InfoHub Logo

ادام جانە ونىڭ دەنە مۇشەلەرى تۋرالى جۇمباقتار
ساۋلە استىندا ءجۇز ينە.
(كىرپىك)

اسقار تاۋدا قارا ورمان.
(شاش)

وزىمنەن وزگەنىڭ ءبارىن كورەم.
(كوز)

تي دەسەم تيمەيدى،
تيمە دەسەم تيەدى.
(ەرىن)

قاتار – قاتار تاس قويدىم،
جيرەن اتتى بوس قويدىم.
(ءتىل مەن ءتىس)

كورمەگەن ەشكىم،
ءدامىن تاتىپ.
قارا ورمان استى،
ۇيىعان قاتىق.
(ادامنىڭ ميى)

قۇرامالى سىرىق،
بەرسەڭ ىرىق.
كەتەسىڭ تۇرىپ،
باراسىڭ ءجۇرىپ،
قالاساڭ،
وتىراسىڭ بۇگىپ.
(اياق)

ءبىر بۇتاقتا – بەس تارماق،
بارىندە بار ءمۇيىز قالپاق.
(بەس ساۋساق)

ءبىر بەتكەيدە ەكى كول.
(كوز)

ءسوز ۇققىش –
قوس تۇتقىش.
(قۇلاق)

ەسىگىن اشساڭ،
سايراعان بۇلبۇل.
ەسىگىن جاپساڭ،
جايراعان قۇر كۇل.
(ءتىل)

وتىز ەكى باتىر،
ەكىگە ءبولىنىپ،
قامالىپ جاتىر.
(ءتىس)

قاباقتا بار قالىڭ توعاي،
جولسىز – اق تابارسىڭ وڭاي.
(قاس)

القاپتى بار بيىك تاۋ،
الدى تىك جار قيىق تاۋ.
قوس ۇڭگىرى جەلدەتىپ،
اۋا جۇتار سەلدەتىپ.
(مۇرىن)

قاتار جاتقان قوس ءىن،
اڭ كىرمەيتىن بوس ءىن.
(تاناۋ)

قوس جيەك،
ورتاسى
اق سۇيەك.
(ەرىن)

ءوسىپ تۇراتىن دەمدە،
بۇتاق سايىن تەڭگە.
(تىرناق)
ءارتۇرلى جۇمباقتار قاراۋ