InfoHub Logo

Álemde 113 memleket ózin zaıyrly el dep jarıalaǵan bolsa, sonyń biri – Qazaqstan. Konstıtýsıanyń 1-babynda QR ózin demokratıalyq, zaıyrly memleket retinde ornyqtyratyny kórinis tapqan. Sonymen birge Ata Zańymyz árbir adamnyń dinı senim bostandyǵyna kepildik beredi jáne konfesıalyq, etnıkalyq jáne basqa da belgileri boıynsha kemsitýshiliktiń kez kelgen túrine tyıym salady. Al jer betindegi 75 memlekette din respýblıkanyń resmı bóligi bolyp tabylady.

«Zaıyrly» uǵymy memlekettiń barlyq salalarynda, sonyń ishinde din salasynda da ashyq, aıqyn saıasat ustanatynyn, azamattardyń ar-ojdan bostandyǵyn qamtamasyz etetinin, dinniń memleket saıasatyna aralaspaıtynyn bildiredi. Iaǵnı zaıyrlylyq – dinsizdik nemese dindi teristeýshilik emes, ol – memlekettiń dinı emes, quqyqtyq qaǵıdattarmen basqarylýy.

Elbasymyz N.Nazarbaev: «Zaıyrly memleket pen qoǵam bul – bizdiń tarıhı tańdaýymyz. Zaıyrly ateısik degendi bildirmeıdi. Zaıyrly degenimiz bul – ozyq, tolerantty, ashyq qoǵam. Biz dástúrli dinderge qoldaý kórsetip, kez kelgen ekstremızm túrin úzildi-kesildi moıyndamaımyz» dep atap kórsetti

«Zaıyrly» sózi qazaq tiline «ashyq», «aıqyn», «syrtqy» degen maǵynalardy bildiretin arab tilindegi «zahırı» sózinen engen. «Zaıyrly» uǵymy latyn tilindegi «laicus» («laısızm»), «saecularis» («sekýlárızasıa») sózderimen úndesedi. «Saıasattyń dinnen oqshaýlanýy, onyń tabıǵı-tarıhı úrdiske aınalýy» degen maǵyna beredi.

Avtor 1 kýrs dintaný mamandyǵynyń stýdenti: Mahsýtova Amelıa

Jetekshi aǵa oqytýshy: Muqan Nýrzat

---