InfoHub Logo

Ibn Sına óz kezinde danyshpan balger adam bolǵan eken. Onyń qolynan kelmeıtini joq eken. Qandaı aýrý adam bolsa da, óz qolymen jazyp emdepti. Kún, aılar, jyldar ótkende Ibn Sına qartaıǵan shaǵynda óziniń eń jaqyn shákirtin shaqyryp alyp, kishkentaı bir shaqsha beredi. Sosyn shákirtine:

— Men ólgennen keıin qalpymdy jasa, sodan keıin meniń denemdi órtep, kúlimdi qalypqa sal. Sóıtip myna shaqshanyń ishindegi suıyqtyqty murnyna quıyp jiber! — deıdi. Az kún ótkennen keıin Ibn Sına dúnıe salady. Shákirti qalyp jasap, onyń óligin jaqsylap órtep, qalypqa salady. Shaqshadaǵy suıyqtyqty alyp, murnyna quımas buryn oılaıdy: «Aldymen men munyń bárin quıyp jibermeıin. Birinshisi az ǵana ta
myzyp kóreıin. Ne bolar eken?» Sosyn shaqshadaǵy suıyqtyqty murnyna bir tamyzady. Sol ýaqytta «rıs» degen sóz shyǵa dy. «Rıs» — quı degen sózi eken. Shákirti: «Bul adamdy tiriltetin dári eken ǵoı. Men mynanyń qalǵanyn quımaı-aq qoıaıyn. Quısam ol tirilip ketedi de, onyń ataǵy barlyq jerge jaıylady. Dúnıede odan kúshti adam bolmaıdy», — dep suıyqtyqty quımaıdy. Sodan beri mundaı dárige eshkim de jolaǵan emes, jolaı da almaǵan. Sóıtip, dúnıede Ibn Sına ǵana ajalǵa arasha turypty degen ańyz bar.

 

---