InfoHub Logo

Saran qalasy, OJBB №4 mektep
mektepaldy daıarlyq tobynyń jetekshisi
Shaımurat Dámesh

Taqyryby: Ázilhan mektepke barady.
Maqsaty: Balalarǵa áńgimeni yqylasymen tyńdaýǵa baýlý, oqylǵan áńgimeni durys túsinýge, oılaryn tıanaqtaý, baılanystyryp, sózdik qoryn baıytý, sóıleýge daǵdylandyrý. Ádeptilikke tárbıeleý.
Kórnekilikter: sýretter.
Ádis-tásilderi: suraq - jaýap, áńgimeleý.
Tárbıe jumysynyń barysy.
Uıymdastyrý kezeńi.
- Sálemetsińder me balalar?
- (Balalar jaýaby) Sálemetpiz.
- Qazir bizde kórkem ádebıet sabaǵy. Sabaqqa qajetti qural – jabdyqtardy alyp oqýshy erejege saı otyramyz.

Ótkendi qaıtalaý
- Abaı atamyzdyń «Kúz» óleńin suraý.
Psıhologıalyq sát.
- Balalar kún nuryna qaraı qol sozyp, alaqanymyzdy jaıyp, tómendegi sózderdi menimen qaıtalańdar.
Qýan, shattan, alaqaı,
Qýanatyn kún keldi!
Kúlip shyqty kún búgin
Qaıyrly tań!
Qaıyrly kún!
Sálemetsińder me, dep bir - birimen, muǵalimmen amandasady.

Sabaqtyń taqyrybymen tanystyrý.
Áńgimeni oqyp berý
Ázilhan mektepke barady.
Ázilhan mektepke barady. Sonda da maıkesin birde oń, birde teris kıedi. Ájesi ylǵı oń kı dep eskertedi.
- Teris baqqan degen ne?
- Jolyń bolmaıdy.
- Joly bolmaǵany qalaı?
- Mysaly bireýmen tóbelesip qalsyń, súrinip qulaısyń nemese sabaqtan ekilik alasyń.
- Túsindim, - dedi Ázilhan
- Túsinseń maıkeńdi oń kı.
Ázilhan taza kıinip, tamaǵyn ishken soń, mektepke ketti. Sabaqtan soń qaıtyp kele jatty. Buryshtaǵy kók qaqpaly úıden shynjyryn súıretken sabalaq sary ala kúshik shyǵa keldi. Ázilhan tura qashty. Kúshik sháýildep qýa jóneldi. Ázilhan aryqtan attaı berip, qulap tústi. Sýmkasy uzaqqa ushyp ketti. Kitaby da shashylyp qaldy. Bir apaı kelip, ornynan turǵyzdy. Kitabyn jınasyp, ústin qaqty. Ázilhan úıge boda-boda bolyp jylap keledi.
- «Ne boldy?» – dedi ájesi.
- «Jolym bolmady».
- «Jolyń bolmaǵany nesi, bireý urdy ma?»
- «Joq»- dep Ázilhan bolǵan jaıtty aıtty.
- «Qap, qarań qalǵyr kúshigi – aı. Neǵyp bos qoıdy eken?» – dedi ájesi sheshindirip jatyp.
- «Joq odan emes, maıkemdi teris kıgen shyǵarmyn» - dedi ol.
Ájesi óz sózin eske alyp jymıyp qoıdy. «Qaraǵym zerek bolady eken,» - dedi ishteı qýanyp.
Suraq – jaýap.
"Ázilhan mektepke barady".
- Búl áńgimede ne týraly aıtylǵan?
- Al senderge áńgime unady ma?
- Ázilhan durys istedi me?
- Nelikten ol maıkisin teris kıedi?
- Ázilhan nege qashty, nege jylady?
- Nelikten Ázilhannyń joly bolmady?

Sergitý sáti.
Iilemiz onǵa bir,
Iilemiz solǵa bir.
Tárbıeshi qaraıdy,
Aıaqqa bir qolǵa bir.
Balalardan áńgimeniń mazmunyn suraý.
Qorytyndylaý.

Qane jumbaq shesheıik
1) Juqa taqtaı bólshegi,
Uzyndyqtyń ólshemi. «Syzǵysh»
2) Oqý, bilim azaby,
Qoımasynyń bas qaby.
Bólmesi de birnesheý,
Tıegi bar ashpaly. «Sómke»
3) Ózi sóıleı bilmeıdi,
Salǵan izi sóıleıdi. «Qalam»
4) Tórt qyrly, ózi appaq,
Taqtadaǵy izi appaq «Bor»
5) Ústinde esigi,
Ózi oryndyq, ári ústel,
Oqýshylar besigi. «Parta»
6) İlýli tur keń alań,
Keregimdi men odan.
Jazyp alam kóshirip,
Súrtem sosyn óshirip. «Taqta»
Sabaqqa erekshe qatysqan balalardy baǵalaý.