InfoHub Logo

Ermekkalıeva Gúljan Nurbolatqyzy
BQO Jańaqala aýdany Jańaqala JOBBM-niń bıologıa páni muǵalimi

«Ustaz bolý – júrektiń batyrlyǵy, Ustaz bolý – sezimniń aqyndyǵy, Ustaz bolý – minezdiń kún shýaǵy, Azbaıtuǵyn adamnyń altyndyǵy» dep aqyn Ǵafý Qaıyrbekov jyrlaǵandaı, muǵalimdik qyzmettiń qadiri qanshalyqty joǵary bolsa, jaýapkershiligi de sonshalyqty zor.

Búginde zaman aǵysy, ómir baǵytyna ózgerister enýde. Qaı salaǵa da jańashyldyqtar enip, adamdardyń suranysy basqasha sıpat alyp jatyr. Pedagogıka áleminde de tereń izdenis talap etilip, jańa urpaqqa zamanaýı bilim berý qajettiligi týyndady. Endeshe, XXI ǵasyrdamuǵalimniń bet-beınesi qandaı bolý kerek?!

Zamanaýı muǵalim – shyǵarmashylyq qabiletterdi shyńdaýǵa jaǵdaı jasaı alatyn, oqýshylardyń bilimdi qabyldaýǵa degen qushtarlyǵyn damyta alatyn, óz betinshe oılaýǵa úıretetin, materıaldy oqytý barysynda óz betinshe suraqtar qurastyra alatyn, óz bilimin tolyq iske asyra alatyn adam. Sonymen qatar oqýshylardyń pánderdi oqýǵa degen yntasyn arttyryp, olardyń jeke beıimdiligi men talantyn kótermeleıtin tulǵa.

Bárimiz biletindeı, HHİ ǵasyr – aqparattyq tehnologıa men ǵylymnyń damyǵan zamany. Bilim berý salasynda ınteraktıvti tehnıka jáne tehnologıalardy paıdalaný arqyly bilimniń sapasyn arttyrý, bilim berý úrdisinde tıimdi ádis-tásilderdi izdestirý jáne olardy qoldaný  qazirgi zaman muǵalimderine qoıylatyn basty talaptardyń birine aınaldy. Ár adamnan, ásirese muǵalimnen ámbebep bolýdy talap etetin qazirgi ýaqytta túrli oqytý quraldary, ǵalamtor jelisinde kóptegenplatformalar, saıttar men quraldar paıda boldy.

Memleket basshysy Qasym-Jomart Toqaevtyń «Oqýlyqtardy sıfrlyq formatqa kóshirý jáne oqýshy sómkesin jeńildetý» jónindegi tapsyrmasyn júzege asyrý maqsatynda túrli veb-platformalar óz paıdasyn  tıgizýde. Máselen, «TorIQ – sıfrlyq oqýlyqtar» platformasy – oqýshylar, muǵalimder jáne ata-analar úshin de paıdaly aqparat kózderi ornalastyrylǵan, mektep qabyrǵalarynda oqytylatyn oqýlyqtardyń elektrondyq kitaphanasy bolyp tabylatyn otandyq alǵashqy platforma. Bul bilim berý keńistigi tek elektrondy oqýlyqtar kitaphanasy emes, sonymen qatar ınteraktıvti tapsyrmalary bar mýltımedıalyq oqý quraly retinde belgili. Men ne úshin TorIQ-ge toqtaldym? Sebebi muǵalimder men oqýshylar úshin de
•    yńǵaıly;
•    sapaly;
•    árdaıym birge;
•    qoljetimdi;
•    jańashyl;    
•    eń bastysy – otandyq ónim!

Tintýir batyrmasy arqyly shákirtterińdi tapsyrmalarmen qamtyp, qosymsha aqparattardy tirkeı alasyń. Interaktıvti tapsyrmalar men anımasıalyq materıaldar bar. Úı tapsyrmalaryn tekserý, baǵalaý jáne komentarı berý múmkindigi de unaıdy. Al oqýshy úshin tipten tıimdi. Aýyr kitaptardy arqalaǵan sómkeden qutqaryp, densaýlyǵyn saqtaıdy, telefon men noýtbýkti janyna serik etken olardyń oqýǵa qyzyǵýshylyǵyn arttyrady.

TorIQ-di qoldana otyryp, oqýshylarymmen únemi tyǵyz baılanystamyn. Zaman talabyna saı, úıden shyqpaı-aq ǵalamtor jelisin qoldaný arqyly olarǵa jeke tapsyrmalar, toptyq jumystardy beremin. Bul platformanyń eń tıimdi tusy – oqýshylar tapsyrmalardy kez kelgen ýaqytta, kez kelgen jerde, óz smartfondary arqyly oryndaı alady, sondaı-aq bilimderin pysyqtap otyrady. Ár pánniń oqýlyǵynda ótken taqyryptardy qaıtalaý maqsatynda túrli deńgeıdegi tapsyrmalar jıyntyǵy ornalastyrylǵan. TorIQ-diń yńǵaılylyǵy sol, óz bilimińdi tekserý negizinde tapsyrmalardyń durys jaýaptary qatar usynylady.

Men jas maman bolǵandyqtan únemi shyǵarmashylyq izdenis ústinde júremin. Elektrondy dúnıelerdiń syılaıtyn múmkindigin baǵalaımyn. Jalpy elektrondy oqýlyqtar óte jeńil, smartfon nemese planshette jınaqtalýmen qundy. Sonymen birge oqý keńistigin úlkeıtip, kóptegen aýdıo men beınejazbalarmen qamtamasyz ete alady. Bastysy, oqýshymen tez ári ońaı baılanys ornatyp, tapsyrmalardy oryndaý men oqý materıalyn jemisti meńgerýge múmkindik beredi.

TorIQ platformasyn qoldanyp bastaǵan soń, oqýshylarymnan oń nátıjeler baıqadym. Sabaq beretin synyptarym úı tapsyrmalaryn oryndaýǵa erekshe qulshynysyn bildiredi, atalǵan platformamen jumys istegendi jany súıedi. Tipti sabaqqa belsendiligi tómen balalardyń tapsyrmalardy oryndaı bastaǵanyn baıqadym. Buryn shákirtterimniń jumystaryn tekserý men baǵalaýǵa birneshe saǵattar jumsaıtynmyn, al qazirgi tańda biraz isimdi bir júıege keltirip, ýaqytym men energıamdy únemdeıtin boldym.

Sıfrlyq platforma usynatyn jańalyqtardyń biri – kitapty syıǵa tartý. TorIQ-detanym kókjıegin keńeıtýge baǵyttalǵan kitap syıǵa tartý prosesi qarastyrylǵan. Bir ǵana emes, «Almatykitap» baspasynyń barlyq kitabyn oqýǵa jáne kitaphananyń ózin jaqyn adamyńyzǵa tartý etýge múmkindik beredi.

Aıta keter jaıt, ata-ana bul bilim berý keńistigi arqyly óz perzentiniń oqýdaǵy qıyndyqtaryn aıqyn kóre alady. Bilim alý úderisin baqylap, balalaryna qandaı kómek bere alatynyn anyq túsinedi. Demek, bul – ata-ana úshin balasynyń bilim jetistikterin qadaǵalaýǵa mol múmkindik.
Internet dáýirinde dúnıege kelgen balalardyń bilimdi qabyldaý men qorytýy ózgeshe. Jas mamandarda jan-jaqtylyq pen sıarlyq dúnıelerge talpynys zor. Sol sebepti básekege qabiletti bilim jolynda barlyq áriptesterime, ata-analar men oqýshylarǵa TorIQ platformasyn paıdalanýdy usynamyn.

«Mekteptiń jany – muǵalim. Muǵalim qandaı bolsa, mektep sondaı bolmaqshy. Iaǵnı, muǵalim bilimdi bolsa, ol mektepten balalar kóbirek bilim alyp shyqpaqshy. Solaı bolǵan soń, eń áýeli mektepke keregi – bilimdi, pedagogıka, metodıkadan habardar, jaqsy oqyta biletin muǵalim» degen eken ult ustazy Ahmet Baıtursynuly. Ustaz boıynan ilimge mahabbat, shákirtke qamqorlyqpen qatar tynymsyz izdenis pen jańashyldyqqa umtylys bolýy tıis dep esepteımin.

---