InfoHub Logo

2017 جىلى ۇلتتىق ءبىرىڭعاي تەستىلەۋ تولىعىمەن وزگەرەدى.

بۇل تۋرالى بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليxاتىندا ق ر بعم ءبىلىم جانە عىلىم سالاسىنداعى باقىلاۋ كوميتەتىنىڭ ءتوراعاسى سايات ءنۇسىپوۆ ءمالىم ەتتى.

"كەلەسى جىلدان باستاپ، ءبىلىم جانە عىلىمدى دامىتۋ مەملەكەتتىك باعدارلاماسىنا سايكەس، ۇلتتىق ءبىرىڭعاي تەستىلەۋ جەتىلدىرىلەدى جانە ترانسفورماسيالانادى"، - دەپ اتاپ ءوتتى ول.

ونىڭ ءسوزى بويىنشا، ۇبت كەلەسى جىلى وزگەرىسكە ۇشىراعانىمەن، نەگىزگى ينفراقۇرىلىمى مەن مەحانيزمدەرى قالادى.

"ەڭ باستىسى، ءبىز تىلىنە، تۇرعىلىقتى جەرىنە قاراماستان، بارلىعىنا جوو-عا تۇسۋگە تەڭ جاعدايلار جاساۋىمىز كەرەك. ءبىراق ۇبت جوعارى وقۋ ورنىنا ءتۇسۋ ءۇشىن عانا تاپسىرىلادى. قازىرگى ۋاقىتتا بارلىق سۇراقتار رەكتورلارمەن، اتا-انالارمەن تالقىلانۋدا. ءبىز ەكزامەندى SAT جۇيەسىنە ۇقساس ەتىپ جاساعىمىز كەلەدى. ياعني ءبىز تۇلەكتەردىڭ ءبىلىم دەڭگەيىن انىقتايمىز، سونىمەن قاتار جۇمىس بەرۋشىلەرگە بۇگىنگى الەمدە قاجەت كومپەتەنسيالىق قاسيەتتەرىنە قاراي تۇلەكتەردى تاڭداۋعا مۇمكىندىك بەرەمىز. سوندىقتان ۇبت مازمۇنى وزگەرەدى"، - دەپ اتاپ ءوتتى س. ءنۇسىپوۆ.

ايتا كەتەيىك، بيىل مەملەكەتتىك تاپسىرىس سانى بىلتىرعى دەڭگەيمەن بىردەي، ياعني جالپى گرانتتاردىڭ سانى 31 700.

اعىمداعى جىلى مەكتەپ بىتىرۋشىلەر سانى 121 مىڭ 092 بالا، ونىڭ ىشىندە 83 330  قازاق تىلىندە وقىعاندار، 37 762 ورىس تىلىندە وقىعاندار. ۇبت-عا 86 مىڭ 991 تۇلەك قاتىسادى. ولاردىڭ ىشىندە 63 021 قازاق تىلىندە، 23 970 ورىس تىلىندە وقىعاندار. ۇبت فورماتى 2016 جىلى وزگەرىسسىز قالادى. ول 2 جانە 15 ماۋسىم ارالىعىندا وتەدى. 

---