InfoHub Logo

ءوزىن - ءوزى تانۋ 1 - سىنىپ
ساباقتىڭ تاقىرىبى. ادام دەگەن ارداقتى ات
ساباقتىڭ ماقساتى: «ادامگەرشىلىك» ۇعىمىنىڭ قۇندىلىعى رەتىندەگى ماڭىزدىلىعىن اشۋ.
ساباقتىڭ مىندەتتەرى: بىلىمدىلىك: ادامي قاسيەتتەر تۋرالى تۇسىنىك بەرۋ؛
دامىتۋشىلىق: بالالاردىڭ ادامگەرشىلىك قاسيەتتەرىن دامىتۋ، جاعىمدى قارىم - قاتىناس جاساي بىلۋگە ۇيرەتۋ؛
تاربيەلىك: ىزگىلىكتى، مەيىرىمدى بولۋعا تاربيەلەۋ.
كورنەكى قۇرالدار: داپتەر، سيۋجەتتى سۋرەتتەر
ادىستەر: اڭگىمەلەسۋ، ويىن، جاتتىعۋ، ءتۇسىندىرۋ، ساحنالاۋ.

ساباقتىڭ بارىسى.
1. ۇيىمداستىرۋ كەزەڭى
2. شاتتىق شەڭبەرى
ءمۇعالىم بالالارمەن سالەمدەسىپ، ولاردى شاتتىق شەڭبەرىن قۇرىپ، ءبىر - بىرىمەن سالەمدەسەدى.
ە. وتەتىلەۋوۆتىڭ «ناعىز ادام بولامىن» اتتى ولەڭىن مۇعالىمگە ىلەسىپ بىرگە قايتالايدى.
بۇگىن تيتتەي بالامىن،
ءالى - اق جىگىت بولامىن.
سوندا، مۇمكىن، مەن عالىم،
الدە شوفەر بولامىن. ت. ت.

اڭگىمەلەسۋ. ءمۇعالىم وقۋشىلاردى ساباق تاقىرىبىنا باعىتتاۋ ماقساتىندا اڭگىمەلەسۋ وتكىزەدى. اڭگىمەلەسۋگە مىنانداي سۇراقتار قويىلادى:
اتا - اناڭ قانداي بولعانىڭدى قالايدى؟
ءوزىڭنىڭ كىمگە ۇقساعىڭ كەلەدى؟
ناعىز ادام دەگەندى قالاي تۇسىنەسىڭدەر؟
بالالار ءوز تۇسىنىكتەرىن ورتاعا سالىپ ايتادى. ءمۇعالىم وقۋشىلاردىڭ جاۋاپتارىن تىڭداپ، ءوزى قورىتىندى جاسايدى.
ءمۇعالىمنىڭ ءسوزى:
- دۇرىس ايتاسىڭدار، بالالار، اتا - انامىز ءبىزدىڭ جاقسى ادام بولعانىمىزدى قالايدى. ءاردايىم اقىلدارىن ايتادى. بىزدەر اقىلدى، ادەمى ادامدارعا ۇقساعىمىز كەلەدى. ءوزىمىز دە مەيىرىمدى، ادال، ءبىلىمدى بولىپ وسۋگە تالپىنامىز.

جاڭا اقپارات
- بالالار، نە ءتاتتى؟
- انانىڭ ءسۇتى ءتاتتى.
- نە جۇمساق؟
- انانىڭ قولى جۇمساق.
- نە قاتتى؟
- اتانىڭ جۇرەگى قاتتى.
- كىم جاقىن؟
- تاتۋ بولسا، اعايىن جاقىن، اقىلشى بولسا، اپايىڭ جاقىن.
- باۋىرمال بولسا، ءىنىڭ جاقىن، الدىڭا تارتقان ادال اسىڭ،
- قيماس جاقىن قارىنداسىڭ.
- نە قىمبات؟
- التىن ۇياڭ – وتان قىمبات،
- قۇت - بەرەكە، اتاڭ قىمبات.
- ايمالايتىن، اناڭ قىمبات.
- اسقار تاۋىڭ اكەڭ قىمبات.
- دۇنيەدە نە قىمبات؟
- ادام قىمبات
- ادامعا نە قىمبات؟
- بالا قىمبات.
ماتىنمەن جۇمىس. ساباقتىڭ تاقىرىبىن اشۋ ماقساتىندا ماتىنمەن جۇمىس جۇرگىزىلەدى. ول ءۇشىن ساباقتا وقۋشىلارعا «كىم بولاسىڭ؟» ج. جۇماحانوۆانىڭ اتتى ماتىنمەن تانىسۋ ۇسىنىلادى. ءماتىندى الدىمەن ءمۇعالىم وقىپ بەرەدى. سوسىن وقۋشىلار وزدەرى وقيدى. ءماتىن مازمۇنى بويىنشا بەرىلگەن سۇراقتارعا جاۋاپ بەرەدى.
♦ اتاسى نەمەرەسىنە ادام بول دەگەندە نە ايتقىسى كەلدى؟
♦ سەندەر «ادام بول» دەگەندى قالاي تۇسىنەسىڭدەر؟

سەرگىتۋ ءساتى.
تاپسىرما. ساباق تاقىرىبىنا سايكەس وقۋشىلاردىڭ بىلىمدەرىن تەرەڭدەتە ءتۇسۋ ءۇشىن بالالارعا تاپسىرما بەرىلەدى. مۇندا سۋرەتتەرگە قاراپ، ادام قابىلەتىنىڭ مۇمكىندىكتەرى جايىندا ايتىپ بەرۋ تاپسىرمالاردى. سۋرەتتەردە سىرقات ادامعا جاردەم كورسەتىپ تۇرعان دارىگەر، ۇشاقتى جۇرگىزگەلى تۇرعان ۇشقىش، ءبىلىم ىزدەنىپ، كىتاپ وقىپ وتىرعان بالا، ونەرگە تالپىنىپ، سكريپكا تارتىپ تۇرعان بالا، ءزاۋلىم ءۇي سالىپ جاتقان بيىك كران جۇرگىزۋشىسى، كومپيۋتەردى مەڭگەرىپ، جۇمىس جاساپ وتىرعان بالا بەينەلەنگەن. وقۋشىلار ءمۇعالىمنىڭ جەتەكشى سۇراقتار قويۋى ارقىلى ادامنىڭ قولىنان كوپ نارسە كەلەتىنىن ايتادى.

دايەكسوز «سەن دە ءبىر كىرپىش دۇنيەگە،
كەتىگىن تاپ تا، بار قالان». اباي قۇنانبايەۆ
ءمۇعالىم وقۋشىلاردان دايەكسوزدىڭ ماعىناسىن قالاي تۇسىنەتىندەرىن سۇرايدى. بالالار جاۋابىن تىڭداپ، قورىتىندى جاسايدى.

تىنىشتىق ءساتى.
ۇشقىش، دارىگەر، قۇرىلىسشى، ۇستاز. ت. ت ماماندىقتار تۋرالى اڭگىمەلەۋ
داپتەرمەن جۇمىس. ءمۇعالىم وقۋشىلارعا داپتەردە بەرىلگەن سۋرەتتەر بويىنشا كىمگە قانداي جاقسىلىق جاسايتىنى تۋرالى اڭگىمەلەپ ايتىپ بەرۋدى تاپسىرادى.
قورىتىندىلاۋ. جۇرەكتەن جۇرەككە. ءمۇعالىم ساباقتى اياقتاۋ ءۇشىن بالالاردى شەڭبەرگە شاقىرادى. بالالار شەڭبەردە مۇعالىممەن قول ۇستاسىپ، ءان ايتادى. ءبىز ونەرپاز بالامىز.