1 قاڭتاردان باستاپ مۇعالىمدەر مەن تاربيەشىلەردىڭ جالاقىسى 25% ءوستى
2023 جىلعى 1 قاڭتاردان باستاپ بالاباقشا تاربيەشىلەرى، مەكتەپ جانە كوللەدج مۇعالىمدەرىنىڭ جالاقىسى 25% ءوستى.
مەملەكەت باسشىسىنىڭ تاپسىرماسى بويىنشا 2020 جىلعى قاڭتاردان باستاپ مۇعالىمدەردىڭ جالاقىسى جىل سايىن 25% كوتەرىلىپ كەلەدى.
وسىلايشا، مۇعالىمدەردىڭ جالاقىسى قازىرگى ۋاقىتتا ەكى ەسە ارتتى.
«ەل پرەزيدەنتىنىڭ قولداۋى ارقاسىندا مۇعالىمدەردىڭ جالاقىسى جىل سايىن ءوسىپ كەلەدى. سونىمەن قاتار ولاردىڭ جالاقىسىنا قوسىمشا تولەمدەر بەلگىلەندى. بۇل - بىلىكتىلىك ساناتى، ماگيستر دارەجەسى، پاندەردى اعىلشىن تىلىندە جۇرگىزۋ، داپتەر تەكسەرۋ، سىنىپ جەتەكشىلىگى، جاڭارتىلعان مازمۇنداعى جۇمىس جانە تالىمگەرلىك ءۇشىن قوسىمشا تولەمدەر. مۇعالىمدەردىڭ جالاقىسىن كوتەرۋ ءوز ناتيجەسىن بەرىپ جاتىر. پەداگوگ ماماندىعىنا ۋنيۆەرسيتەتتىڭ ۇزدىك تۇلەكتەرى مەن «التىن بەلگى» يەگەرلەرى كەلە باستادى. بۇل بولاشاقتا بالالاردىڭ وقۋىنا وڭ اسەرىن تيگىزەدى»، - دەدى ق ر وقۋ-اعارتۋ ءمينيسترى عاني بەيسەمبايەۆ.
You Might Also Like
-
مەديسينا جوعارى وقۋ ورىندارى ستۋدەنتتەرىنىڭ شاكىرتاقىسى 20 % كوبەيەدى، دەپ حابارلادى ق ر دەنساۋلىق ساقتاۋ مينيسترلىگىنىڭ عىلىم جانە ادامي رەسۋرستار دەپارتامەنتى.
-
ويىم قالىپ ورتاسىندا كوكپاردىڭ، سۇراق بەرىپ سىر تارتۋعا وقتالدىم. "نەگە تۇرمىس قۇرماي ءجۇرسىڭ؟" - دەپ ەدىم، "ءبىر جىگىتكە-ون قىزدان عوي" - دەپ قالدىڭ. ۇيلەنۋ مە-ول جارىڭدى ۇعا...
