InfoHub Logo

8 - ناۋرىز مەيرامىنا ارنالعان ەرتەڭگىلىك سەنارييى. ەكىنشى سابيلەر توبى

جۇرگىزۋشى:
انالاردىڭ ءار ءبىر ءسوزى، وي تالابى
جۇرەكتىڭ تەرەڭىندە ساقتالادى.
وسىڭدەر ەلىن سۇيگەن ۇلاندار بوپ،
ارداقتى انا ەڭبەگى اقتالادى.
- قۇرمەتتى اجەلەر، انالار! سىزدەردى ناۋرىز ايىندا كەلگەن 8 - ناۋرىز مەرەكەسىمەن قۇتتىقتايمىز.

بالالاردىڭ قۇتتىقتاۋ تاقپاقتارى.

ءبىز دوسپىز گۇلدەرمەن
تەككە ونى جۇلمايمىز
توي كۇنى ءبىر بىردەن
انالارعا سىيلايمىز.

مەنى جاقسى كورەدى،
كۇندەي كۇلىپ كەلەدى.
كوپ ەرتەگى بىلەدى،
ماعان ايتىپ بەرەدى.

اق اناشىم، اپپاعىم.
ءوزىن جايلى تاقپاعىم.
ءوزىن جايلى ءانىم دە،
ارنادىم ساعان بارىندە.

الپەشتەگەن ايالاعان
اق ءسۇت بەرگەن اپاتايىم.
سالەم جازىپ بۇگىن ساعان
مەيرامىن مەن قۇتتىقتايمىن

جۇماق – قۇشاق پانام،
كۇندەي نۇرلى ساناڭ!
قىزىعىن كور ۇل – قىز،
ەڭبەك سۇيگىش انام!

كەلدى كوكتەم كۇننىڭ،
كۇلىمدەيدى گۇلىڭ –
التىن ويلى انام
مەرەكەڭىز بۇگىن!

جۇرگىزۋشى: - ال ەندى ءبىزدىڭ بالاپاندار انالارعا ارناپ ءوز ونەرلەرىن كورسەتسىن.
بي: «جاڭبىر»
زالعا شاتاقباي كىرەدى: - قايىرلى كەش! جاڭا جىلدارىڭىز قۇتتى بولسىن. جاڭا باقىت اكەلسىن!
جۇرگىزۋشى: - ءسىز ءوزى كىمسىز؟ قايدان كەلدىڭىز؟ ءبىزدىڭ بالاباقشاعا قالاي كىرىپ كەتتىڭىز؟ كۇزەتشى قايدا؟
شاتاقباي: - كۇزەتشى كىرگىزبەيمىن دەدى، ال مەن مەرەكەگە بارا جاتىرمىن دەدىم، سوسىن كىرگىزدى.
جۇرگىزۋشى: - ءبارى تۇسىنىكتى. ءسىزدى كورگەن – اق كىم ەكەنىڭىزدى تۇسىندىك. باسىڭىزعا تابا كيىپ الىپسىز. اياعىڭىزعا قولعاپ كيىپ الىپ، ناعىز شاتاقباي كەلىپ تۇر ەكەن!
- ءبىزدى جاڭا جىلمەن قۇتتىقتاپ تۇر. ال بۇگىن انالار مەرەكەسى ەمەس پە بالالار!
شاتاقباي: - ءما مەن ءبارىن اۋىستىرىپ الدىم با؟
جۇرگىزۋشى: - رەنجىمە، شاتاقباي! ەندى سەن ءبارىن دۇرىس جاسايسىڭ.
شاتاقباي: - انالار، اجەلەر، قىزدار سىزدەردى مەرەكەمەن قۇتتىقتايمىن!
- بالالار، مەنىمەن بىرگە ويىن وينايسىڭدار ما؟
-
ويىن: «گۇل شوعىن جيناۋ»

شاتاقباي: - بالالار سەندەرگە كوپ راحمەت. ال ەندەشە ساۋ بولىڭدار. (شاتىقپاي شىعىپ كەتەدى)

ولەڭ: «اق مامام!»

جۇرگىزۋشى: - ال بالالار!
وينايىق تا كۇلەيىك.
كانە ەندى بۇرىلىپ
بي بيلەۋگە تۇرايىق.
بي: «قارلىعاشتار»
جۇرگىزۋشى: ءبىزدىڭ ۇلدارىمىز قىزدارعا توسىن سىي دايىنداپ كەلدى عوي. بىزگە قوناقتاردى شاقىردى. بالالار، ونى شاقىرايىق پا؟
بالالار: ءيا!
ءبارى شاپالاقتايدى. زالعا سايقىمازاق كەلەدى.
سايقىمازاق: سالەمەتسىڭدەر مە، دوستار! سالەمەتسىزدەر مە، قىمباتتى اتا - انالار!
جۇرگىزۋشى: سالەمەتسىڭ بە، سايقىمازاق!
سايقىمازاق: مەنىڭ اتىم تيلي ۆيلي. مەن سەندەردى سوناۋ امەريكادان كۇتتىقتاۋعا كەلدىم. حەلوۋ! حەلوۋ! حەلوۋ! (بالالاردىڭ قولىنان ۇستاپ امانداسادى).
سايقىمازاق: مەن بۇگىن مەرەكە بويى سەندەردى كۇلدىرتىپ، كوڭىل كۇيلەرىڭدى كوتەرەمىن.
سايقىمازاق: ال سەندەر وتشاشۋ كورگىلەرىڭ كەلەمە؟ ءبىزدى قۋىپ جەتىپ، مىنا شارلاردى جارىڭدار.
(بالالار كەيىپكەرلەردىڭ ارتىنان جۇگىرىپ شارلاردى جارادى)
مىنا بالالار وزدەرى قانداي پىسىق. كانە ورىندارىنا وتىرا قويىڭدار. بالالار قانداي مەرەكەنى تويلاپ جاتىرسىڭدار.
جۇرگىزۋشى: انالارعا ارنالعان 8 – ناۋرىز مەيرامى.

تاقپاقتار اجەلەرگە.

مەنىڭ اجەم مەيىربان
مەنى جاقسى كورەدى.
قاجەتىنە جاراسام
جاس بالاشا كۇلەدى.
انالاردى سۇيەمىز
اقىلىن ويعا تۇزەمىز
اجەنى دە ارداقتاپ
ادەپپەن باس يەمىز.
اجە دەگەن اسىل جان
قۇرمەت كورگەن عاسىردان
ايالايمىن اجەمدى
ايالايمىن بار ەلدى.

انالارمەن ويىن: «مەن بالامدى قالاي ەركەلەتەمىن»

سايقىمازاق:
ال مەن ءاندى جاقسى ايتامىن، ماعان ميكروفون بەرىڭىز، موەسترو مۋزىكۋ.
(مۋزىكا وينايدى، سايقىمازاق ىرعاعىنا قاراماي بىرەسە تومەن، بىرەسە جوعارى ايتادى)
جۇرگىزۋشى: تيلي ۆيلي سەن بوسقا ءوز تاماعىڭدى شارشاتپا. ءبىزدىڭ توبىمىزدا ولەڭ ايتاتىن بالالار بار.

ولەڭ: «قوشاقانىم»

جۇرگىزۋشى: - راحمەت، ساعان سايقىمازاق. سەن بۇگىن ءبىزدى قىزىقتىرىپ ءجۇردىڭ.
سايقىمازاق: - ءيا، ءبىز سوندايمىز. ءبىز كوپ ويىندار، اندەر دە، بيلەر دە بىلەمىز، جانە ءبىز فوكۋستار كورسەتە الامىز. سەندەرگە دە ءقازىر فوكۋس كورسەتەمىز.

فوكۋستار:
گۇلمەن. ءبىر گۇلدى قوراپشاعا سالىپ، ايتادى: «ءقازىر وسى گۇل باسقا بوياۋمەن بويانادى». شىعارسا، بويانباپتى.
- وي، نەگە بويانبايدى.
جۇرگىزۋشى: - سيقىرلى سوزدەردى ايتۋ كەرەك قوي. بالالار، قانداي سيقىرلى سوزدەردى بىلەسىڭدەر.
بالالار ايتادى.
سايقىمازاق:
- فوكۋس، موكۋس. (قوراپشانىڭ ىشىنە قاراسا، ىشىندە كامپيتتەر جاتىر ەكەن.) بالالار، قاراڭدار گۇلىمىز كامپيتتەرگە اينالدى.
بالالارعا كامپيتتەر تاراتىلادى.
جۇرگىزۋشى:
- ال ەندى، ءبىزدىڭ انالارعا ارنالعان سىيلىقتاردى قابىل ەتىڭىزدەر.

- قۇتتىقتاۋ ءسوزى № 36 بالاباقشا مەڭگەرۋشىسى ------------------ بەرىلەدى.

- وسىمەن ءبىزدىڭ مەرەكەمىز اياقتالدى. قىمباتتى دا اياۋلى انالار! مەرەكەلەرىڭىز قۇتتى بولسىن! الەمدەگى ەڭ سۇلۋ، ەڭ مەيىرىمدى، ەڭ قامقور ادام وسى وتىرعان سىزدەر. دەندەرىڭىز ساۋ، كوڭىلدەرىڭىز شات بولسىن، ءارقاشان امان بولايىق! ساۋ بولىڭىزدار!