1 قىركۇيەكتە 6 جاسقا تولماعان بالالار مەكتەپكە بارا الادى
0-سىنىپتى وقىتۋدىڭ ءمانى مەن ماقساتى - بالاباقشالارداعى دايارلىق توپتارىنا ءبىرىڭعاي باعدارلامالار مەن وقۋلىقتاردى ەنگىزۋ. بۇل تۋرالى ق ر ءبىلىم جانە عىلىم مينيسترلىگىنىڭ باسپا ءسوز قىزمەتى ءمالىم ەتتى.
ق ر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم دەپارتامەنتىنىڭ حابارلاۋىنشا، مەكتەپالدى دايارلىق سىنىبىن (0-سىنىپ) ەنگىزۋدىڭ ءمانى وتە قاراپايىم. باستى ماقسات - بالالاردى ءبىرىنشى سىنىپقا ءبىرىڭعاي باعدارلاما بويىنشا دايىنداۋ. ونىڭ ىشىندە ءبىرىنشى سىنىپ باعدارلاماسىنىڭ ءبىر بولىگىنىڭ (ساندار مەن ءالىپبي) 0-سىنىپ باعدارلاماسىنا اۋىسۋى، سونداي-اق تاربيەشىلەردىڭ دارەجەسىن باستاۋىش سىنىپ مۇعالىمدەرىنىڭ دارەجەسىنە دەيىن جەتكىزۋ. 0-سىنىپ ءۇشىن ءبىرىڭعاي باعدارلاما مەن وقۋلىقتاردى ەنگىزۋ 2020 وقۋ جىلىنىڭ قىركۇيەگىنە جوسپارلانىپ وتىر.
اتاپ ايتقاندا، بۇگىندە 0-سىنىپ - بالاباقشاداعى دايارلىق توبى.
«ەگەر دە مەكتەپتىڭ ءوز عيماراتىندا 0ء-شى سىنىپ ۇيىمداستىرۋعا مۇمكىندىگى بولسا، وعان تولىقتاي قۇقىعى بار. 0-سىنىپتى ەنگىزۋ قۇقىعىنان بالاباقشالاردى ەشكىم ايىرعان جوق. وسىلايشا، 2020 جىلى ەلىمىز بويىنشا بارلىق مەكتەپتەر مەن بالاباقشالاردا 0-سىنىپتار اشىلادى. الايدا قولدانىستاعى ءبىلىم تۋرالى زاڭنامادا بالالاردى 6 جاستان 1-سىنىپقا بارۋعا مىندەتتەيتىن نورما بار. زاڭنىڭ اتالمىش نورماسىنا وزگەرىس ەنگىزىلەدى»، - دەلىنگەن مينيسترلىك حابارلاماسىندا.
2019 جىلى، ياعني بىلتىرعىداي 1 قىركۇيەكتە تولىق 6 جاسقا تولاتىن بالالار 1-سىنىپقا بارا الادى. 1 قىركۇيەككە دەيىن 6 جاسقا تولماعان بالالار اتا-انانىڭ قالاۋىمەن مەكتەپكە بارا الادى نەمەسە بالاباقشادا قالۋىنا بولادى. 7 جاسار بالالار دا ءبىرىنشى سىنىپقا قابىلدانادى. «ەگەر دە بالا مەكتەپالدى دايارلىق سىنىبىنىڭ باعدارلاماسىن بالاباقشادا مەڭگەرسە، مەكتەپتە ونى قايتا وقي المايتىندىعىن جانە 1-سىنىپقا بارۋى كەرەكتىگىن ەسكەرۋىمىز قاجەت»،- دەيدى مينيسترلىك وكىلدەرى.
You Might Also Like
-
ماتەماتيكادا كەرەمەت جاڭالىقتار اشىپ، الەمدىك عىلىمعا «الگوريتم»، «الگەبرا» ۇعىمدارىن سىيلاعان ارال تەڭىزى ماڭىندا دۇنيەگە كەلگەن ءال حورەزميدەن مىناداي ناقىل ءسوز قالعان كورى...
