InfoHub Logo

وقۋ – ءبىلىم جانە ونىڭ قۇرالدارى تۋرالى جۇمباقتار
بىلىمنەن مول سىي – اسى،
بالعىنداردىڭ ۇياسى.
(مەكتەپ)

اقىل – ويدىڭ شىراعى،
ءزاۋلىم كوكتەي شىنارى.
بيىگىنە بويلاعان،
قانبايدى ادام قۇمارى.
(ءبىلىم)

ءبىلىمنىڭ جول باسشىسى،
شاكىرتتىڭ قولباسشىسى،
(ءمۇعالىم)

شاكىرتكە جاناشىر،
مەيىرمان كىم، جانى اسىل؟
(ۇستاز)

ءبىلىمنىڭ ءدانىن تەرەدى،
بالاعا ءتالىم بەرەدى.
(ۇستاز)

ۇشىمەن قازىق
تور كوزدى جازىق.
ۇستىنە ءوتتىم،
اسىل ءسوز جازىپ.
(داپتەر)

قابى سوياۋ،
ءدىنى – بوياۋ.
(قارىنداش)

ويلارىڭدى اڭساعان،
اسىل ءسوزدى اق الاڭعا،
تۇسىرۋدەن شارشاعان،
مەن ەمەسپىن ءاماندا.
(قالام)

ءتىل جوق وزىندە،
ءسوزى بار ىزىندە.
(قالامساپ)

بار ويىندى جيامىن،
اق قاعازعا قۇيامىن.
(سيا)

ساعات سايىن قاعىلادى،
تەك مەكتەپتەن تابىلادى.
(قونىراۋ)

كۇمىس التىن ءتىلى بار،
سىڭعىرلاعان ءۇنى بار.
شاقىراتىن بىلىمگە،
ساعاتى بار، كۇنى بار.
(قوڭىراۋ)

بولىنگەندى تابىستىرىپ،
بىرىكتىرسە قابىستىرىپ.
جىمداستىرعان جىگىن دە،
بايقامايسىڭ تۇگىن دە.
(جەلىم)

جۇقا تاقتاي بولشەگى،
ۇزىندىقتىڭ ولشەمى.
(سىزعىش)

ەلدەرى مەن قالاسى،
ويپاتى مەن دالاسى.
تەپ – تەگىس تاقتاي – دى،
وزەنى دە اقپايدى،
توعايى مەن تاۋى بار،
بۇل نە، ءوزىڭ تاۋىپ ال.
(كارتا)

قالاسى بار، ەلى جوق،
دالاسى بار، ءشوبى جوق.
مۇحيتى بار، سۋى جوق،
ورمانى بار، نۋى جوق.
شىڭدارى دا تەپ – تەگىس،
قۇمدارى دا تەپ – تەگىس،
كەڭ جازىقتان ءار ءتۇستى،
شىعىس پەنەن باتىستى –
بار الەمدى تاباسىڭ،
ءوزىڭ تاڭ بوپ قالاسىڭ!
(گەوگرافيالىق كارتا)

دوپ سىندى كەلبەتى،
وندا بار ءتۇپ – تۇگەل،
الەمنىڭ الپەتى.
(گلوبۋس)

وقۋ – ءبىلىم اسپابى،
قويماسىنىڭ باس قابى.
بولمەسى دە بىرنەشەۋ،
تيەگى بار اشپالى.
(سومكە)

قىرىق ەكى جاۋىنگەر،
ساپىن تۇزەپ تۇرادى.
بۇلدىرشىندەر
قاۋىمدى ەل،
سىرىن تەرەڭ ۇعادى.
(الفاۆيت)

ءبىلىم مەنەن ءتالىم،
پاراقتى اشقاندا
بەتتەرىنەن ءمالىم.
(كۇندەلىك)

وقۋشىعا كۇندە ەرىپ،
جۇرەتىن نە؟
(كۇندەلىك)

ۇستىندە ەسىگى،
ءوزى ورىندىق، ءارى ۇستەل،
وقۋشىلار بەسىگى.
(پارتا)

ءىلۋلى تۇر كەڭ الاڭ،
كەرەگىمدى مەن ودان.
جازىپ الام كوشىرىپ،
سۇرتەم سوسىن ءوشىرىپ.
(تاقتا)

ءتورت قىرلى، ءوزى اپپاق،
تاقتاداعى ءىزى اپپاق.
كەڭ الاڭ – تاقىردان،
شيىرلاپ قايتادى.
اق قانت قاتىرعان.
(بور)

سانسىز ويلار بەتىندە،
سايراپ جاتىر بار تىلدە.
قاجەتپىن مەن ءار كۇندە،
وشپەيدى ءبىر ءارپىم دە.
(قاعاز)

قابات – قابات قاتتالعان،
اسىل سوزبەن اپتالعان.
پاراعى بار سويلەيتىن،
ول قازىنا سويلەيتىن،
(كىتاپ)

شاكىرت كەزدەگى،
ءبىلىمنىڭ بەزبەنى.
(باعا)

بار ءبىلىمنىڭ باستاۋى،
بار عىلىمنىڭ باستاۋى.
جاس بالاعا نۇر شاشقان،
قانداي كىتاپ ءتىل اشقان؟
(الىپپە)

باسىندا ازدىڭ اقىلى،
سەلقوستاردىڭ جاقىنى.
(بىرلىك)

جالقاۋمەن ءبىر جۇرەتىن،
قۇددى قارماق ىلەتىن.
جولامايدى زەرەككە،
ساباقتارىن بىلەتىن.
(ەكىلىك)

جالعاس جاتقان قوس شەڭبەر،
بۇيىرىندە قاقپاسى.
كورسەڭ دە ونى دوس سەندەر،
جاقسى، جامان ورتاسى.
(ۇشتىك)

جاقسىمەنەن تەڭ كورگەن،
اتا – انا دا ءجون كورگەن.
ورىندىقپىن توڭكەرگەن.
(تورتتىك)

مەكتەپتىڭ التىن وراعى،
زەيىندىلەر وداعى.
جاقسى كورەر بار بالا،
زەرەككە دوس ول داعى.
(بەستىك)

ويدى اياقتاپ قورىتادى،
سوڭىندا دوپ تۇرادى.
(سويلەم)

ءسوزدى قۇراپ، دوپ تىزەمىن،
قويا سالساڭ ءبىر تارى،
جاڭالىقتى جەتكىزەمىن.
(حابارلى سويلەم)

ويدى اياقتاپ وراق تۇرادى،
جاۋاپ ءسوز قالاپ تۇرادى.
(سۇراۋلى سويلەم)

ۇراندى، شاتتىقتى،
وكىنىش، اپتىقتى،
ءبىلدىرىپ ويىن تالايدىڭ،
شارعا ينە قادايمىن.
(لەپتى سويلەم)
ءارتۇرلى جۇمباقتار قاراۋ