InfoHub Logo

تاعامدار تۋرالى جۇمباقتار

سىرتى تاس،
ءىشى اس.
(جاڭعاق)
سۋدان شىعادى،
سۋدا قورقادى.
(تۇز)

ءۇستى تاس، استى تاس
ورتاسىندا پىسكەن اس.
(نان)

جەكە ءوزىن جەي المايسىڭ،
ونسىز استى دا اۋزىڭا المايسىڭ.
(تۇز)

جىلت – جىلت ەتەدى،
جىلعىدان وتەدى.
(سۋ)

ءدامدى – ءدامدى تاعامداردى جينايدى،
قوناقتاردى كوڭىلدەنە سىيلايدى.
(داستارقان)

قار دەيىن دەسەم،
قاپ قاتتى.
تاس دەيىن دەسەم،
ءتاپ ءتاتتى.
(قانت)

قالىڭ كيىمدى ۇناتادى،
شەشىندىرسەڭ جىلاتادى.
(پياز)

ايدالادا اق وتاۋ،
اۋزى مۇرنى جوق وتاۋ.
(جۇمىرتقا)

ۇرماي – سوقپاي جىلاتادى،
اركىم ءبىراق ۇناتادى.
(پياز)

اپپاق سۋ – ءدامى ءتاتتى،
ىشسەڭ سۋسىن قاندىرادى.
شولدەگەندە قاتتى.
(قىمىز)

سۇيىق ەدى اپپاق،
باۋىرداي بوپ قاتىپتى،
ىشسەڭ ءدامى ءتاتتى اق.
(ايران)

اپپاق اس، سىزى بار،
بالالار قىزىعار.
(بالمۇزداق)

اپپاق سۇيىق،
قالسا ۇيىپ،
ءشولىڭ قانادى،
ىشسەڭ قۇيىپ.
(ءسۇت پەن ايران)

ەڭ مىقتى ءدارى،
جۇرتتىڭ ءبارى.
اۋساپ ىشەر،
بال تاتىر ءدامى،
نەنىڭ ءنارى.
(شۇبات)

اجەم ۋىستاپ سىعىپ،
دالادا كەپتىرگەن.
قاتتى ءارى ءتاتتى ءدامىن،
كىم بار جەپ كورگەن؟
(قۇرت)

مال تولدەپ،
ءار اۋىل
ءپىسىردى اق باۋىر.
(ۋىز)

توباتايعا قۇرتىمداي،
جاز بويى ءبىر تىنباي.
جيناعان گۇل ءسولىن،
نە؟
بىلسەڭ، ايتشى ءوزىڭ؟
(ارانىڭ بالى)

اسپان تۇستەس سۇيىق،
اركىم ىشەر قۇيىپ.
(سۋ)

ءبىر جانسىزدىڭ قانى بار.
ءتىل ۇيىرگەن ءدامى بار.
شولدەسەڭ ءىش، قانىپ ال.
(كەسە مەن شاي)