InfoHub Logo

(Baýle ertegisi)

Este joq erte zamanda, Náme qudaı shartaraptaǵy adam, ań, jan-janýar bitkendi shaqyrtý úshin jumyr jerge elshilerin jumsaıdy.

Bári jan-jaqtan jıylǵan soń, ol bylaı dep jalpaq jahanǵa jar shashady:

— Aıtyńdar, qane! Jerde ne qalaısyńdar, árqaısyń? Ruqsat eteıin.

Sonda, aldymenen adam áńgimege aralasady:

— At basyn aýylǵa buryp, sonda egin eksem deımin.

— Al, biz ný ormanǵa ornyqsaq, — dedi ańdar.

 Tek hameleon ǵana tis jarmady.

— Sen ne suraısyń? — dedi Náme.

— Bylaı ǵoı, — dedi hameleon. — Tabanym tıgen orynnyń barlyǵy maǵan tıesili bolsa degen tilegim bar.

— Maqul, — dedi aıtqany ótip, atqany jetip turǵan Náme. — Onda, oıǵa alǵandaryń oryndalsyn.

Mine, sodan beri adamdar — aýylda, al ańdar — orman-toǵaıda tirshilik keship júr. Al, hameleon qaıda barsa da, sol mekenniń qyzyldy-jasyldy boıaýyna enip, óz úıindegideı alshań basyp, emin-erkin júretin kórinedi.         

 

*Náme (Náme, Náma) — aspan qudaıy, keıbir Batys Afrıka elderi arasyndaǵy basty táńir bop esepteledi.

Aýdarǵan: Qazaqstan Jazýshylar odaǵynyń múshesi, jazýshy-dramatýrg, ádebıettanýshy, synshy Álibek BAIBOL

---