InfoHub Logo

Maqsaty: oqýshylardyń oılaý qabiletin damytý, shapshańdyqqa úıretý, matematıka pánine degen qyzyǵýshylyǵyn arttyrý, esep shyǵarý, logıkalyq esepterdi shyǵarýdy úıretý.
Ádisi: suraq - jaýap, esep shyǵarý.
Jospary: 1. «Báıge»
2. «7 jumbaq»
3. «Kókpar»
4. «Polıglot»
5. «Jorǵa»
6. Kóshbasshyny anyqtaý
7. Qorytyndy.

Júrgizýshi: Armysyzdar, ustazdar men oqýshylar! «HHİ ǵasyr kóshbasshysy» saıysyna qosh keldińizder!
Ǵylymdardyń patshasy atanǵansyń,
Evklıd, Pıfagordan bata alǵansyń.
Tózbeıtin ótirikke, jalǵandyqqa,
Jasyqtyqtan emessiń sen, qataldansyń.
Aqyl - oıdy tártipke keltiretin,
Naǵyz pán matematıka atanǵansyń, - deı kele ortaǵa oıynshylardy shaqyramyz.

1 - júrgizýshi. Bilim degen bıik shyń,
Baqytqa seni jetkizer.
Bilim degen aqylshyń,
Qıyndyqtan ótkizer, - dep «Báıge» jarysyn bastaımyz. Bul saıysta 30 suraqqa oıynshylar jaýap beredi, kóp upaı jınaǵany kelesi saıysqa qatysady.
2 - júrgizýshi. Bul jerge kelmeıdi eshkim ermek úshin,
Esep - qısap, san, sıfr termek úshin.
Kórsetip esepteýdiń jolyn qalaı,
Keldim, olardy aıtyp bermek úshin – dep endigi saıys «7 jumbaq». Munda esep beriledi. Oıynshylar arasynan upaı almaǵandary oıynnan shyǵarylady.
1 - júrgizýshi. Ushqyr oıda serik sheberlik,
Sóz kezegin oıynshyǵa berelik.
Aramyzda tapqyr bala kóp eken,
Olardy endi jarystyryp kórelik, - dep kelesi saıys «Kókpar» saıysy. Esepter shyǵarylady.
2 - júrgizýshi. Bilimniń basy – beınet, sońy - zeınet – dep kelesi «Polıglot». Munda maqal - mátel aıtylady. Jasyrylǵan sózdi taýyp, oryssha, aǵylshynsha aýdarylady. Jaýabyn tappaǵan oqsshy oıynnan shyǵady.
1 - júrgizýshi. Bilim aqqan sel deıdi,
Biraq ońaı kelmeıdi.
Ala bilseń bilim kóp,
Aqyl - oıǵa ken deıdi,- degen «Jorǵa» saıysyn bastaımyz. Oıynshynyń árqaısysyna 10 suraq, sol mezgilde jaýap berý kerek, utylǵany oıynnan shyǵady.
2 - júrgizýshi. Bilim oımen, arymyz,
Rýhanı nárimiz.
Saıyskerler sizderge,
Qol soǵamyz bárimiz – dep sońǵy saıys «Kóshbasshy».
(Plakatta jazylǵan suraqtarǵa «Mıllıon kimge buıyrady?» oıyny baǵyty boıynsha tapsyrmaǵa jaýap beredi. Sońǵy qalǵan oqýshy kóshbasshy bolyp esepteledi).

1 - júrgizýshi. Boılaryńda ot bar eken baıqadyq,
Júrekterde shoq bar eken baıqadyq.
Árqashan osy shoqty óshirmeı,
Jalyndatyp, sharyqtańdar árdaıym, - dep 11 synyp oqýshylaryna aq jol tileımiz. Qosh, saý bolyńyzdar!