InfoHub Logo

باتىس قازاقستان وبلىسى، ءبورلى اۋدانى،
ءبورلى نەگىزگى ورتا قازاق مەكتەبىندە
باستاۋىش سىنىپ ءمۇعالىمى
مايمانوۆ نۋركان دجانىبەكوۆيچ

كىرىسپە.
قازاقستان رەسپۋبليكاسى ءبىلىم بەرۋ جۇيەسى قازىرگى تاڭدا وزگەرمەلى جانە وسكەلەڭ تالاپتار مەن قاجەتتىلىكتەردى قاناعاتتاندىرا وتىرىپ، وتاندىق ءبىلىم سالاسىن الەمدىك ءبىلىم كەڭىستىگىنە كىرىكتىرۋگە بەتبۇرىس جاساۋدا. ويتكەنى، ق ر ءبىلىم تۋرالى زاڭىندا « …عىلىم مەن پراكتيكا جەتىستىكتەرى نەگىزىندە جەكە ادامدى قالىپتاستىرۋعا، دامىتۋعا جانە شىڭداۋعا باعىتتالعان ءبىلىم الۋ ءۇشىن قاجەتتى جاعدايلار جاساۋ» - دەپ كورسەتىلگەن. بۇل ءبىلىم جۇيەسىن جەتىلدىرۋ جانە ونى ساپالى دەڭگەيگە كوتەرۋدى العا تارتادى. وسىعان وراي، عىلىمي زەرتتەۋ بارىسىندا الەمدىك وزىق تاجىريبەلەر مەن وتاندىق ءبىلىم جۇيەسىندەگى ەرەكشەلىكتەر زەردەلەنۋدە.

حالىقارالىق پراكتيكادا ءبىلىم ستاندارتى كۇتىلەتىن ناتيجەلەر (ءبىلىم ناتيجەلەرى) تۇرىندە بەرىلگەن ءبىلىم ماقساتتارىنىڭ جۇيەسى دەپ قاراستىرىلىپ، «ناتيجەگە باعدارلانعان ءبىلىم مودەلىنە» كوشۋگە باسىم باعىت بەرىلەدى.
وندا ءبىلىم كومپونەنتتىلىگى وقۋشىنىڭ جەكە پاندەر بويىنشا ءبىر - بىرىنەن الشاقتىقتا ەمەس، كەشەندى تۇردە جەكە تۇلعاعا باعدارلانعان (ءبىلىم، بىلىك، داعدىنى) ءىس - ارەكەت ءبىلىم كومپونەنتتىلىگىن قابىلداۋدى قامتاماسىز ەتەدى. بۇل جاعدايدا ءبىلىم كومپەتەنتىلىگى كوپ جاقتى قىزمەت اتقارىپ، ءبىلىم «وبەكتى» بولۋدان «ءتىرى» بىلىمگە اينالاتىنىن بايقادىق. وقىتۋداعى وقۋشىنىڭ ساپالىق سيپاتتاماسىنىڭ قۇرامداس بولىگى رەتىندەگى بازالىق كومپەتەنسيالارىنىڭ كەڭ اۋقىمدى سيپاتى تۇرىندە ناقتىلىنعان ماقسات وقىتۋدىڭ كۇتىلەتىن ناتيجەلەرىن بەرەدى. وسىعان وراي جەكە تۇلعانىڭ سۇرانىستارى مەن مۇمكىندىكتەرىن ەسكەرە وتىرىپ، ناتيجەگە باعدارلانعان ءبىلىم جۇيەسىن قالىپتاستىرۋ قولعا الىنۋدا. اتاپ ايتقاندا، جاڭا مازمۇنعا ساي ءبىلىم بەرۋدى دەموكراتيالاندىرۋ نەگىزدەرى مەن جالپى ۇلتتىق بازالىق كومپەتەنسيالارى انىقتالىپ، ءبىلىم ايماقتارى ناقتىلانىپ، ءتۇيىندى جانە پاندىك كومپەتەنسيالار ايقىندالۋدا. جالپى ورتا ءبىلىم جۇيەسىنە قۇرىلىمدىق جانە ءبىلىم مازمۇندىق وزگەرىستەر ەنگىزىلەدى.

وقۋ ساپاسىن جەتىلدىرۋدە ءبىلىم ماقساتتارىنىڭ كۇتىلەتىن ناتيجەگە باعدارلانۋى جان - جاقتى ءبىلىمدى، ءوز ماماندىعىن جەتىك بىلەتىن، باسەكەگە تۇسە الاتىن جەكە تۇلعانى باستاۋىش ساتىدان باستاپ دايىنداۋعا باعىتتايدى. مەكتەپتىڭ باستاۋىش ساتىسىندا وقۋشىنىڭ ساپالىق جانە ساندىق ءبىلىم دەڭگەيىن انىقتاۋ ارقىلى، وقۋ ساپاسىن جەتىلدىرۋگە مۇمكىندىك تۋادى. مەكتەپتەگى ءاربىر وقۋشىنىڭ دامۋ ديناميكاسىن جانە وقۋ بارىسىندا العان ءبىلىم ناتيجەسىنىڭ ساپاسىن جان - جاقتى جانە ءادىل باعالاۋعا قول جەتكىزەدى. وسىعان وراي مەكتەپتىڭ باستاۋىش ساتىسىندا وقىتۋ مازمۇنىن جاڭالاۋ جانە تەحنولوگيالاردى پايدالانۋعا بايلانىستى جەتىلدىرۋ جۇمىستارى جۇرگىزىلۋدە.

تولىق نۇسقاسىن جۇكتەۋ