2025 جىلعا دەيىن ستۋدەنتتەردىڭ شاكىرتاقىسى 2 ەسە ۇلعايادى
2025 جىلعا دەيىن ستۋدەنتتەردىڭ شاكىرتاقىسى 2 ەسە ۇلعايادى. بۇل تۋرالى ق ر عىلىم جانە جوعارى ءبىلىم ءمينيسترى ساياسات نۇربەك ايتتى.
«ستۋدەنتتەردىڭ شاكىرتاقىسىن 2025 جىلعا دەيىن 2 ەسە ۇلعايتۋ جوسپارلانعان. سونىمەن قاتار 2025 جىلدان كەيىن دە كەلەسى كەزەڭگە ءدال وسىنداي ءوسىم بولادى. سوندىقتان بيۋدجەتتەن قارجىلاندىرۋدىڭ قاجەتتى كولەمىن قاراستىرۋ ماڭىزدى. ءبىز جوعارى وقۋ ورىندارى شاكىرتاقىنى جانە وقىتۋشى-پروفەسسور قۇرامىنىڭ جالاقىسىن ساپالى تۇردە ارتتىرۋ ءۇشىن گرانتتار قۇنىن دا كەزەڭ-كەزەڭىمەن ارتتىرامىز»، - دەدى ساياسات نۇربەك مينيسترلىكتىڭ كەڭەيتىلگەن القا ماجىلىسىندە.
سونىمەن قاتار ول بارلىق ستۋدەنت الەمدىك سيفرلىق كىتاپحاناعا تەگىن قول جەتكىزۋگە مۇمكىندىك الاتىندىعىن ايتتى.
«ءقازىردىڭ وزىندە Coursera كورپوراسياسىمەن كەلىسىمگە قول قويىلدى. 16 قاڭتاردان قارجىلاندىرۋدىڭ العاشقى كەزەڭىنە شىعامىز. سوندىقتان وسى جىلدىڭ وزىندە-اق قازاق جانە ورىس تىلىنە اۋدارىلعان Coursera-نىڭ ءبىرىنشى كۋرستارى ۋنيۆەرسيتەتتەرىمىزگە قولجەتىمدى بولادى. بۇل رەسۋرستاردى دۇرىس پايدالانۋ كەرەك. ەڭ باستىسى مۇنداي كۋرستاردى وقىتۋشىلارىمىز وزدەرى جاساي الۋى ءۇشىن ولاردىڭ بىلىكتىلىگىن ارتتىرۋدى باستاۋ قاجەت»، - دەدى مينيستر.
You Might Also Like
-
وقۋ-اعارتۋ ءمينيسترى اسحات ايماعامبەتوۆ كىتاپ وقۋدىڭ ماڭىزى تۋرالى ويلارىن ءبولىستى.
-
راشيد جانعوزينگە قوس قولى بىردەي جارالى دارمەنى قايسى ءراشيدتىڭ؟ اشىلىپ جاۋدىڭ ارانى، كەيىبىنە كىردى اش ءيتتىڭ. وق بولىپ جاندى وعات وت، شىعاتىن ودان جول قايدا؟! پارتبيلەتىن قولىنا اپ، ...
