InfoHub Logo

Hyperloop-ty jasaý ıdeıasy 2029 jylǵa qaraı Los Andjeles pen San-Fransıskony jalǵaıtyn jyldamdyǵy joǵary temir jol salý jónindegi úkimettik jobaǵa jaýap retinde paıda bolǵan. Jyldamdyǵy joǵary degenimiz - 200 mıllıon asatyn jyldamdyq. Úkimet jobasy 68,4 mlrd.dollarǵa baǵalanǵan bolatyn. 
 
Ilon Mask Hyperloop týraly alǵash ret 2012 jyly Santa-Monıkadaǵy PandoDaily is-sharasynda Sara Leısıge bergen suhbatynda aıtqan bolatyn. Kásipker, jańa kóliktiń ushaqtan eki ese jáne eń jyldam poıyzdan 3-4 ese jyldam bolyp, Los-Andjelesten San-Fransıskoǵa(561 shaqyrym) bar bolǵany 30 mınýtta jetýge bolady dep jarıalaǵan edi. Odan keıin Mask aty shýly málimdeme jasap, jobanyń California High-Speed  Rail atty úkimettik jobadan 10 ese arzan bolatynyn; kóliktiń eshqandaı apatqa túspeıtinin; joldyń tek kún energıasymen jumys isteıtinin; qatynaýshylar uzaq ýaqyt kútpeı metrodaǵydaı qatynaıtynyn aıtqan. Sóıtip 2013 jyldyń tamyz aıynda jobanyń 58 paraqtan turatyn "álfa-nusqasy" jarıalandy. 
 
Ilon Mask óz ıdeıasyn poıyz, ushaq, avtokólik jáne kemeden keıingi besinshi kólik túri retinde usyndy. Hyperloop tireýlerdiń ústinen ótetin jer ústi qubyr sekildi oılastyrylǵan. Al onyń ishinde jyldamdyǵy 480 men 1220 shaqyrym/saǵatpen qozǵalatyn kapsýlalar bolady. Kapsýlanyń uzyndyǵy shamamen 25-30 metr jáne qatynaý aralyǵy 30 sekýnd. Hyperloop jobasy júzege asatyn bolsa, adam jáne júk tasymaly salasynda úlken tóńkeris bolmaq. 

Ataqty ınjener, ári kásipker Ilon Mask búginde balamasy joq kólikke aınalýy múmkin Hyperloop týraly óz ıdeıasyn jetkizgende, ıdeıaǵa kúmánmen qaraǵan adamdar az bolmady. Kalıfornıadaǵy jer quny men qysqa ýaqyt aralyǵynda saǵatyna 700 mıl jyldamdyqpen qozǵalýdyń adamǵa áseri sekildi kóptegen suraqtar týyndady. Osyǵan qaramastan joba avtory men onyń komandasy óz ıdeıalaryn júzege asyrýǵa meılinshe kúsh salyp keledi. Osyǵan baılanysty taǵy bir oryndy suraq týyndaıdy- eger Hyperloop shynymen iske qosylsa, onyń áýe ındýstrıasyna áseri qandaı bolmaq? Óıtkeni óz ıdeıasyn usynǵan kezde Ilon Mask Hyperloop kóligi Maglev poıyzynan da, áýe ushaqtarynan da jyldam qatynas quraly bolmaq. 

İs júzinde Hyperloop-tyń áýe laınerlerimen básekelesýi onyń baǵasy men jol júrý ýaqytyna baılanysty. Óz kezeginde baǵa kólikke jumsalatyn energıaǵa baılanysty. Hyperloop-tyń testtik nusqasy sátti oryndalǵanymen, Ilon Mask pen onyń ıdeıalastary oılaǵan nátıjeniń bárine qol jetkizilmedi. Hyperloop-tyń jumys isteý úshin qansha energıa qajet ekeni áli belgisiz, degenmen bul óte mańyzdy másele. Ázirge belgili bolǵany - Hyperloop qubyrlarynyń ústinde Kún energıasyn jınaıtyn panelder ornatylady.               
 
Kıno&medıa mamandyǵynyń 1 kýrs stýdenti 

Baqbergen Nuraı       

Jetekshisi: aǵa oqytýshy, kýrator N.B.Rýshanova 

---