InfoHub Logo

Taqyryby: Word Pad mátindik redaktorymen tanysý
Sabaqtyń maqsaty:
1. Bilimdilik: Oqýshylardy Word Pad mátindik redaktorymen tanystyrý;
2. Damytýshylyq: Oqýshylarǵa tapsyrma berý arqyly qyzyǵýshylyqtaryn arttyrý, oı - óristerin keńeıtý;
3. Tárbıelik: Kompúterlik saýattylyqqa tárbıeleý, pánge qyzyǵýshylyǵyn arttyrý.

Kórnekilik: Interaktıvti taqta, kompúter, kartochkalar, kózge arnalǵan arnaıy baǵdarlama.
Sabaq tıpi: saıahat - sabaq

I. Uıymdastyrý kezeńi.
- Sálemetsińder me, balalar!
- Sabaqta búgin túgeli me?
- Sabaqqa daıynsyńdar ma?

II. Úı jumysyn tekserý.
Paint grafıkalyq redaktoryn qaıtalaý.

III. Jańa materıaldy túsindirý.
- Balalar, búgin bizde erekshe sabaq, Baǵdarlamalar men Redaktorlar eline saıahat - sabaǵy. Sender daıynsyńdar ma? Olaı bolsa, kettik!

Biz saıahatymyzdy (PÝSK) JİBERÝ basqarý pýnktinen bastaıyq (slaıd 2). Erekshe qalalar men elderden óteıik. Aldymen Baǵdarlamalar eline kelemiz, sodan úlken Standartty qaladan, sonan soń tek Word Pad qalasyna jetemiz. Osy qalamen jaqynyraq tanysa keteıik (slaıd 3). Sender kórip otyrǵandaı, osy qalanyń óziniń kósheleri, shaǵyn aýdandary, qalany basqarý batyrmalary, baǵdarsham jáne de málimet búrosy bar eken. Bizge Standartty kósheni jaqsylap qarastyrý kerek (slaıd 4). Balalar, senderdiń kóshelerińdegi úıler nómirlengen bolsa, osynda nómirdiń ornynda úılerdiń aty belgilengen. Ár úıdiń turǵyndary meıirimdi, kishipeıil, jaýapty. Eger de olarǵa qonaqqa kirseńder, olar senderdiń kez kelgen ótinishterińdi oryndap beredi. Mysaly, Qurý (Sozdat) úıdiń turǵyndary senderge jańa qujat quryp beredi, Ashý (Otkryt) úıiniń turǵyndary aldyn ala qurylǵan qujatty ashady, Saqtaý (Sohranıt) senderdiń qujattaryńdy saqtaıdy, Basyp shyǵarý (Pechat) daıyn faıldy qaǵazǵa basyp shyǵarady, Basylymdy qarap shyǵý (Predvarıtelnyı prosmotr) qujatty aldyn ala kórsetip beredi, Tabý (Naıtı) – joǵalǵan faıldy tez taýyp beredi, Býferge jiberý (Vyrezat), Býferge kóshirý (Kopırovat), Býferden qoıý (Vstavıt) ózara týystar, olar birige jumys isteıdi, Boldyrmaý (Otmenıt) – qatelerińdi boldyrmaıdy, al Kúni/ýaqyt (Data/vremá) úıine kirseńder, durys ýaqyt pen kúndi kórsetip beredi. Bizdiń saıahatymyzdy jalǵastyryp (slaıd 5), Formattaý kóshesimen tanysaıyq! Osy kósheniń turǵyndary azdaý, olardyń esimderi: Qarip (Shrıft), Qarip ólshemi (Razmer shrıfta), Qarip keskini (Nachertanıe shrıfta), Qalyń, Kýrsıv, Asty syzylǵan, Tús (Svet), Sol jaq, ortada, oń jaq sheti boıynsha ornalastyrý, Markerler. Balalar, ár eldiń óziniń Zańdary bar ekenin bilesińder me? Osy qalanyń óziniń Zańdary bar (slaıd 6). Aldymen eń negizgi zańdar: QURÝ, ASHÝ, SAQTAÝ. Jáne de erejeleri (slaıd 7). Balalar, eger de sender Word Pad qalasynyń turǵyndaryna syılastyqpen qarasańdar, qala Zańdaryn qatal saqtap, erejelerin buzbasańdar, sender Informatıka eliniń laıyqty azamaty bolasyńdar!
Rebýs (slaıd 8)
Sergitý sáti: Oqýshylarǵa kózge arnalǵan arnaıy baǵdarlama qosyp berý. (slaıd 9)

İV. Praktıkalyq jumys
- Endi kartochkalar boıynsha praktıkalyq jumys isteımiz. (slaıd 10)


1 - tapsyrma:
1. Óz aty - jónińdi ter.
2. Oǵan tús tańda, qarip ólshemi 20, joldyń ortasyna ornalastyr.
2 - tapsyrma:
1. Kelesi óleń shýmaǵyn ter.
2. Barlyǵy 14 ólshemdi áripter bolsyn, oǵan tús tańda.
3. Muǵalimge kórset.
Aq kógershin
Aq kógershin, kógershin,
Qolqanat qus sen ediń,
Bar, kezip qaıt El úshin,
Keń dúnıeniń kólemin

V. Bekitý kezeńi.
- Sabaqty bekitý úshin «Ne bildim, ne úırendim?» kezeńinde oqýshylarǵa arnaıy baǵdarlamada daıyndalǵan test tapsyrmasy beriledi. Testtiń qorytyndysyn baǵdarlama avtomatty túrde esepteıdi. (slaıd 11)
1. WordPad - qandaı redaktor?
1) Operasıalyq júıe
2) Grafıkalyq redaktor
3) Mátindik redaktor
2. WordPad redaktoryn qalaı iske qosamyz?
1) Pýsk -» Programmy -» Nastroıka -» WordPad
2) Pýsk -» Programmy -» Standartnye -» WordPad
3) Pýsk -» Programmy -» WordPad
3. WordPad baǵdarlamasy qaı túrge jatady?
1) Qoldanbaly
2) Júıelik
3) Standartty
4. Faıl, Pravka, Vıd, Vstavka, Format, Spravka...
1) Standartty panel
2) Menú joly
3) Qural taqtasy.
5. Boldyrmaý komandasy.
1) Pravka - Otmenıt
2) Pravka - Vstavıt
3) Pravka - Kopırovat
6. Eń birinshi saqtaý komandasy.
1) Faıl — Sohranıt.
2) Faıl — Sohranıt kak.
3) Faıl — Sohranıt kak veb - stranısý.
7. Terezeni búkteý quraly qalaı atalady?
1) Jımalaý
2) Jaımalaý
3) Jabý
8. Áripterdi bas árippen jazý pernesi.
1) Enter
2) Caps Look
3) Num Look
9. Aqparattyń eń kishi ólshem birligi qalaı atalady?
1) Kılobaıt
2) Baıt
3) Bıt
10. Terezeniń úlken bóligin bos keńistikti ne dep ataıdy?
1) Standartty taqtasy
2) Menú joly
3) Jumys alańy
- Jaraısyńdar!

VI. Úı tapsyrmasy
Word Pad redaktorynyń qural - saımandaryna rebýs, sózjumbaq qurastyrý.
VII. Baǵalaý.
Oqýshylardy baǵalaý.
VIII. Qorytyndylaý
– Sonymen búgingi saıahat - sabaǵy senderge unady ma? Nazarlaryńa rahmet! Saý bolyńdar!