InfoHub Logo

Aral qalasy, 220 orta mekteptiń
ınformatıka páni muǵalimi
Abıshov Qýanysh Qazızuly

Taqyryby: Visual Basic ortasynda test programmasyn ázirleý
Kirispe
Informatıka páni negizgi úsh baǵytta oqytylyp, bir – birimen tyǵyz baılanysta bolýy tıis. Olar:
- ınformatıka biliminiń negizin qalaıtyn teorıalyq baǵyt;
- teorıalyq bilim negizinde oqýshylarǵa qoldanbaly programmalardy qurastyrýdy úıretetin tehnologıalyq baǵyt;
- daıyn programmalarmen jumys jasaýdy úıretetin qoldanbaly baǵyt;
Oqýshylarǵa teorıalyq jáne tehnologıalyq bilim berý arqyly qoldanbaly programmalardy qurastyrýdy úıretý jetekshi rol atqarady.
Qazirgi kezdegi daıyn qoldanbaly programmalardyń oqýshyǵa ıgertý tek qana kompúterlik saýattylyq negizderin úıretýmen shekteledi. Kompúterlik eń aýqymdy shyǵarmashylyq potensıaldyń ınformatıka pánin teorıalyq jáne tehnologıalyq baǵyttarda oqytýda jatqanyn eskerýimiz qajet. Daıyn qoldanbaly programmalardyń barlyǵy da birdeı «Qos ta, jumys isteı ber» prınsıpimen jasalǵan, oqýshylardan kóp oılaýdy, eńbektenýdi talap etpeıdi.
Qazirgi kezde Windows – te jumys isteıtin qoldanbaly programmalar jasaýda Visual Basic tehnologıalyq tili keńinen qoldanylady. Windows – te jumys isteıtin qosymshalardyń qolaılyǵy – paıdalanýshy kompúterge komandalardy ekranda kózge kórinip turatyn batyrmalardy shertý arqyly berip, nátıje alady.

Visual Basic - kez - kelgen tıpti qosymshalardy jyldam daıyndaýǵa bolatyn qýatty kózkórim programmalaý júıeleriniń biri bolyp tabylady.
Usynyp otyrǵan Visual Basic ortasynda test programmasyn ázirleý kez – kelgen pánder boıynsha elektrondyq túrde oqýshydan test alýǵa múmkindik beredi. Test eki formada berilgen, ıaǵnı birinshi formada 1 suraq 4 jaýaptan turady, onyń biri durys jaýap bolyp qarastyrylǵan, ekinshi formada oqýshy berilgen suraqqa jaýapty pernetaqta arqyly engizedi. Test aıaqtalǵannan keıin oqýshy óz nátıjesin kompúter arqyly alady.

Test programmasyn ázirleý barysynda oqýshy Visual Basic ortasynyń komponentteriniń birneshe túrlerin jumys barysynda qoldana otyryp, programma tilderin, onyń jazylýyn, tústerdi, qaripterdi ózgertý, operatorlar, standartty fýnksıalar jáne arnaıy sımvoldardy, programmalaý negizderin ıgeredi. Sonymen qatar ózindik ıdeıasyn programmaǵa kiristirýge múmkindik alady.
Test tapsyrý barysynda oqýshy usynylǵan test formasynyń túsin ózgerte alady.
Tehnologıalyq baǵyttaǵy jumystar oqýshylardy nátıjege baǵyttaıdy jáne jańasha oılaı bilý qabiletterin damytady.

VISUAL BASIC ORTASYNDA TEST PROGRAMMASYN ÁZİRLEÝ
Maqsaty: oqýshylarǵa teorıalyq jáne tehnologıalyq bilim berý arqyly qoldanbaly programmalardy qurastyrýdy meńgertý.
Mindetteri:
♦ oqýshylarǵa aqparattandyrý quraldaryn, aqparattyq tehnologıalardy meńgertý;
♦ oqýshylarda ǵylymı dúnıetanymdyq negiz qalyptastyrý;
♦ oqýshylardyń oılaý qabiletin damytý;
♦ oqýshylardy ómirge, eńbekke jáne alǵan bilimderin ómirde qoldanýǵa daıarlaý.
Kútiletin nátıje:
- oqýshynyń shyǵarmashylyq qabiletteriniń artýy;
- qoldanbaly programma qurastyrýdaǵy oqýshynyń jumys nátıjesi;
- oqýshy aldyndaǵy maqsattylyq pen eńbektenýdegi talaptarynyń nyǵaıýy;

Kózkórim programmalaý.
Programma qurastyrý kompúter aldynda otyrýdan bastalmaıdy. Ol programmanyń formasyn, proektisin, qosymshalaryn syzbasyn syzyp, onyń elementteriniń ornalasýyn qurastyrýdan bastalady. Informatıkadan 30 – suraqtan turatyn test daıyndaý barysynda 32 formadan quralǵan joba ázirlendi.
• Forma 1 – de test tapsyrýshynyń tirkelý beti beriledi. Onda oqýshy óziniń aty – jónin, synybyn engizip, «testti bastaý» batyrmasyn basady.
• Forma 2, 3, 6, 7, 8, 9, 10, 11, 12, 13, 14, 16, 17, 18, 19, 23, 24, 25, 26, 27, 28, 29, 30, 31 – de suraq - 4 jaýaptan turatyn jáne onyń biri durys jaýap prınsıpimen jasalǵan.
• 4, 5, 15, 20, 21, 22 - shi formalar berilgen suraqqa jaýapty pernetaqta arqyly engizý prınsıpimen daıyndalǵan.
• 32 – shi forma oqýshynyń test nátıjesin berýge arnalǵan.