InfoHub Logo

كوپتەگەن جاعدايلاردىڭ اسەرىنەن كەيبىر قالالار تۇرعىزىلعان كۇيى سول قالپى ەلسىز بولىپ قالعان. نازارلارىڭىزدا ءدال سونداي قالالار ءتىزىمى. 

1. كانباشي
قىتايدىڭ سولتۇستىگىنىڭ وردوس قالالىق وكرۋگىندە 300 مىڭ ادامعا ارنالعان كانباشي قالاسى بار. قۇرىلىستىق سەرپىلىس كەزىندە تۇرعىزىلعان قالا سول كۇيى جىلجىمايتىن مۇلىككە سالىنعان ينۆەستيسيا بولىپ قالدى.

 
عالامدىق قارجىلىق داعدارىس قۇرىلىسشىلاردىڭ تالپىنىسىن باسىپ، ەندى كەيبىرى سالعان قارجىسىنىڭ تىم قۇرىعاندا ءبىر بولىگىن قايتارۋ ءۇشىن بوس مۇنارالاردى جارىپ، الىپ جاتقان جەرىن باسقا ينۆەستورلارعا ساتۋدى ويلاستىرىپ ءجۇر. 

 

2. سەسەني قالا ماڭى
يسپانيانىڭ سەسەنيا قالاسىنىڭ كىرەبەرىسىندە، مادريد پەن تولەدونىڭ ورتاسىندا، جىلجىمايتىن مۇلىككە جوعارى سۇرانىس كەزىندە ميللياردەر فرانسيسكو ەرناندو 13500 پاتەرگە ەسەپتەلگەن وراسان زور تۇرعىن ءۇي كەشەنىن تۇرعىزادى. بۇل جەكە سالۋشىلار سالعان ەۋروپاداعى ەڭ ءىرى كەشەن بولىپ تابىلادى.

 
2008 جىلى ەرناندو 2 مىڭ پاتەردى جوبا كرەديتشىلەرىنە بەرەدى، ءبىراق بيلىك پاتەرلەردى ساتۋعا تيىم سالادى، ويتكەنى وندا اۋىز سۋى تارتىلماعان جانە عيماراتتارعا جايعاسۋعا بولاتىندىعى جايلى رۇقسات قاعازى بولمايدى. بۇدان وزگە ينفراقۇرىلىم مەن جول دا سالىنباعان بولىپ شىعادى. سوڭىندا ەرناندو سالىق تولەمەگەنى ءۇشىن جانە پارا بەرگەنى ءۇشىن ايىپتالادى، ناتيجەسىندە ول قۇرىلىستى تاستاپ، ەكۆاتورلىق گۆينەياعا قاشۋعا ءماجبۇر بولادى. 

3. كيدجوندون
دەميليتاريزاسيالىق شەكاراعا جاقىن ورنالاسقان سولتۇستىك كورەيلىك كيدجوندون قالاسىن كوبىنە «ناسيحات اۋىلى» دەپ اتايدى. بۇل وڭتسۇتىك كورەيانىڭ شەكاراسىنان باقىلاۋعا رۇقسات ەتىلگەن سولتۇستىك كورەيانىڭ تولىقتاي جابىلعان جالعىز ەلدى مەكەنى.

 
كيدجوندون ىشكى كەڭىستىكسىز، ءبىراق ەلەكتر جۇيەسى تارتىلعان اشىق، جاساندى ۇيلەردەن تۇرادى. تەرەزەدەن تۇسەتىن جارىق عيماراتتىڭ ناقتى ءبىر جەرلەرىندە جانە ناقتى ءبىر ۋاقىتتا جانادى. كەيدە قالادان قۇرىلىسشىلاردى، اسكەريلەردى جانە تەرەزە جۋاتىن ايەلدەردى بايقاپ قالۋعا بولادى. 

4. كيلامبا
قىتايدىڭ حالىقارالىق دۇنيە-مۇلىكتى باسقارۋ ينۆەستيسيالىق بىرلەستىگى انگولانىڭ استاناسى لۋاندادان 30 كم قاشىقتىقتا كيلامبا قالاسىن سالدى. 750 سەگىزقاباتتىق تۇرعىن ۇيلەر 500 مىڭ ادامنىڭ تۇرۋىنا ەسەپتەلگەن، ولارعا سونىمەن قاتار جۇزدەگەن ساۋدا ورتالىقتارى مەن ونداعان مەكتەپ سالىندى. 

قۇرىلىستىڭ اياقتالۋىنا قاراماستان، كيلامبادا قازىرگە دەيىن تەك 220 پاتەر ساتىلعان، سەبەبى انگولانىڭ كوپتەگەن تۇرعىنى يپوتەكانىڭ كومەگىمەن دە پاتەر الۋعا جاعدايلارى جوق.

---