Biraq osymen sensasıalar bitpedi, 89 mınýtta Baýyrjan Islamhan men Ian Vorogovskıı ekeýi, alannyń sol jaǵynda paspen oınap, dopty Abat Aıymbetovke jetkizdi, al Abat bolsa, dopty qaqpaǵa kirgizdi. 

Osylaısha Qazaq jigitteri, álemdik juldyzdarmen kezdesýde, rýh jáne jiger kórsetip, jeńiske qol jetkizdi. Osy jeńis árıne bizdin fýtboldyn tarıhynda, esimizde uzaqqa saqtalady. Eýro-2024 irikteý kezenińde jaǵdaı osylaı jaqsara bergeniń qalap, ulttyq quramamyzǵa sáttilik tileıik.

---