150 ۇستاز «جوعارى وقۋ ورنىنىڭ ۇزدىك وقىتۋشىسى» اتاعىن يەلەندى
جوو ۇزدىك وقىتۋشىسى – 2020» بايقاۋىنىڭ جەڭىمپازدارى ماراپاتتالدى.
ەلىمىزدىڭ 46 جوعارى وقۋ ورنىنان 150 ادام «جوعارى وقۋ ورنىنىڭ ۇزدىك وقىتۋشىسى» اتاعىنا يە بولدى. ولاردىڭ ءارقايسىسى 5 834 000 تەڭگە (2000 اەك) كولەمىندە گرانت جەڭىپ الدى.
ۇمىتكەرلەردى ىرىكتەۋ جانە قۇجاتتاردى تەكسەرۋ ءراسىمى العاش رەت اقپاراتتىق جۇيەنىڭ كومەگىمەن ونلاين فورماتتا وتكىزىلدى. بايقاۋعا قاتىسۋشىلاردىڭ قىزمەتى وقىتۋ ساپاسى مەن عىلىمي-زەرتتەۋ جەتىستىكتەرى بويىنشا باعالاندى. بايقاۋ ناتيجەلەرى مينيسترلىكتىڭ سايتىنا ورنالاستىرىلدى.
رەسپۋبليكالىق ساراپشىلار توبى ءاربىر قۇجاتتىڭ سايكەستىگىن مۇقيات تەكسەردى. سونداي-اق كوميسسيا قۇرامىنا ق ر بعم «Adal Bilim» سىبايلاس جەمقورلىققا قارسى ءىس-قيمىل جونىندەگى جوبالىق كەڭسەسىنىڭ وكىلدەرى، عالىمدار مەن وقىتۋشىلار، سونىڭ ىشىندە «جوعارى وقۋ ورنىنىڭ ۇزدىك وقىتۋشىسى» بايقاۋىنىڭ وتكەن جىلدارداعى جەڭىمپازدارى كىردى.
مينيستر ءبىلىم جانە عىلىم جۇيەسى ءۇشىن مۇنداي بايقاۋلاردىڭ اشىق تۇردە ءوتۋى ماڭىزدى ەكەندىگىن ەرەكشە اتاپ ءوتتى.
«پاندەميا كەزىندە ەلىمىزدىڭ جوعارى ءبىلىم بەرۋ جۇيەسى ماڭىزدى سىناقتان ءوتىپ، جوو-لاردىڭ جۇمىسى جاقسى دەڭگەيدە ۇيىمداستىرىلدى. وسى رەتتە سىن-قاتەرلەردى مۇمكىندىك رەتىندە قابىلداۋعا ءتيىسپىز. قانداي دا ءبىر قيىندىقتار مەن قولايسىزدىققا قاراماستان، قازاقستاندىق وقىتۋشىلار بۇل جاعدايعا تەز بەيىمدەلدى. بۇگىنگى تاڭدا ءبىزدىڭ الدىمىزدا وقىتۋشىنىڭ بەدەلىن ارتتىرۋ، ەڭبەك جۇكتەمەسىن ازايتۋ، ەڭبەكاقىنى كوبەيتۋ، وقىتۋشىلاردى وزىنە ءتان ەمەس فۋنكسيالارعا تارتۋعا جول بەرمەۋ بويىنشا جانە ەلىمىزدىڭ پرەزيدەنتى قاسىم-جومارت توقايەۆ ايقىنداعان باسقا دا ءبىرقاتار ماڭىزدى مىندەت تۇر»، – دەدى مينيستر اسحات ايماعامبەتوۆ.
كونكۋرسقا رەسپۋبليكانىڭ 73 جوعارى وقۋ ورنىنان 623 ۇمىتكەر قاتىستى.
You Might Also Like
-
ادام بالاسى شىر ەتىپ دۇنيە ەسىگىن اشقاندا، ءومىردىڭ ءبىر ماتەرياسى بولىپ قاراستىرىلادى، سايكەسىنشە، ومىرلىك جولدى دا تاڭدايدى. ول كوپاداسىپ، ءبىر كەلۋى مۇمكىن نە الما – كەزەك جاقسىلىق پەن جاماند...
-
پاريج سىپىرۋشىسى جان شامەت جونىندەگى وسى ءبىر حيكايانى قايدان ەسىتىپ-بىلگەنىمدى ەسىمە تۇسىرە الماي-اق قويدىم. شامەت تىرشىلىكتەگى كۇنكورىسىنە جالاقىنى ءوز ماحاللاسىنداعى قول ونەرشىلەردىڭ شەبەرحانالارىن...
