InfoHub Logo

ادەبيەت 5 - سىنىپ
ساباقتىڭ تاقىرىبى: ا. س. پۋشكين «بالىقشى مەن بالىق» ادەبي ەرتەگىسى (احمەت بايتۇرسىنوۆتىڭ اۋدارماسى)
ساباقتىڭ ماقساتى:
وقۋشىلارعا ا. بايتۇرسىنوۆتىڭ قازاق ادەبيەتىندەگى ورنىن ءتۇسىندىرۋ، ا. س. پۋشكيننىڭ شىعارماسى ا. بايتۇرسىنوۆتىڭ اۋدارماسى «بالىقشى مەن بالىق» ەرتەگىسىنىڭ مازمۇنىمەن تانىستىرىپ، يدەيالىق - تاقىرىپتىق ءمانىن اشىپ تالداۋ؛ قاناعاتسىز، پارىقسىز بالىقشى كەمپىرىنىڭ شالىنا، التىن بالىققا جاساعان استامشىلىعىن، قياناتىن، ورەسكەلدىگىن دالەلدەي وتىرىپ، قوماعايلىقتان تارتقان سازايىن سيپاتتاۋ ارقىلى وقۋشىلاردى وسى قاسيەتتەردەن جيرەندىرۋ؛

ساباقتىڭ مىندەتتەرى:
1. وقۋشىلار بىرلەسە ىنتىماقپەن جۇمىس اتقارىپ، ءماتىننىڭ مازمۇنىن مەڭگەرەدى، بىرىگە قورىتىندى جاسايدى.
2. وقۋشىلار شىعارمانى ۇعىنىپ وقىپ، ءار نارسەنىڭ قاناعاتى بولاتىنىن باعامدايدى، جاقسى مەن جاماندى اجىراتا بىلۋگە، ادامگەرشىلىككە تاربيەلەنەدى.
3. وزگەلەردىڭ پىكىرىن تىڭداي وتىرىپ، شىعارماشىلىقپەن جۇمىستانادى. وقۋشىلاردىڭ سىني كوزقاراسى قالىپتاسىپ، وزىندىك پىكىرىن دالەلدەي الۋ باعىتىندا ءتۇرلى ىسكەرلىك تاپسىرمالار ورىندايدى.
ساباقتىڭ ناقىلى: قاناعات قارىن تويعىزار،
قاناعاتسىز جالعىز اتىن سويعىزار. (مايقى بي)
ساباقتىڭ ءتۇرى: جاڭا ساباقتى مەڭگەرتۋدە ىسكەرلىك پەن داعدىنى قالىپتاستىرۋ.
قولدانىلاتىن ستراتەگيالار: ستو ستراتەگيالارى: ويلانۋ باسپالداعى، رافت، ت كەستەسى، سوڭعى ءسوزدى ماعان قالدىر، اۆتور ورىندىعى.
قولدانىلاتىن كورنەكىلىكتەر: ا. بايتۇرسىنوۆتىڭ جانە ا. س. پۋشكيننىڭ پورترەتى مەن تانىمدىق البومدارى، «بالىقشى مەن بالىق» ەرتەگىسىنىڭ ۆيدەوجازىلىمى، مۋلتيمەديالىق سلايدتار، ينتەراكتيۆتى تاقتا، بەتشەلەر.
باعالاۋ: ءمۇعالىمنىڭ جەكە باقىلاۋى بويىنشا باعالاۋ.

ساباقتىڭ ءجۇرىسى:
1. قىزىعۋشىلىقتى وياتۋ.
«ويلانۋ باسپالداعى» ستراتەگياسى بويىنشا
كۇتىلەتىن ناتيجە: ءۇي تاپسىرماسىن تەكسەرۋ، وتكەندى قورىتىندىلاۋ.
2. ماعىنانى تانۋ. اۋدارماشى احمەت بايتۇرسىنوۆ تۋرالى ماعلۇمات بەرۋ؛
احمەت بايتۇرسىنوۆ - بالالاردى وقۋ - بىلىمگە شاقىرىپ، كوپ جىلدار بويى ۇستازدىق قىزمەت اتقارعان اعارتۋشى - پەداگوگ، قازاق ءتىل ءبىلىمىنىڭ ىرگەتاسىن قالاۋشى، ءسوز قۇدىرەتىن تانىتقان اقىن، پۋبليسيست، تۋعان حالقىنىڭ رۋحاني دۇنيەسىن كوتەرۋگە كوپ كۇش جۇمساعان مادەنيەت قايراتكەرى، ءوز ەلىنە ادال قىزمەت اتقارعان قوعام قايراتكەرى.

ا. بايتۇرسىنوۆ اۋدارمالارى تۋرالى مالىمەت
اۆتورلارى ------------------- اۋدارمالارى
ا. س. پۋشكين ---------------- "بالىقشى مەن بالىق"، "دانىشپان اليكتىڭ اجالى"، "ات"، "التىن اتەش"
م. يۋ. لەرمونتوۆ ----------"مسىري"
اراب تىلىنەن -----------------«نابىك اتى»
ۆالتەر ------------------------«التىن اتەش»
س. يا. نادسون ------------------«شايىلعان كوز جاسىمەن»
ي. ا. كرىلوۆ -----------------"قىرىق مىسال" جيناعى
ي. ي. حەمنيسەر ------------- "ات پەن ەسەك"

2. 1. جاڭا ساباق. شىعارمانىڭ ءمانى مەن ماقساتىن ۇعىندىرۋ. ادەبي ەرتەگى تۋرالى تۇسىنىك بەرۋ. ادەبي ەرتەگى – حالىق اڭىزىنىڭ نەگىزىندە تۋعان، اۆتورى بەلگىلى شىعارما.
«بالىقشى مەن بالىق» ۆيدەوجازىلىم ارقىلى كورسەتىلدى؛
مۋلتيمەديالىق سلايدتار ارقىلى ءتۇسىندىرىلدى؛
كۇتىلەتىن ناتيجە: ا. بايتۇرسىنوۆتىڭ اۋدارماسى پۋشكيننىڭ اڭگىمەسى «بالىقشى مەن بالىق» ەرتەگىسىنىڭ مازمۇنىمەن تانىستىرۋ.

2. 2. ماتىنمەن تانىسۋ، ماعىنالىق قۇرىلىمدىق تالداۋ.
(ا. بايتۇرسىنوۆ ۇلگىسىمەن)
باستاماسى ---------------- بالىقشىنىڭ قاراپايىم تۇرمىس كەشۋى
ۇسىنباسى ----------------- بالىقشى شالدىڭ تورعا تۇسكەن التىن بالىقتى بوساتۋى
مازمۇنداماسى --------- پارىقسىز كەمپىردىڭ التىن بالىققا تويىمسىز قولقاسىنىڭ ورىندالۋى
قىزدىرماسى ------------- سۋ پاتشاسى بولۋدى اڭساۋى
قورىتپاسى ---------------- باياعى قالپىنداعى استاۋ ۇيگە ورالۋى
كۇتىلەتىن ناتيجە: شىعارمانىڭ كومپوزيسيالىق قۇرىلىسىمەن تانىسۋ.

2. 3. كەيىپكەر ارەكەتتەرىن تالداۋ
"ت كەستەسى" بويىنشا
وقۋشى جۇمىسى
كەلىسۋ سەبەپتەرىم
كەمپىر - جاقسى تۇرمىس ءسۇرۋدى قالايدى.
شال - التىن بالىقتى بوساتتى.
كەلىسپەۋ سەبەپتەرىم
كەمپىر - قاناعاتسىز، وتە پارىقسىز، بايىعاسىن شالىن دا تانىمايدى.
شال - ءبىر جاقسىلىعى ءۇشىن قايتا - قايتا بالىققا قولقا سالا بەردى، ءوز كەمپىرىنىڭ قاتەلىكتەرىنە قارسى كەلمەيدى.

كۇتىلەتىن ناتيجە: وقۋشىلاردىڭ سىني كوزقاراسىن قالىپتاستىرىپ، وزىندىك پىكىرىن دالەلدەۋ باعىتىندا شىعارما كەيىپكەرلەرىنىڭ ءىس - ارەكەتتەرىنە قاراي وزىندىك تالداۋ جاساۋ (ءار وقۋشى ءوز بەتشەلەرىنە تولتىرادى)
2. 4. رافت ستراتەگياسى بويىنشا جۇمىس
تاپسىرمانىڭ ۇلگىسى:
رول -------- اۋديتوريا ------- فورما ------- تاقىرىپ
شال ---------- كەمپىرگە ------------- حات ------------ تۇسىنبەۋشىلىك
-------------------------------------------------------------- تۇسىنۋشىلىك
كۇتىلەتىن ناتيجە: قاناعاتسىز، پارىقسىز بالىقشى كەمپىرىنىڭ شالىنا، التىن بالىققا جاساعان استامشىلىعىن، قياناتىن، ورەسكەلدىگىن دالەلدەي وتىرىپ، قوماعايلىقتان تارتقان سازايىن سيپاتتاۋ باعىتىندا وزىندىك وي - تولعانىس جازۋ.
وقۋشى جۇمىسى: امانسىڭ با، كەمپىر؟ مەن ساعان وسى رەنىش حاتىمدى جازا وتىرىپ، سەنىڭ قاتەلىكتەرىڭدى ايتقىم كەلەدى. وتىز جىلدان بەرى بالىق اۋلاپ كەلە جاتىرعان مەنىڭ تورىما التىن بالىق ىلىگىپ، باسىم ءبىر پالەگە قالدى ەمەس پە؟ قارتايعاندا كۇناھار بولمايىنشى دەپ، ونى بوساتىپ جىبەرگەنىمدى دە ساعان بەكەرگە ايتقانمىن. ءبىر سەنىڭ بىرنەشە تاپسىرماڭدى ورىنداتامىن دەپ مەن التىن بالىققا قانشا باردىم... ءقازىر ويلاسام، ءتىپتى ۇيات! ال سەن التىن بالىقتىڭ بار جاقسىلىعىن قاناعات تۇتپاي، استامشىلىق جاسادىڭ. «كوپ اسقانعا - ءبىر توسقىن»- دەگەن ءسوز تەگىن ايتىلماعان عوي. سول استاۋدا تىنىش ءومىر سۇرسەك بولعانى دا... سالەممەن بالىقشى شالىڭ.

3. وي - تولعانىس
"سوڭعى ءسوزدى ماعان قالدىر".
بەرىلگەن ماقال - ماتەلدەر ------------------------------------------------ ماقال - ماتەلدەرگە مەنىڭ پىكىرىم
قاناعاتسىزدىڭ كوزى ۇلكەن
اقىلسىزدىڭ ءسوزى ۇلكەن.
قاناعاتسىز جان - پىلگە وقتالعان جىلان
توقال ەشكى ءمۇيىز سۇرايمىن دەپ قۇلاعىنان ايىرىلىپتى
تويساڭ توباڭنان جاڭىلما
ەر ازىعى - قاناعات
كۇتىلەتىن ناتيجە: وقۋشىلار بەرىلگەن ماقال - ماتەلدەردەگى قاناعاتسىزدىق قاسيەت تۋرالى وزىڭدىك پىكىرلەرىن جازىپ، ورتاقتاسادى.
3. 1. ساباق اۆتور ورىندىعى بويىنشا قورىتىندىلاندى. اۆتور ورىندىعىنا وسى ساباقتاعى ءبىلىم داعدىلارىن تولىق مەڭگەرگەن وقۋشى عانا وتىرا الادى. بۇل ءادىستىڭ تيىمدىلىگى:
1. ساباقتا وتىلگەن ماتەريالدار قورىتىندىلانادى.
2. سۇراق - جاۋاپتار ارقىلى ءبىلىم بەكىتىلەدى.
3. وقۋشىلار مازمۇندى سۇراق قويۋعا داعدىلانادى.
4. اۆتور ورىندىعىنا وتىرۋعا تىرىسادى.
ءمۇعالىم قورىتىندىسى.
4. باعالاۋ (ءمۇعالىمنىڭ قالاۋىنشا)
5. ءۇي تاپسىرماسىن بەرۋ.