InfoHub Logo

جوسپار
ءى. كىرىسپە
ءىى. نەگىزگى ءبولىم
2. 1 Adobe Photoshope باعدارلاماسى
2. 2 Adobe Photoshope باعدارلاماسىنىڭ تيىمدىلىگى
2. 3 Adobe Photoshope باعدارلاماسىنىڭ كەرى اسەرى
ءىىى. قورىتىندى
IV. پايدالانعان ادەبيەتتەر ءتىزىمى.

ءى. كىرىسپە
زەرتتەۋدىڭ وزەكتىلىگى. قازىرگى تاڭداعى اقپاراتتىق نارىقتا العا قويعان ماقساتتارعا قول جەتكىزۋ ءۇشىن جاڭا تەحنولوگيالاردى پايدالانۋ قاجەت. وسى تۇرعىدا Adobe Photoshope باعدارلاماسىنىڭ قولدانۋ اياسى دا كەڭىنەن تارالىپ كەلەدى. اتاپ ايتقاندا، ماركەتينگ، مەديسينا، پوليگرافيا، ديزاين جانە ت. ب. سالالار اتالمىش پروگراممانىڭ كومەگىمەن جوعارى دەڭگەيدە دامۋىنا ىقپال جاساۋدا. بۇل جوبادا Adobe Photoshope باعدارلاماسىنىڭ دۇرىس باعىتتا قولدانىلۋى قاراستىرىلىپ، ونىڭ تيىمدىلىگى مەن كەرى اسەرىنە تەرەڭىنەن تالداۋ جاسالىنادى.
زەرتتەلۋ دەڭگەيى. بۇل تاقىرىپ وتاندىق زەرتتەۋشىلەر تاراپىنان از قاراستىرىلعان. جۇمىستا نەگىزىنەن رەسەيلىك جانە امەريكاندىق عالىمداردىڭ ەڭبەكتەرى قولدانىلدى: بەرت مونرو «پريمەنەنيە Adobe Photoshop ۆ رەكلامە»، 2005 جىل، A. H. نازايكين «يلليۋستريروۆانيە رەكلامى»، 2005 جىل. بۇقارالىق اقپاراتتار قۇرالدارى مەن ينتەرنەت سايتتارى پايدالانىلدى.
زەرتتەۋدىڭ ماقساتى مەن مىندەتتەرى. Adobe Photoshope باعدارلاماسىنىڭ قولدانىلۋىنا ساراپتاما جاساپ، تيىمدىلىگىن كورسەتىپ، كەرى اسەرىن انىقتاۋ. مىندەتتەرى:
Adobe Photoshope باعدارلاماسى تۋرالى جالپىلاما اقپارات بەرۋ؛
Adobe Photoshope باعدارلاماسىنىڭ تيىمدىلىگىن مىسالدار كورسەتۋ ارقىلى دالەلدەۋ؛
شەتەلدىك تاجىريبەلەردى ەسكەرە وتىرىپ، Adobe Photoshope باعدارلاماسىنىڭ زيانىن كورسەتۋ.
زەرتتەۋ جۇمىسىنىڭ تەوريالىق جانە پراكتيكالىق ماڭىزى.
زەرتتەۋ نىسانى. عىلىمي جوبانىڭ باستى نىسانى - Adobe Photoshope باعدارلاماسىنىڭ ءار سالادا قولدانىلۋىن قاراستىرۋ، زەرتتەۋ.
زەرتتەۋ ادىستەرى. عىلىمي جوبادا كونتەنت – اناليز (كىتاپتار، سمي، وقۋلىقتاردى قولدانۋ) بايانداۋ، زەرتتەۋ، سالىستىرۋ، ەكسپەريمەنت، ساراپتاۋ ادىستەرى قولدانىلدى.
زەرتتەۋ جۇمىسىنىڭ قۇرىلىمى. زەرتتەۋ جۇمىسى كىرىسپە، نەگىزگى ءبولىم، قورىتىندى جانە قولدانىلعان ادەبيەتتەر تىزىمىنەن تۇرادى. 15 بەت.

ءىى. نەگىزگى ءبولىم.
2. 1 Adobe Photoshope باعدارلاماسى
كومپيۋتەرلىك گرافيكا ءار ءتۇرلى جارناما اگەنتتىگىندە، اسەمدەۋشى بيۋرودا، رەداكسيا جانە باسپاحانالاردا قولدانىلادى. گرافيكا ارقىلى وتە كۇردەلى سۋرەتتەردى قۇرايدى، ەلەكتروندى قۇجاتتاردا قولدانادى، وبەكتىلەردىڭ مودەلى مەن قۇرىلىسىن زەرتتەيدى. كومپيۋتەرلىك گرافيكا وتە قارقىندى دامىپ كەلە جاتقان عىلىمي يندۋستريا. سوندىقتان كومپيۋتەرلىك گرافيكامەن جۇمىس جاساۋدى كەز - كەلگەن پايدالانۋشى ءبىلۋى كەرەك. گرافيكالىق پروگراممالار ىشىنەن Adobe Photoshop پروگرامماسى – گرافيكالىق جانە مۋلتيمەديالىق پروگراممالاردى وڭدەۋدە 17 تىلدە تانىلعان جانە 215 حالىقارالىق جەتىستىككە جەتكەن 70 مەملەكەتتە قولدانىلاتىن پروگرامما.
بۇگىنگى تاڭدا بۇل باعدارلاما سۋرەتشىلەردىڭ، فوتوگرافتاردىڭ جانە ديزاينەرلەردىڭ قولدانىسىنا يە. باعدارلامانىڭ العاشقى ءتۇپنۇسقاسىن اعايىندى توماس جانە دجون نولل جاساسا، قازىرگى ۋاقىتتا وڭدەۋشىلەردىڭ سانى 41 بولىپ تۇر. توماس تۇستەر مەن ولاردى كوررەكسيالاۋ نەگىزدەرىن ۇيرەنسە، دجون كومپيۋتەرمەن اۋەستەنگەن. 1984 جىلى ماكينتوشي ماركاسىنداعى كومپيۋتەردىڭ فۋنكسيونالدىق مۇمكىندىكتەرى اعايىندىلاردىڭ كوڭىلدەرىنەن شىقپادى. بۇل بولاشاقتا ميلليونداعان دوللار پايدا اكەلەتىن پروگراممانىڭ شىعۋىنا سەبەپ بولدى.
وسى ۋاقىتتان باستاپ توماس پەن دجون گرافيكا مەن كومپيۋتەردى بايلانىستىرىپ، كومپيۋتەرلىك گرافيكانىڭ پروگرامماسىن قۇرا باستادى. پروگراممانىڭ دامۋىنا ىقپال جاساۋعا ينۆەستورلار ىزدەستىردى. Photoshop دەپ اتالۋدىڭ ناقتى سەبەبىن ەشكىم بىلمەيدى. سول ۋاقىتتاردا پروگراممالىق جابدىقتاردا ەكراندا «Photoshop» جازۋى تۇرۋىنا بايلانىستى قويىلعان دەگەن بولجام بار.