Varıkoz dertinen qorǵaný
Mamandar varıkoz dertinen qorǵaný úshin talshyqty azyqtardy tutynýǵa keńes beredi. Osylaı tamyrlarǵa salmaq túsirip varıkoz qalyptasýyna sebep bolatyn ish qatýynyń aldy alynǵan bolmaq. Talshyqty azyqtar tamyr saýlyǵyna paıdaly. Balyq, jemis-jıdek, kókónistermen júıeli qorektený kerek. Sondaı-aq shıe, búldirgen, qarbyzdyń da tamyrǵa paıdasy orasan zor. Quramyndaǵy antıoksıdanttar arqyly kóktamyr oksıdant zattardyń zıandy áserine tótep beredi. Taǵy zimbir, pıaz, sarymsaqtyń da varıkoz emine aıtarlyqtaı paıdasy bar. Al sheker men tuz mólsheri joǵary keletin balmuzdaq sekildi táttiler men qýyryp daıyndalatyn azyqtardy, chıpsterdi kóp tutynbaǵan jón. Tuz mólsherin azaıtyp qorektený aıaqtaǵy isinýdiń azaıýyna yqpal etedi. Kóp sý ishý tamyrlardaǵy qan aınalymynyń jaqsarýyna yqpal etedi. Qan tamyrlaryn keńeıtip varıkozǵa sebep bolatyn spırtti ishimdikterden jáne qan qysymyna keri áser etetin temeki ataýlydan aýlaq bolǵan jón.
Tańerteń jáne keshke 20 mınýt jaıaý júrý aıaq saýlyǵy úshin óte mańyzdy. Lıftke minýdiń ornyna baspaldaqpen júrýge, velosıped qoldanýǵa tyrysyńyz. Otyrǵanda aıaqty aıqastyryp otyrý qan aınalymyna bóget bolatyndyqtan varıkoz sebepteriniń biri sanalady. Keshkisin aıaqtardy júrek deńgeıinen joǵary kóterip 20 mınýt jatý da paıdaly. Varıkoz mazasyzdyǵy barlardyń aıaqtaryn salqyn ustaýy, ystyq sýǵa salmaýy mańyzdy.
Hırýrg dáriger Meıirjan Erman
Oqýǵa keńes beremiz:
Varıkoz aýrýyn zamanaýı emdeý ádisteri
Bıik óksheli aıaqkıimniń zıany
Qan qysymyn qalaı kóterýge bolady: kómegi tıeri anyq 5 jyldam tásil
You Might Also Like
-
Burynǵy ótken zamanda qazaq jurtynyń bir Qaramergen degen kisisi bolypty. Óziniń dáýleti joq, jáne perzenti joq eken. Mergendikpen buǵy atyp múıizin, qulan atyp saýrysyn, ártúrli ań atyp, terisin s...
