InfoHub Logo

2024 جىلعا قاراي پەداگوگتەردىڭ جالاقىسى 2 ەسەگە ارتادى. بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى.

«پەداگوگ مارتەبەسى تۋرالى» زاڭنىڭ اياسىندا پەداگوگتەردىڭ ەڭبەك جاعدايى جاقسارتىلۋدا. پەداگوگتەرگە ءتان ەمەس فۋنكسيالاردى جانە كوزدەلمەگەن ەسەپتەرگە تارتۋدان بوساتۋ شارالارى قابىلداندى. پەداگوگتەر بۇگىندە تەك 2 قۇجات تولتىرۋى كەرەك: ەلەكتروندىق جۋرنال جانە وقۋ جوسپارى. سونىمەن قاتار بارلىق وبلىستا پەداگوگتەردىڭ قۇقىقتارىن قورعاۋ جونىندەگى كەڭەستەر اشامىز. 2024 جىلعا قاراي پەداگوگتەردىڭ جالاقىسى 2 ەسەگە ارتادى»، - دەدى ول.

ءمينيستردىڭ پايىمىنشا، وسىنىڭ بارلىعى مەكتەپتەردى كادرلارمەن تولىق جابدىقتاۋعا مۇمكىندىك بەرەدى.

«تاعى ءبىر ماڭىزدى ماسەلە، پەداگوگتەردى جۇمىسقا قابىلداۋ ەندى كونكۋرس ارقىلى، ناقتى بىلىكتىلىك كورسەتكىشتەرگە سايكەس جۇرگىزىلەدى جانە ەلەكتروندىق فورماتقا اۋىستىرىلادى. وعان قوسا 2021 جىلدان باستاپ پەداگوگيكالىق ماماندىق بويىنشا جۇمىسقا العاش رەت تۇرۋ ءۇشىن ەندى ۇمىتكەرلەر كاسىبي شەبەرلىگى بويىنشا سەرتيفيكاتتاۋدان وتەدى. ياعني ديپلومعا قوسا ءتيىستى كۆاليفيكاسيا الۋ مىندەتتى ەنگىزىلەدى. سونىمەن قاتار ءبىز پەدكادرلاردى دايارلاۋ دەڭگەيىن ارتتىرۋ ماقساتىندا جوعارى وقۋ ورىندارىنا قابىلداۋ تالاپتارىن دا كۇشەيتتىك»،- دەدى اسحات ايماعامبەتوۆ.

ونىڭ ايتۋىنشا، پەداگوگيكالىق ماماندىققا مىقتى تۇلەكتەردى عانا قابىلداۋ ءۇشىن ۇبت-نىڭ شەكتى باللى 50-دەن 75 بالعا دەيىن كوتەرىلدى. ال، وسى ماماندىققا ءتۇسۋدى ىنتالاندىرۋ ءۇشىن بولاشاق پەداگوگتەرگە ستيپەنديا مولشەرى 42 مىڭ تەڭگەگە دەيىن ارتتى. ياعني ولار ەڭ ۇلكەن ستيپەنديانى الىپ وتىر.

«بۇل پرەزيدەنتتىڭ تىكەلەي تاپسىرماسى. وسىنىڭ ءبارى وڭ ناتيجە بەرۋدە. پەداگوگ ماماندىعىن تاڭداعان «التىن بەلگى» يەگەرلەرىنىڭ قاتارى ەكى ەسەگە جۋىق ۇلعايۋدا، ال وسى ماماندىققا تۇسكەندەردىڭ ورتاشا بالى 60 بالدان 90 بالعا دەيىن جەتكەن. بۇل ءمۇعالىم ماماندىعىنا مىقتى كادرلاردىڭ كەلۋىن قامتاماسىز ەتۋ بويىنشا جاقسى كورسەتكىش. بۇل ءوز كەزەگىندە ءبىلىم بەرۋ ساپاسىن ارتتىراتىنى ءسوزسىز. وسى رەفورمانىڭ وڭ ناتيجەسى ءقازىردىڭ وزىندە انىق كورىنەدى دەپ تولىعىمەن ايتۋعا بولادى»، - دەدى مينيستر.

---