20/80 قاعيداتىن ومىردە قالاي قولدانۋ كەرەك
يتاليالىق ەكونوميست ۆيلفرەدو پارەتو ءبىر كۇنى ءوزىنىڭ باقشاسىنا ەگىلگەن بۇرشاقتىڭ 20% ءونىمنىڭ 80% بەرەتىنىن بايقايدى. بۇل وعان جۇمسالعان كۇشتىڭ 20% ناتيجەنىڭ 80% بەرەتىنى تۋرالى ەرەجەنى تۇجىرىمداۋىنا مۇمكىندىك بەردى. 20/80 قاعيداتىن جۇمىستا عانا ەمەس، ءومىردىڭ باسقا سالالارىندا دا پايدالانۋعا بولادى.
بۇل ءوندىرىس پەن بيزنەستىڭ ءارقيلى سالالارىنداعى قام-قارەكەتتىڭ تيىمدىلىگى مەن وڭتايلىلىعن باعالاۋعا بولاتىن بەلگىلى ءتاسىلى.
كومپانيالار ءوزىنىڭ پايداسىنىڭ 80% كليەنتتەردىڭ 20% تۇسەتىنىن؛ ساۋدا وكىلدەرىنىڭ 20% ساتىلىمنىڭ 80% جاۋىپ وتىراتىنىن جانە قۇندىلىقتاردىڭ 20% شىعىنداردىڭ 80% كەتەتىنىن ءجيى بايقايدى. ۋاقىتقا قاتىستى دا ءدال سولاي: ونىمدىلىكتىڭ 80%-نا ۋاقىتتىڭ 20% جۇمسالادى، پايدانىڭ 80% قىزمەتكەرلەردىڭ 20% تابادى. مىسالداردى تاعى كەلتىرە بەرۋگە بولادى.
البەتتە، سيفرلار ءارقاشان 20/80 بولا بەرمەيدى. 76/24 بولۋى، 83/17 بولۋى مۇمكىن، ءبىراق تورتكە ءبىر اراقاتىناسى ۇنەمى بايقالادى.
20/80 قاعيداتى بيزنەستە كەڭىنەن قولدانىلادى، ءبىراق ونى كۇندەلىكتى ومىردە دە، ەڭ الدىمەن جۇمىستا، قولدانۋعا بولادى.
قانداي تىرلىكتەرگە ۋاقىڭىزدىڭ 80% جۇمسايسىز؟ ەلەكتروندى پوچتاعا ما؟ مەسسەندجەرلەرگە مە؟ بۇل پايدانىڭ 20% عانا بەرەتىنىن قاپەرىڭىزدە ۇستاپ، شىنىمەن ماڭىزدى ىستەرگە ءساپ سالىڭىز. ال ەڭبەكتەگى قارەكەتتەرىڭىزدىڭ قاي تۇسى تابىسىڭىزدىڭ 80% بەرىپ وتىر، باسشىلىق تاراپىنا كەرەكتىگىڭىز بەن ارىپتەستەرىڭىزدىڭ سىي-قۇرمەتى مە؟
مىنا سۇراقتارعا دا جاۋاپ بەرىپ كورىڭىز. ءسىز بۇرىن بۇنى ەشقاشان ەسەپتەپ كورمەگەندىكتەن عانا سۇراقتار قىيىن سياقتى.
— زاتتارىڭىزدىڭ قانداي 20% ءسىز ءۇشىن ەڭ قۇندى (80% جانە ودان دا جوعارى)؟
— كوڭىل-حوشىڭىزدىڭ 80% بەرە وتىرىپ، ۋاقىتىڭىزدىڭ 20% نەگە كەتىپ جاتىر؟
— ءسىزدىڭ اينالاڭىزداعىلاردىڭ ىشىندە كىم ءسىزدى بارىنشا باقىتتى ەتىپ ءجۇر؟
— قانداي كيىمدەرىڭىزدىڭ 20% ۋاقىتىڭىزدىڭ 80% كيىپ ءجۇرسىز؟
— ءسىزدىڭ راسيونىڭىزدىڭ 80% قۇرايتىن ازىق-تۇلىكتىڭ جانە تاعامداردىڭ 20%-نە نە كىرەدى؟
جاۋاپ بەردىڭىز بە؟ ەندى ءومىرىڭىزدىڭ وسى سالالارىن قالاي جاقسارتا الاتىنىڭىزدى ويلاپ كورىڭىز.
مىسالى، ەگەر ءسىز ۋاقىتىڭىزدىڭ 80% ءسىزدى 20% جانىڭىزدى سۇيسىنتەتىن ادامدارمەن وتكىزىپ جۇرسەڭىز، وندا ءوزىڭىز ارالاساتىن ادامدار ورتاسىن وزگەرتكەن ءجون عوي.
ەگەر، مىسال رەتىندە، ءسىز ۋاقىتىڭىزدىڭ 80% ينتەرنەتتە وتكىزىپ، ودان الاتىن ءلاززاتىڭىز 20% بولسا، جەلىدە نە ءبىتىرىپ جۇرگەنىڭىزدى ويلاڭىز. دۇرىسى قارەكەت-تىرلىگىڭىزدى باسقاسىنا اۋىستىرىپ، كومپيۋتەرگە شۇقشيىپ وتىراتىن ۋاقىتتى ازايتۋ كەرەك شىعار؟
ەگەر زاتتارىڭىزدىڭ 80% تەك 20%-كە پايدالانىپ جۇرسەڭىز، ولاردى لاقتىرىپ جىبەرىڭىز نەمەسە ساتىپ جىبەرىڭىز. كيىمىڭىزبەن دە ءدال وسىلاي ىستەڭىز.
ءوزىڭىزدىڭ راسيونىڭىزدى 20/80 قاعيداتى بويىنشا تالداپ شىعىپ، ءسىز قانشالىقتى دەنساۋلىققا پايدالى تاماقتانىپ جۇرگەنىڭىزدى ءبىلىپ الاسىز. ەگەر ءسىز ۋاقىتىڭىزدىڭ 80%-دا مايلى تاعامداردى جەپ جۇرسەڭىز، ديەتا ۇستايتىن كەز كەلگەن شىعار؟ داستارحانىڭىزداعى پايداسى شامالى تاعامدار 20% قانا بولۋى ءۇشىن تاعام پروپورسيالارىن قايتا قاراپ شىعىڭىز.
پارەتونىڭ وڭتايلى زاڭى، ءبىر قاراعاندا مۇلدەم وڭتايلى ەمەس ماحاببات «اۋىلىندا» دا، قولدانۋعا جاراپ تۇر. سىزدەردىڭ قانداي ءىس-قىلىقتارىڭىز اراقاتىناستارىڭىزداعى قىيىندىقتاردىڭ 80% قۇراپ ءجۇر؟ ءسىزدى جانسەرىگىڭىزبەن 80% جاقىنداتا تۇسكەن 20% بولاتىن اڭگىمەلەر نە تۋرالى ەدى؟
كوپشىلىگىمىز قارىم-قاتىناسىمىزعا بۇنداي تۇرعىدا كوز سالىپ كورگەن جوقپىز، وسىلاي ىستەپ كورۋ وتە پايدالى بولۋى مۇمكىن.
ءومىردىڭ ءاربىر قىرىنىڭ ءوز پاك*ء-ى بار.
20/80 قاعيداتىن پايدالانۋ ارقىلى ءومىرىڭىزدىڭ تيىمدىلىگىن باعالاپ قانا قويماي، ونى ءوز باقىلاۋىڭىزعا الا الاسىز. جاۋاپكەرشىلىكتى ءوز موينىڭىزعا الىپ، پروبلەمالارىڭىز بار سالالارىن جاقسارتا الاسىز.
ارينە، پارەتو زاڭى پاناسەيا ەمەس. ونى ءومىردىڭ باستى كرەدوسىنا تەلىپ، بارلىعىن وسى قاعيدات بويىنشا عانا ولشەپ-كەسۋگە بولمايدى. الايدا، 20/80 قاعيداتى — ءوزىڭىزدىڭ ومىرىڭىزگە جاڭاشىلدىق ەنگىزىپ بەرە الاتىن تاماشا كۇرال.
20/80 قاعيداتىن نەگىزگە الا وتىرىپ، ومىرىڭىزدەگى نەنى وزگەرتە الاتىنىڭىز تۋرالى ويلانىپ كورىڭىز.
جاۋاپتارىڭىزدى قاعازعا جازىپ قويىڭىز.
*پايدالى اسەر كوەففيسيەنتى.
وقۋعا كەڭەس بەرەمىز:
مىندەتتەردى قالاي جەڭىلدەتۋگە بولادى؟
7 پايداسىز ارەكەتتەن باس تارتىپ، ءومىرىڭدى وزگەرت
ءومىرىڭىزدى قۇر وتكىزىپ جاتقانىڭىزدىڭ 13 بەلگىسى
جالقاۋلىقتى جەڭۋدىڭ ەڭ جاقسى ءادىسى
ءسىز نەگە ءالى كۇنگە دەيىن باي ەمەسسىز: 7 سەبەبى
كايدزەن
You Might Also Like
-
قۇلاققا ۇرعان تاناداي تىنىشتىقتا كۇن جاڭا عانا شىعىپ، سارى التىن سارعالداق گۇلدەرىنىڭ حوش يىسىنە لىقىلداعان كوگىلدىر تۇمان ارال تاستارىنان كوككە كوتەرىلىپ تۇرعان كەز.
-
ءبىر كەدەي قازاقتىڭ، جانسارى، وزىندە ۇل جوق. جالعىز قىزىن قوزعانعا ۇزاتقان. جالعىز قىزى توركىندەپ كەلىپتى. سوندا قىزىنا مال بەرمەي-بەرىپ قايتارعان ءسوزى:
