InfoHub Logo

Birikken ulttar uıymynyń sheshimimen «HHİ ǵasyr – aqparattandyrý ǵasyry» dep atalady. Qazaqstan Respýblıkasy ǵylymı - tehnıkalyq progrestiń negizgi belgisi – qoǵamdy aqparattandyrýǵa bolatyn jańa kezeńge endi. Qoǵam muǵalimnen joǵary bilimdi, sapaly maman bolýymen qatar jan-jaqty, qoǵam jaǵdaıynda ómirge tolyqqandy adam tárbıeleýdi talap etedi. Ár muǵalim zaman talabyna saı bilim berýde shyǵarmashylyqpen aınalysyp, oqý-tárbıe prosesinde jańa tehnologıany sheber qoldanǵanda ǵana bilimi men biligi joǵary jetekshi tulǵa tárbıelep shyǵa alady.

Jalpy ınformatıka páni oqýshylardyń qorshaǵan álem týraly bilimin logıkalyq faktormen baılanystyrý, oqýshynyń logıkalyq oılaý qabiletterin damytý múmkindikterin ashady. Informatıka sabaǵynda oqýshylardyń pánge degen qyzyǵýshylyǵyn arttyrý maqsatynda oıyn elementterin durys paıdalaný oqýshylardyń oı - órisin keńeıtedi jáne tanymdyq belsendiligin arttyrady. Biraq oıyndy oqý prosesine únemi paıdalaný jáne uzaq ýaqyt alatyndaı etip sozýǵa bolmaıdy.

Ujymdyq oıyndar oqýshylardyń ujymmen qarym – qatynasyn jetildirip, uıymshyldyqqa tárbıeleý maqsatyn kózdeıdi. Oıyn barysyndaǵy oqýshylardyń áreketi dostyq, joldastyq, ózara túsiniktik qatynastardy qalyptastyrýǵa áser etedi. Sonymen qatar sabaqta oıyn elementterin qoldaný ári bilimdilik, ári tárbıelik maqsattarymen ushtastyrylady. Sabaq josparyn oılastyrǵan kezde, basqa áreketter sıaqty sabaqtaǵy oıyn áreketi de belgili bir maqsatqa negizdelip, oqýshylar onyń qajettigin sezinýleri kerek. Ol úshin muǵalim oqýshylardyń psıhologıalyq erekshelikterin eskerip, oıynnyń maqsaty, mindeti, mazmuny men júrisin anyqtap alýy qajet. Oqý oıyndarynyń mazmuny qyzyqty, balalardy tartatyndaı bolýy jáne árbir oıyn áreketi oqýshylar úshin qundy, belgili bir qorytyndy alýmen bitýi qajet.

Tapsyrmalardy oryndaý kezinde balalardyń qyzyǵýshylyǵy joǵary, belsendi bolady. Tájirıbe kórsetkendeı ádettegi birsaryndy sabaqta úndemeı otyratyn oqýshylar oıyn kezinde óte belsendi bolatyn kezder jıi kezdesedi. Olardyń áreketteri erkin jáne batyl bolyp, oılaýdyń tereńdigin kórsete bastaıdy. Oıyn elementterin sabaqta durys paıdalaný nátıjesi oqýshylardyń:

- Óz betimen oqýǵa daǵdylanady.
- Shyǵarmashylyq izdeniske jeteleıdi.
- Óz isine degen senim paıda bolady.
- Ár nársege syn kózben qaraýǵa úırenedi.
- Salystyrýǵa, qorytyndy jasaýǵa úırenedi.
- Shyǵarmashylyq belsendilik artady.

Sabaqta qandaı oıyndardy paıdalaný tıisti nátıje beredi?
Rebýs, sózjumbaq qurý – ınformatıkalyq termınderdi tez este saqtaý maqsatynda.
Shyǵarmashylyq jumystar – praktıkalyq jumys kezinde balalardyń qıalyn damytý maqsatynda ózindik tapsyrmalar men taqyryptyq tapsyrmalardy oryndaý.
«Kim jyldam?» - mátindi tez terý jyldamdyǵyn anyqtaý.

Qoryta kelgende, sabaq barysynda qoldanǵan oıyn túrindegi qosymsha tapsyrmalar oqýshynyń :
Aqparattyq quzyrettilik - óziniń oqý qyzmetin josparlaý jáne júzege asyrý úshin aqparatty qoldanýǵa, logıkalyq operasıalardy qoldana otyryp, aqparatty óńdeýge, óz betinshe maqsat qoıýǵa jáne ony negizdeýge, maqsatqa jetý úshin tanymdyq qyzmetti josparlaýǵa jáne júzege asyrýǵa;
Kommýnıkatıvtik quzyrettilik - ózindik pikirin bildirýge, túrli kózqaras jáne ártúrli baǵyttaǵy adamdarmen suhbat júrgize bilý
Pándik quzyrettilik - maqsatqa jetýde alǵan bilim, biliktigi men ómirlik tájirıbesin baılanystyrý qabiletiniń qalyptasýyna yqpal etedi.

Informatıkany oqytýda oıyndardy ádistemelik turǵydan durys paıdalanǵan jón. Mysaly, eger sabaqtyń alǵashqy 25 mınýty sabaqqa, qalǵan 20 mınýty oıynǵa arnalsa, onda oqýshylardyń sabaqqa degen yntasy birden tómendeıdi.