InfoHub Logo

قۇراستىرعان: ارىنوۆا گۇلبانۋ سەرىك قىزى - باستاۋىش سىنىپ ءمۇعالىمى

بۇل ادىستەمەلىك قۇرال جالپى ورتا ءبىلىم بەرەتىن 1 سىنىپتارىندا وتەتىن مەكتەپ كومپونەنتىنەن الىنعان ۇيىرمەگە ارنالىپ جازىلعان. كۇنتىزبەلىك - تاقىرىپتىق جوسپار وقۋشىلاردىڭ انا ءتىلى ءپانى بويىنشا بىلىمدەرىن كەڭەيتۋدى كوزدەيدى.
ءار سىنىپقا اپتاسىنا 1 ساعات دەپ ەسەپتەلىپ، جىلىنا 34 ساعات قۇرىلعان (بۇل ساعات مەكتەپ كومپونەنتىنەن الىنعان)
«شەشەندىك سوزدەر» كۋرسى نەگىزىندە وقۋلىق بولماعاندىقتان باعدارلاما بويىنشا كۇنتىزبە جاساپ، وقۋشىلاردىڭ جاس ەرەكشەلىگىنە لايىقتاپ جاساۋعا تىرىستىم. سەبەبى، ادامزات تاريحىنىڭ ءتۇرلى كەزەڭدەرىندە ءار ولكە، ءار ەلدە ءومىر سۇرگەن اتاقتى ءبىلىمپاز، اقىلگوي دانالار ايتىپ، جازىپ قالدىرعان، ۋاقىت ەلەگىنەن ءوتىپ، ۇرپاقتار زەردەسىنە ۇيالاعان ۇلاعاتتى ناقىلدار، شەشەندىك سوزدەر، ماقال - ماتەلدەر بالانىڭ ءتىل ورامدارىن ارتتىرۋعا، ومىرگە كوزقاراسىن قالىپتاستىرۋعا، وي - ءورىسىن كەڭەيتۋگە، سوزدىك قورىن بايىتۋعا وتە قاجەت. بۇل باعدارلامادا وقۋشىلاردىڭ شىعارماشىلىقپەن اينالىسۋعا مۇمكىندىگى بار.
ادىستەمەلىك قۇرال باستاۋىش سىنىپ مۇعالىمدەرىنە ارنالعان جانە كۇنتىزبەلىك جوسپار ۇسىنىلعان.

العى ءسوز
«ونەر الدى - قىزىل ءتىل» (حالىق ماقالى)

قۇراستىرىلعان ادىستەمەلىك جيناق وقۋ - تاربيە ۇردىسىندە قازىرگى كەزدە وقىتۋ ءىسىنىڭ جەمىستى بولۋىنا قاجەتتى جاعدايلاردىڭ ءبىرى - وقۋشىلاردىڭ وي - ءورىسىن، ءتىل ورامدىعىن كەڭەيتۋ، ارتتىرۋ.
وقۋشىلاردىڭ وزدىگىنەن شىعارماشىلىقپەن اينالىسۋعا، ساحنالىق قويىلىمدار قويۋعا مۇمكىندىكتەرى بار. بۇل باعدارلاما بويىنشا ءوز بەتىمشە كۇنتىزبەلىك جوسپار جاساپ، وقۋشىلاردىڭ جاس ەرەكشەلىگىنە قاراپ قۇراستىردىم.
ىزدەنىس بارىسىندا وقىرمانعا تۇسىنىكتى بولۋ ءۇشىن «شەشەندىك سوزدەر» كۋرسى تاقىرىبى مەن مازمۇنىن، شىعارماشىلىقپەن جۇمىس ىستەۋىن تومەندەگىدەي 4 تاراۋعا ءبولدىم.
1. كىرىسپە ءبولىم. حالىق دانالىعى. شەشەندىك سوزدەر جايلى قىسقاشا تۇسىنىك. شەشەندىك ونەردىڭ قالىپتاسىپ دامۋى.
2. نەگىزگى ءبولىم. شەشەندىك سوزدەردىڭ تۇرلەرى. شەشەندىك سىن. شەشەندىك تولعاۋ. شەشەندىك سوزدەردىڭ قۇرىلىسىنداعى كەيبىر ەرەكشەلىكتەر.
3. شەشەندىك ونەر. شەشەندىك ءداستۇر. شەشەندىك مەكتەپ.
4. قورىتىندى ءبولىم. شەشەندىك سوزدەردىڭ ءتىل شەبەرلىگى.
اتالعان ءتورت ءبولىم بويىنشا قامتىلماعان كەيبىر تاقىرىپتاردى ءار ءمۇعالىم وقۋشىنىڭ وي - ءورىسىنىڭ دەڭگەيىنە، جۇيەسىنە قاراي تۇيىندەپ قۇرۋىنا بولادى.